قلة ادب

(( قلة أدب ))


إنك تروح للمسجد بقميص نوم .. بينما .. تروح لربعك بثوب مكوي وطيب يشق الخشم


(( قلة أدب ))


إنك تتصل على ربعك كل يوم وعادي تقعد معه نصف ساعة أو أكثر
بينما عمك أوخالك أو عمتك أو خالتك لهم شهور ماسمعوا صوتك !!!
من زينك أنت وصوتك


(( قلة أدب ))


تدور بسيارتك بالساعات وماتخلي شارع ما ( شبرته ) وحفظته
وكل هالدوران غالبا لأسباب ( قليلة أدب )
بينما أهلك لويبون مشوار ساعة وحدة قلت : ( تكسي ولا السوآق )


(( قلة أدب ))


إن الواحد يضبط ساعته على الدوام .. بينما .. صلاة الفجر مايدري متى وقت أذانها !!!


(( قلة أدب ))


إن الواحد يشتري الأغاني بالشيء الفلاني ويسمعها ..
بينما .. مستحيل يشتري شريط إسلامي ولو بمبلغ زهيد ..
ولو يهديه واحد شريط إسلامي سجل عليه .. بابا فين ..


(( قلة أدب ))


اذا جيتي تطلعين لعرس أو لـ صديقاتك تتزينين و تتعطرين
واذا جلست عند زوجك تقعدين بـ وساختك و ريحتك بصل


(( قلة أدب ))


إن الوحده تقعد على التلفون ساعه و صلاتها دقيقه


(( قلة أدب ))


اذاطلعت البنت من البيت وهي كاشخه وريحة عطرها واصله اخر الشارع ..
وتقول لـ الشباب : وآآآآي لآ تلحقوني


(( قلة أدب ))


إن الواحد يشوف ( قلة الأدب ) ولايقول عنها ( قلة أدب )


(( قلة أدب ))


انك تحصل واحد يحترم الناس كلها
إلا امه او ابوه تلقاه يكلمهم بطرف خشمه < عسآ خشمك الكسر إن شالله


(( قلة أدب ))


اذا شفت صديقك في ورطه ولاتساعده وانت قادر على مساعدته


(( قلة أدب ))


اذا قدم لك صديقك خدمه وأنكرت فضله عليك


(( قلة أدب ))


انك تكون مسئول عن عمل يتوقف اداؤه عليك. . و تطنش و تتأخر
ويتحمل الباقين مسئولية إهمالك .. < أأأأأأأأخ يـ القهر


(( قلة أدب ))


انك تطولي لسانك على الشغاله.. وهي بسن امك .. عشان شغله ممكن تسوينها بنفسك
((ليس منا من لم يوقر كبيرنا ))


(( قلة أدب ))


لما تعزمين صديقاتك وتخلين الوالده تسوي قهوتكم و تجيبها لكم ..
وتسوي عشاكم ..وانتي مشغوله بالسواليف < الشرهه مو عليك ..
على الي يعطيك وجه


(( قلة أدب ))


عندما نسهرساعه على النت ولانصلي لو ركعة لله < إحم إحم


(( قلة أدب ))


إني ألطش الموضوع ولا أقول إنه ملطوش



فيه أشيآء مآعجبتني و شفّرتهآ لكمـ ..

و مرة وحدهـ عشآن ما نطوّل عليكم بـ الموضوع ..

تحيآتي لكمـ ..