myth

.

مرحبا
شخباركم كلكم ؟ كيف الإجازه !!
وناسه صح

ترى ماعندي شي خطير بس بقولكم شي حسيته اليوم وسويت أزمه مع نفسي

مشكله الواحد لا ركب السياره وبدت الهواجيس تدوور وتلعب براسه
أحب الهواجيس .. أحب أتخيّل وأفكر .. بس لا يطوّل التفكير عشان ماأبثر إللي حولي
يعني مثلاً أفكر .. لو صار كذا وش بيصير !!
لو أنا مو أنا وشلون بيكون شكلي ؟ طيب ليه أنا هي أنا !! وليه هاذي أمي وليه هذا أبوي ؟
ليه عدد أخواني 6 ؟ ليه ماصرنا 3 أو 4 أو 10 ؟
خخخخخخخخخ أرحمني أحياناً .. لأن توصل معي مخي يقفل خلاص أحس راسي بينفجر من أفكاري إللي مالها جواب ومالها داعي
وأحلى الهواجيس والأفكار والخيالات تجيني بالسياره , حتى من الحماس مع الخيال توصل أضحك مع نفسي
ودي أعرف علم يحس فيني وإلا لأ ؟ أحس وده يقول " رُبى وش تحسين فيه " ؟

اليوم .. وأنا بالسياره جلست أفكر
أقول بيني وبين نفسي أشتقت لـ جدتي .. من جد أشتقت لها , هي جت عندنا فتره طويله تقريباً
وراحت ياحبي لها .. رجعت بيتها , ومره كانت مسويه جو بالبيت وسواليفها ماتنمل
فعلاً أحيان الواحد يشتهي يجلس مع جد أو جده .. يسولف ويضحك ويسمع حكاويهم
السواليف من الجدان غير , لها طعم وماتنساها أبد .. تتذكرها دايم
بعدين شوي جا فبالي .. ألحين بعدين بعد 40 سنه أو أكثر بيصير فيه جدان زي ألحين ؟
شلون بتكون سواليف الجد والجده ؟ "إللي هم إحنا"
وش بنسولف لأحفادنا .. وش بنقول لهم ؟
يعني لا جتني حفيدتي وقالت لي: ياجده "رُبى" قوليلي حكايه .. أقولها حكاية وشو ؟
أقولها قصة سندريلا وإلا سنووايت وإلا تايتانيك وإلا شلون مات صدام حسين وإلا أقولها قصة برجس والبلاوي حقتنا
ولا قالت لي: وش كانت ألعابك ؟ ووش كنتِ تسوين وإنتي كُبري ؟
أقولها كنت أجلس عالنت وأطقطق بالبلاك بيري وألعب بلايستيشن وأفرفر بالأسواق !
ولا سألتني: وش أكلكم ؟ أقولها أكلنا كان مكرونه وهوت دوق وبطاطس ونحلي بباسكن روبنز لأننا ناس هاي كلاس وكشخه
يييييييييييييع يامصلنا .. مساكين أحفادنا

يعني إللي أبي أوصله لكم .. مارح يصير بالحياة جد وجده زي ألحين ؟؟
مارح يكون فيه جده لابسه شيله وكرته وحاطه حنا بيدينها ولابسه ذهب !
ولا رح يكون فيه جد بسبحه وثوب وشماغ وعكاز وشعره شيب وبفمه مسواك ويقول قصايد !
ولا رح يكون فيه جده صيته وموضي وشمه وفطيمه وفتو وصالحه ومنيفه وشيخه ولولو وحصه !!
ولا جدو سالم وسعود وسليمان ومحمد وعبدالكريم وصالح وعوض وفرحان وحميدان ومشبب !؟

بنصير جدات كول ويااي , نلبس تنانير قصيره ونلبس فساتين وبناطيل
شادّين البشره , وفالين الشعر , بيختفي شي اسمه كرته وشيله وحنّا .. بنصير جدات بمناكير وفرينش مناكير وصبغات
نحط ميك أب وشفايف منفخه .. يعني على بلاطه " شحرورات "
والجد بيكون ثوب ومرسم .. هذا إذا لبس ثوب وماطق لك التي شيرت والجينز مسوي شبابي
وصابغ الشعر والسكسوكه .. وبدل مايجلس بالمزرعه وعند النخل أو الغنم
تلقاه يفرفر بالأسواق يغازل الصبايا .. طرت على بالي أغنية ديانا حداد " ياعيبوو " والله ياعيبو عليك إنتي يالأم القدوه إللي ترقص قدام خلق الله

استحي على شيبتك يا عيبو يا عيبو
وحاجه تقلل هيبتك يا عيبو يا عيبو
سنينك صارو بينعدو
يلي متلك شو بدو ؟
وبعدك داير ليل نهار
على الصبايا عم تنهار
مهوا يلي بعمرك صار
عم بيقلولو " جدو "

أجل جده رُبى
واوييييلنا .. بكره أصير جده رُبى .. إسمي مايصلح جده لا كبرت بغيره بخليه " ربييييبه " أحس "جده ربيبه" ألبق
وإلا جده غيداء وجده ريم وجده فَي ْوجده دانه وجده أبرار وجده جُمانا وجده غرام
وجدو سمير وجدو ريان وجدو رامي وجدو فراس وجدو مصعب ويييييييييييييين أبد مايلوووق
أتوقع الجيل الجديد مابيقول جدو أو جده , أحس بيطلع شي جديد .. يمكن يصير " نونا " للجده و" بوبا " للجد

الأجداد ( تراني بلشت مدري وش جمع الجد والجده هي جدان وإلا أجداد ؟ )
المهم .. هم " الجدان " يحبون يقولون قصص فيها حكم وقصص عن تعبهم وكيف كانوا يناضلون ويدورون لقمة العيش
جدي يقولنا من زمان كنا نجلس بالأيام مانلقى شي ناكله , نعيش على خبز ناشف ومويه من البير
ولا أنشق ثوبي , جبت رقعه ورقعتها فيه , يجيك الثوب مرقع بأكثر من لون ياحيااتي
ويعلمنا شلون صبروا وكافحوا وربوا عيالهم وتعلموا من الدنيا دروس

لكن حنا .. بكره لا جينا نعلم عيالنا الصبر والحياة الصعبه وش نقولهم ؟
أقول لأحفادي شلون نشبت وبلشت إلا يشترون لي أهلي بلاك بيري ؟ وإلا أعلمهم شلون كانت تجربتي الأولى بالسباحه
لمن رمتني المدربه بالمويه وقالت لي: move move .. ووشلون طلعت من المسبح وأنا أصيح وأقول مانيب سابحه مره ثانيه أخاف
وإلا أعلمهم شلون كانت أمي تجلدنا لاجت تسمّع لنا ولقتنا مو حافظين وأعند وأقول " والله ماأذاكر عناااااد "
أعلمهم قلة الأدب والعناد ؟ أعلمهم شلون كنت أسوي نفسي نايمه ولا نام أبوي وأهلي أفتح الكمبيوتر وأسهر عالنت ؟
ونعم الحكم والقصص المؤثره

ياحلو كلام الجده لاجت ترحب وتهلي .. ولاجت تدعي لك بكل وقت
وخاصة لا صارت متمسكه بلهجتها , أو الجد لا تكلم بلهجته .. ونقعد نقول وشو ؟ مافهمت ! وش يعني هالكلمه ؟
ويشرح ويعلمنا .. ويلعبنا ويشتري لنا هدايا وحلاو .. وجدتي بالعيد تحط لنا حنا بيدينا
بكره .. لا جيت أسلم على أحفادي بالعيد ماأسلم عليهم أتوقع
أصلن ماأحس بيجون .. خلاص أرسلهم مسج وأقولهم
(عيدكم مبارك حبايبي أحبكم تعالوا عندي مسويه لكم دي جي العيد )
< أغريهم بزعمي عشان يتلحلحون ويجون
طيب لا سلمت عليهم وش أقول ؟ أهليييين وحشتوني ياشينين .. ياخي والله مالكم داعي وش ذا !! وألتفت على بنتي
ترى مالك داعي طيب ! والله أنك بايخه خلي العيال يفلونها وجيبيهم معك كل مره .. بزعمك يعني كشخه ؟
وإلا الجد .. هلاااااااااااااا والله .. شلونكم ياعيال ؟ يلعن أشكالكم والله كبرتوا ! عزيييييز تعال يازكرت وينك من زمان عنك
جوجو يالبيييييييييه خخخخخخخ والله وصرتي طخمااا تعالوا ألعبوا معي بالبلايستيشن
ههههههههههههههههههههههههههههههههههههه مصطلحات فاشله

طيب لا جت حفيدتي وتقولي: ماما ربى وإلا نونا ربى إدعيييلي
وأجي أبدا أدعي وأقول : يارب يارب توفق بنتي جوجو وتخليها أحسن البنات يارب
يارب تصير كشخه وهاي كلاس يارب .. يارب تتزوج إنسان جنتل ويعيشها بقصر يارب
يارب تشتري شنطة برادا إللي تحبها يارب .. يارب يضبط معها التان هالمره يارب
يارب صبرها على موت هنوناتيبوساكي ( اسم كلبها الأسباياباني يعني مهجن من اسباني وياباني ) يارب
يارب يارب وفقها بدراستها وكمان خليها بنت سمارت وقويه ماااااره
وهي تأمن وراي .. إيه إيه بليييييز يارب

مابي كذا نصير .. يييييع وش هالحياة ؟؟
تحسون مثلي بيصير كذا ؟ علموني بإحساسكم وش تتوقعون بنصير !!





ترى مدري هو صح هذرتي مكانها التكيه ! مدري عاد وين مكانها بس طفشانه أبي أفضي مخي
باي

.

ريمي

موافق عليها

خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخخخخخخخخخخخخخخخخخخخخخخخخخخخخخخخخخخخ

الله يشفيك اجل انتي ليه انتي ؟ خخخخخخخخخخخخخخخخخخخخخ .. اشك ان اللي براسك مخ اللي براسك ايسكريم باسكن روبنز ... طيب ماعمرك مره شطحتي بتفكيرك ليه هذي شغاله المطبخ وهذي شغاله الصاله وهذي شغاله الدرج .. ليه ماتصير شغاله المطبخ بدال شغاله الدرج وشغاله الدرج بدال شغاله مجلس الرجال ... بعدين وشو اللي عيالكم 6 ذر انتم تفو تفو ماشاء الله على ابوك ... خخخخخخخ والله انك منتب صاحيه اجل تفكرين شلون يبي يصير شكلك اذا عجزتي ياليتك ماعطلتي على الاقل نلقى شي يلهيك .. وانتي صادقه شلون يبون يتقبلونك احفادك وانتي اسمك ربى الا صدق شلون عايش بأسمك روحي موتي هفففففففف <<< تحيه الى الجده الصغيره سويرا ... شي طبيعي انك اذا صرتي جده اول شي ابعدي احفادك عن سويرا لانها يمكن انها تكون قد كبرت وتقعدت تظربهم وتقول يابزران ... وخليهم قريبين لتسونامي لانها تبي تصير فلبينيه عجوز تربيه الاطفال اخذ من عمرها الكثير يعني تبي تصير خبره .. اخ تخيلي الميش جده قاعده تنتف عيالها وتذب عليهم بس ترا والله انها اهون من سلمى اللي جامعتهم بعد ماخلصت محنيه لحيتها ومسويه لها حلقه وتقول اقرأ ياوليدي من قوله تعالى بعدين شوي تقاطعه وتقول حسبك سلمى تبي تبثر هم فصفص اكيد كل احفادها دببه واللي ينجح بالمدرسه تخليه يدخل المطبخ ... ريمي طبعا كل احفادها يمشون على جنب << يعني منحرفين هذا اذا قدرتوا تشوفونهم اصلا تحس احفادها من صغرهم يجون بالدرزن ... مشكلتي لاتصير جده مانبي نكثر الجاويين بالمملكه .. طبعا بنده كل احفادها يبون يطلعون وش حليلهم كييذا تلقينهم كلهم متجمعين يايشفون فلم يايتناقشون فيه هادين ...شبكشي شلون يبون يجون احفاده اذا جو يسلمون عليه تقلينهم يشلونه جدو شبكشي ياحليله والله والله وكبرت ياجدوا وصرنا نقدر نشوفك بالعدسه المكبره بدال المجهر


شوفي تراه يستحق التثبيت بس ابخلي العمده يتلذذ وهو يثبت موضوع لك ياربى العمده شفت شلون اضبطك ياكلب ... لو سمحت ياليت ما اشوف معك اكياس عليها شعار كييذا زي التفاحه يثير اعصابي

I can`t love you

myth

\
/
\


هههههههههههههههههههههههه وك وك وك واااااااك

اجل من الحين بتفكرين انك تكونين جدهـ

الروحه الثانـيه بالسياره اكتبيلنا وش فكرتي تصيرين ههههههههههههههههههه

من جد دعاوي الجداااات احسها مقبوووووووله على طوووول يكفي دعتلي بشي وتحقق ياحبيلها

ابي اسألك يوم طبــيتي بالمسبـح غرقتي ؟؟ هع هع هع رحتي بعدها أو احلا سحبـه عليهم ؟

شوفي يا أأأأوخـــيتي myth اذا صرتي جدهـ قولي لاحفادك هذي القصـه افتحي الرابط



have a good day

VIOLETA

كابتشينو

HâήDšomẽ

اتوقع ان ربى اذا صارت جده تبي تقطع باسكن روبنز بس انها تبي تكثف الشغالات ... واتوقع انها تبي تصير هي وتسونامي خويات ويجلسون يسولفون عن منول وتقولها تسونامي ربى انتم تجار بس تبطون تصيرون زينا معكم قد فلوسنا .. عاد ترد عليها ربى على الاقل انا اقل منك فلوس بس قدرت اذل بلدك واجيبهم كلهم عندنا شغالات ... ياشغاله الشاهي تعالي صبي اوه معليش تسونامي تخبريني عجوز ما اشوف زين خربطت فيك مع الشغالات

مآتستبسطنيشً~

فصفص

.
.



ربى وش هالي قاعده اشوفه انا

اشوا انتي بعد تفكرين وتقولين ليه انا هو انا تدرين انا اذا تعمّـقت بها التفكير احس اني معد احس بروحي احس اني مهوب انا هو انا قسم بالله شعور غبي غبي اقول ليه روحي دخلت في جسدي .. ليه روحي مادخلت جسد ثاني .. طيب لو روحي دخلت في جسد اخوي .. جسدي هل باحس فيه ولا باحس بجسدي وروح اخوي .. ولا روحي وجسد اخوي شي يلحس مخك وماتدرين انتي مين انتي انتي ولا انتي اخوك خطر يجيك انفصام من كثر التفكير ولا اقول ليه ما اتحكم في الناس واخليهم يتحركون ليه بس انا اتحكم في نفسي خلاص خلاص بتعب اذا تعمقت

نجي للجدات انا لو بصير جده ان شاء الله احس اني بصير نجسه مرت ابو
ما ادري مجرد احساس بس بس لا يارب اكون حبوبه وكذا اجلس اهايط عليهم واكذب واقولهم اييييه ايام زمان كنت اشقى واتعب وانتم يا هالجيل مالقاها الا انتم
احس ماعندي مشكله افقش عليهم حتى تفاصيل وجهي توجي اني صادقه

بس اذا تبين الجد الجد ما ادري وش بيصير شكلي ماقد تخيلت فعلن فعلن
احس راسي اوجعني يمه مابي اكبر



بقولك شي يمكن ماله علاقه بالموضوع
يقولون لك اذا غمضتي وتخيلتي نفسك بعد 70 سنه
بتصيرين فعلا اللي تخيلتيه .. اذا تخيلتي انك بتمرضين .. تمرضين
اذا تخيلتي انك بتعجزين ويصير شكلك قبيح .. تصيرين فعلا
طبعا بعد مشيئه الله .. فحاولي تتخيلين نفسك باحسن صوره << علمي روحك اجل نجسه


ربي موضوعك قوي واسلوبك عفوي لا توقفين نبي غيره


.
.

myth

.

اقتباس:

شلون تفكرين أنتي علميني !!

اقتباس:

يختي من جد عجزت فيك خبلة أنتي خبلة ؟!

ههههههههههههههههههههههههههههههههههههههههه

لا مو خبله , حلو التفكير يحرك المُخ بدل الفضاوه إللي حنا فيها

اقتباس:

أحيان أقول طيّب ياربي طيّب ليه أمي تكرهني ، ليه أبوي مايلبي لي طلباتي أكيد إنهم متبنيني وإلا أنا مانيب بنتهم

تفكيرك زي حركات أخواتي الشريرات كانوا ينصبون علي يقولون إنتي مو أختنا , جبناك من الشارع
وأنا كنت أتعب نفسياً وأصييييح وأبكي من قلب , كانت قمة المتعه عندهم

اقتباس:

ياجدة رُبى أبرك من ياجدة شسمها والله ياناس وناس بعد ههههههههههههههههههههههه

لا والله جده شسمها أبرك من جده رُبى

اقتباس:

[ والله اللي خليتها توسوس ياربى وهي توه ماعرست ] <~ وجهي إن اعرستي

اقتباس:

لا أبعرس ليش لأ ؟ ليش التشآؤم ! بالعكس الحيآة حلوه وحتجوز وأجيب بيبيات , وأعزمك على عرسي بعد

اقتباس:

وإلا نروح أنا وياك المسبح وتقولين لي : هاه يايستريحون جبتي مايوهك

اقتباس:

ماهوب تلخبطينه مع مايوه بنيتك زي كل مره

تتوقعين وقتها أجسامنا بتصير زي أجسام بناتنا

اقتباس:

وإنه في هاك السنة ، أيام سنة الطبعه [ ربى أتحداك تعرفين سنة الطبعة ]

يعني يعنننني يعني يعني
سنه طبع القرآن .. صح ؟

اقتباس:

كان يروح الغوص ومايعوّد إلا بعد 3 شهور أو 4

اقتباس:

وإنهي إلى منه خش البحر تسن عروق قليبها يتقطعن من الشوق وكانت تلقم عيالها اللي هم أبوي وعمامي من خشاش الأرض <~ يستريحون بشويش يمه ارفقي عليهم ترى الأعضاء أوادم ويفهمون !!

صح ياحليل جدتك عالأقل تسولف عن معاناة فيها حب وشوق وعروق تتقطع

اقتباس:

* سلّم ، الله لايسلم منك مغز أبرة * كل ، كلاك الحوت * جعلك السلّي ، وعظم منحلّي < هلا والله *جعلكم للهاجس * ياعلّك الدمامل بين ~~~ [ في حال كانت الدعوة على ذكر ] ياعلك الدمامل في ~~~ [ في حال كانت الدعوة على أنثى ] و يامال الضعفة ، وإلا يامال الذهاب

ألحين ربي ماأستجاب ولا دعوه من هالدعوات !!
يعني كلكم سليمين ! الله يعينكم

اقتباس:

*ياعلّ عيني ماتبكيك ياوليدي * ياعين ابوي وخلف جداني ولامنه استبشرت بحدا عيلانها قالت : تعال تضمك ضلوعي و ليحان صدري * ياجعل عمرك عمر شعيب النبي <~ أحبها ذا الدعوة وإلى يومك أقولها * رح في حجى الله وإرجاه

شف التناقض
ياحلو كلامهااااااااااا

اقتباس:

باسكن روبنز فاتحن هالحين بيبي!!

اقتباس:

بليز ودي تجيب لي بيتر سكواتش وإلا توفي وخله يكثر عليه الشوكليت ودي ابزع به عند جارتي لمار على فكرة لمار جدة مثلك ياربى

يعني تتوقعين باسكن بيكون كشخه وحق آل سعود ذاك الوقت !!؟

لا لا مايسيييير ننتظر لين ذاك الوقت أكيد بيطلع شي ماااره كشخه أكشخ من باسكن روبنز

اقتباس:

ربى ، أنتي تحبيني وأنا أحبك صح ؟

صحين مو وآحد

اقتباس:

أجل تكفين كل يوم أكتبي موضوع بالتكية وخليني أوسع صديري و ابث ذا التكة اللي بحدر حلقي

كل يوم مشكله .. هو هواجيسي تطلع فجأه وبأوقات غريبه شوي
فـ على حسب

حبي لك بس .. نورتي والله

.

myth

.

موافق عليها

اقتباس:

خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخخخخخخخخخخخخخخخخخخخخخخخخخخخخخخخخخخخ الله يشفيك اجل انتي ليه انتي ؟ خخخخخخخخخخخخخخخخخخخخخ .. اشك ان اللي براسك مخ اللي براسك ايسكريم باسكن روبنز

أنا ماأفكر وأقول أنا ليه أنا ؟ لا مافهمت تفكيري
يعني شلون أقولك ! عادي كثير ناس لمن يتعمقون بالتفكير يتشتتون وفجأه مايعرفون نفسهم
جرب فكر بنفسك يوم وعلمني وش يصير معك بتحس أن بمخك هاجن داز مو باسكن روبنز

اقتباس:

طيب ماعمرك مره شطحتي بتفكيرك ليه هذي شغاله المطبخ وهذي شغاله الصاله وهذي شغاله الدرج .. ليه ماتصير شغاله المطبخ بدال شغاله الدرج وشغاله الدرج بدال شغاله مجلس الرجال

هه هه صراحه مره تضحك صراحه قمة الروعه
على طاري قمة الروعه .. تو كنت بزواج وغنت " يلوموني حبيبي فيك صراحة قمة الروعه "
قسم بالله حامت كبدي

اقتباس:

بعدين وشو اللي عيالكم 6 ذر انتم تفو تفو ماشاء الله على ابوك

بسم الله علينا
يعني على أساس أنك أشقر وأول مره تشوف عائله عندهم 6 !

اقتباس:

خخخخخخخ والله انك منتب صاحيه اجل تفكرين شلون يبي يصير شكلك اذا عجزتي ياليتك ماعطلتي على الاقل نلقى شي يلهيك

إذا مافكرت بعمري أفكر بمين ؟

اقتباس:

الا صدق شلون عايش بأسمك روحي موتي

للأسف عجزت أفهم هالجمله

اقتباس:

شوفي تراه يستحق التثبيت بس ابخلي العمده يتلذذ وهو يثبت موضوع لك ياربى العمده شفت شلون اضبطك ياكلب ... لو سمحت ياليت ما اشوف معك اكياس عليها شعار كييذا زي التفاحه يثير اعصابي

مشكور ثبته أو لا ..
وكمان شكراً عالرد مع أنه كله ذب بايخ بس ضحكني

myth

.

لا خلاص مارح أفكر , التفكير يتعب عقبال ماتتحقق كل دعاويك يارب
يوم طبيت بالمسبح لا ماغرقت بالعكس سبحت وتعلمت السباحه بس ماعجبتني يوم رمتني
ورحت بعدها مرررات خلاص صرت سمكه
المقطع يضحك

شكراً ماأقدر أحبك

VIOLETA

هلا بك أكثر
الله يعينك ويوفقك بالشغل .. والله أحسن لك ولا جلسة البيت إللي مافيها إلا الطفش

اقتباس:

زين بآلسيآره آلهوآجس مآتجيني آلا اوقآت وأمآكن خطأ

هههههههههههه حسيت مكانك نفس مكاني الثاني

اقتباس:

مو لآيق بغير آسمي آذآ صكيت آلـ 50 لمضآوي

وأنا بسمي نفسي صيته
صديقتي أسماءهم كلهم دلع , ويوم جت آخر بنت لهم سموها صيته
أخوها فرح مره .. كل ماصار شي قال وأنا أخو صييييييييته
أخواته أنقهروا قالوله ليه ماتقول أسماءنا ؟ قال تبوني أقول أسمائكم إللي مدري شتبي !!
ذكرت ناصر القصبي .. وأنا أخو فريااال

اقتباس:

بجلس آقولهم كيف كنت آسيح كثير وآبثر آهلي لين يسون آللي آبيه آخآف آطيح من عينهم آذآ عرفوآ آني سيوحه ولآ هم بيصيرون مثلي !.

أخاف لا كبرتي تصيرين سيوحه أكثر زي جدتي لو وش قلتيلها صاحت
ترى الجدات مره حساسات وش بنصير لا كبرنا ؟؟

اقتباس:

آفكآرك زينه للمستقبل آنآ كله آسود دآيم آتخيل بموت تفكيري شين مره

تفاءلوا بالخير تجدوه أنصحك تقرين كتاب The Secret [ السر ]
مره حلو يخليك متفائله وماتفكرين إلا بأشياء حلوه
أنا عكسك لمن أفكر بمستقبلي أحسه بيطلع شي حلووووووووووو مره ويارب يصير

غيدو مره مره أنبسطت بردك

.

myth

.


كابتشينو

اقتباس:

خخخخخخخخ يلعن أم الهواجيس .. قسم يا فله

حسيتك أختي على " يا فله "

اقتباس:

بعض الشيبان عـ قوله خويي >> لحظه بضحك

هههههههههههه شفيك كاب ؟

اقتباس:

أبوي الإنسان المثقف اللي كان الرجل المثالي .. و لا جيت للصدز كان أسفل شيء

أهااااا هنا المشكله إللي الكل يعاني منها
أنت خذ وخل من هرج الأبوان .. أقول لأبوي أنتم ليه أول تكشفون على بعض وتكشف على حريم كثير وتجلسون مع بعض بمجلس واحد !!
يقول أول كانت نفوسنا نظيفه وكان فينا نخوه وشهامه , مو مثل زمن ألحين
< طيب أفلقني حلال عليهم وحرام علينا

اقتباس:

صراحه أحب الشيء يكون واضح .. مافيش خفايا و نظان تعودنا عليه من أبوي .. أحسه ما فقش علينا بسوالفه يوم كان صغيّر و مسوي نفسه مثالي .. كان صريح لحد كبير .. و هذا شيء حلو تشارك عيالك ماضيك .. لكن البعض مسوي إنه مثالي و تلقى الولد سفله طالع على مين مادري

طيب شي حلو فأبوك .. بس أحيان لا صار صريح وأنه كان فالها قبل
يخليكم تستهينون بأغلاطكم وتقولون أبوي سوآ وسوآ .. موب أحسن مني هو
عشان كذا الأب القدوه يضطر أنه ينصب ويفقش وماألومهم صرآحة
يعني أنا لا كبرت بنصب على بناتي تنصييييب وأبين لهم إني كنت البنت إللي مافي مثلي
وش أسوي أنا قدوه بعدين كيف يقدروني ويحترموني وأبيهم يحسون أن أمهم كآنت شي حلو
بس مارح أنصب مره كثير , يعني أجيب الواقع حقي بس ماأبين لهم أغلاطي وأقولهم سويت وسويت

اقتباس:

أحس لا مني صرت جد والله يا هبال .. بقولهم شلون أبوي كان يجلدن و يصفقن ليما تربيت .. و كيف كانت الكفوف تصقع خدودي و أنا أتأوّهـ و أسيح .. بس كنت صابر و توقعت أن تلقى بثمارها و ها أنا أحيي أبوي عالكفوف اللي طلعت مني رجالن كفو

صح عليك
طلع لهم المعاناة والضيم إللي شفته .. خلهم يحزنون عليك ويقولون " يااااه والله ياحنا بنعمه "

اقتباس:

و بعلمهم الدجه و السفاله الوسطيه .. لا تسوي فيها إنسان محترم و يدشرون العيال بعد حين .. علمهم عالوسط و هم يحكمون بعقولهم .. أما إني بخليهم أناس مثاليون باردين مافي أكشن بحياتهم يلعن أم البياخه

أجل الله يعظم أجرك فيهم .. لا تقول آكشن وتبيهم فله
بكره تجلس تلاحق عيالك من شارع لشارع

اقتباس:

مادري أحسكم يالجدات بتطلعون عكس النظام المتعودين عليه بعكس الجدان أحسهم قريبين من بعض و الأمور ما تغيّرت واجد

يارب أمورنا ماتتغير

اقتباس:

و لا لا جينا جلسه جدان و نلعب بلوت و نعلم أحفادنا عالبلوت و يطلعون خبرهـ و فتيتين بلوت

أمنيتي أتعلم بلوت .. بس عجزت صعبه

اقتباس:

إلا أقول .. موب كأننا لاحقين عالجدان .. الله يطول بأعمارنا بس

آمين يارب
مشكور كآب .. نورت



.

انتي قسيتي

myth

.

هاندسوم

ياهلآ والله ومسهلا .. أسفرت وأنورت
تو مانوّر الموضوع , لحظه أي موضوع ؟ التكيه بكبرها نورت .. الملحق بكبره نوّر
هاندسوم ياسبب كلبشتي وياسبب التهزيء إللي جآني ماأقول إلا [ يفداك ]
لعيونك اتهزأ .. ولعيونك أتكلبش , بس أهم شي محد يتعدى عليك حتى لو على حساب نفسي

اقتباس:

اتوقع ان ربى اذا صارت جده تبي تقطع باسكن روبنز بس انها تبي تكثف الشغالات ...

هه هه هه هاااااااااي

اقتباس:

واتوقع انها تبي تصير هي وتسونامي خويات ويجلسون يسولفون عن منول وتقولها تسونامي ربى انتم تجار بس تبطون تصيرون زينا معكم قد فلوسنا .. عاد ترد عليها ربى على الاقل انا اقل منك فلوس بس قدرت اذل بلدك واجيبهم كلهم عندنا شغالات ... ياشغاله الشاهي تعالي صبي اوه معليش تسونامي تخبريني عجوز ما اشوف زين خربطت فيك مع الشغالات

ياربييييييييه ياربيييييييييييييه بطني بطني , تقطع من الضحححححك
هاندسوم تكفففففففففى تكفى إرحمني خلاااااص ماأقدر .. خفة دمك بتجيب أجلي
يرحم والديك وقف , أعطيني فرصه بس أتنفس

اقتباس:

خخخخخخخخخخخخخخخخخخخخخخخخخخخخخخخخخخ اتوقع ان اللي كلبشك مهب القاضي اللي كلبشتك هي شغاله المحكمه

إللي كلبشني سطير يعني سطير هو شغالة المحكمه !!
هاندسوم أنتبه أنا أخاف عليك مابيك تتكلبش , خلك أخلاق مثل ماأنت مو متعوده منك هالكلام
طيب ياشاطر ؟



.