Uefa Champions League (ربع النهائي)

موافق عليها · 02-04-2008, 04:36 PM

اقتباس

هههههههههههههههههههههه اللحين تقارن روني بمراوح ؟؟ والا تقارن تفاريس بإيفرا

ابو مراوح وتفاريس واخوياه قدروا يرقعونكم لامهب بس كييذا الايمسخرونكم

v e r s a c e · 03-04-2008, 06:36 AM

بما إن مشرفتنا المنقهره مشغوله شوي والصدق الصدق إنها رايحه تشارك مشجعي النصر
الفرحه في الدخل المحدود ..
فقلت أحط نتايج لقاءات يوم الأربعاء من دوري الأبطال ..

.
.

أرسـنـال vs ليفربول

في لقاء القمّـه بين الأرسنال - صاحب الأرض والجمهور - وليفربول .. انتهت المباراة

بالتعادل الإيجابي .. ابتدأ أصحاب الأرض بالتسجيل في الدقيقه 23 عن طريق المهاجم الأسود

صديق موافق " أديبايور " وسجّـل الهدف بضربة رأسيّـه قويّـه وكأنه يقول " ياموافق اذهب إلى الجحيم أجل أنا فقاعه هاه .. ؟ مابقى إلا هالسعوديين يتكلمون أقول روحوا شوفوا مراسلكم ينجلد
على آي آر تي 7 " ولكن الفرحه لم تدم طويلا للمدفعجيّـه فبعد ثلاث دقائق تم تسجيل هدف التعادل عن طريق اللاعب الأشهب " ديريك كاوت " وللأمانه تغافل الحكم عن ضربه جزاء صحيحه للأرسنال .. لقاء الرد سيكون في الثامن من أبريل - الجاري - في الآنفيلد ملعب ليفربول

.
.

فنربخشه vs تشيلسي

لقاء تسوده علامات التعجّـب والاستفهام , انتهى اللقاء بتقدّم أصحاب الأرض والجمهور - فنربخشه- بهدفين مقابل هدف واحد للضيوف , تقدّم الضيوف في الدقيقه 13 بهدف
سجله لاعب فنربخشه التركي خطأ في مرماه " دبشه " وجاء هدف التعادل في الدقيقه 65
من اللاعب كاظم ريتشاردز , والغريب في المباراة أن اللاعب الذي سجّـل خطأ في مرماه - الدبشه إلي قبل شوي - عوّض خطأه وسجّـل هدف التقدم للأتراك قبل نهاية اللقاء بسبع دقائق !!
لقاء الإياب سيكون أيضا في الثامن من أبريل - الجاري - في لندن ..

.
.

كان معكم

فرزاتشي

انجلترا

جنب فينقر

وسلامتكم

سلفر · 03-04-2008, 09:22 AM

ارسنال كانت له ضربة جزاء واضحه ضوح الشمس استغربت عدم احتسابهاا :s

فنار بخشه فريق يستحق الاحترام ويكفي عودة للمباراه وتعديل الخطأ

مستوى مباراة ارسنال قوي صراحه

لي عوده بعد ما اريح بس

موافق عليها · 03-04-2008, 09:18 PM

^^^^
وش عنده انا ما انقهرت على ضربه الجزاء اللي ما احتسبت انا انقهرت على الكوره اللي رايحه قول ويجي لاعبينا يطلعها لهم الدنمركي الوصخ << ذا يشجع ولا يحقد

بوٍوٍوٍوٍوٍوٍهـ · 08-04-2008, 01:36 PM

دعواتكم لروما ياشباب

كثروا في هذا اليوم الممطر

وجعله في موزاين حسناتكم

المنقهره · 09-04-2008, 07:55 AM

هههههههههههههههههههههههههههههههه
هههههههههههههههههههههههههههههههه
ضاعوا البزارين خلاص لا تحاولون انتهى مستقبلكم البريمرليغ وتبطون عظم تسحبونه منّا وباي باي تشامبيونز كيذا البزارين دايم يدخلون متحمسين همن في الاخير ياكلون تبن
أمس الليفر لو انهم مركزين بالشوط الأول والله ان يرقعونكم على الاقل سبعه
موافق لا تتحجج وتقول التحكيم موقف ضدنا لا ألعن خيرك عاد ياربيه نسيت ان فريقكم محارب فوقه أهم شي أنكم كسبتوا ذا الكديش إديبايور أمس ضااااايع وقسم بالله مستواه يحزن
توريس ياخلف أهلي انت فكيت معك يمين بالله عقب الهدف الدوراني

مبروك تشلسي .. مبروك الليفر ..

المنقهره · 09-04-2008, 10:10 AM

Vs

تقام اليوم ان شاء الله عند الساعه التاسعه والخمسه وأربعين دقيقه مساءاً قمة التشامبيونزليغ .. بعد ماشعللوها أمس الليفر وتشلسي .. هل سيلحق مانشستر بـ الليفر ؟! والا بيعود خائباً إلى إنجلترا مثل أرسنال هل روما قادره على انها تقلب النتيجه في الاولدترافورد ؟! أم أن هالشي بعيد عن شنباتها ؟! <<---- ويقولون انتس متعصبه !!
هل تستطيع روما أنها تفوز على مانشستر اللي بيغيب عنه فيديتش بداعي الاصابه .. أم بيأكدونها الشياطين خصوصاً ان الملك توتي لازال مصاب ومهوب لاعب .. وفيرغسون قال ان فيردناند خلاص تأكدت مشاركته .. ؟!

Vs
حذااري يالبرشا من الدخول لمباراة اليوم وانتم واثقين .. لا تسوونها تكفون وتنكبونا ترى شالكه له كم مباراة وهو ماشي صح .. ترى ترتيبه في الدوري الألماني الثاني يلا الله يعين ..

بالتوفيق للمانيو والبرشا بكره : )

youSsef · 09-04-2008, 12:43 PM

أرسنااال خخخخخخخخخخخخخخخخخخخخخخخخخخخخخخخخخخخخخخخخخخخ كم انتم سبايك .. والله انكم سباايك واللي تعذر بالتحكيم اقوله يا سبك يا متخلف .. اللي ينهزم اربعه ما يتحجج بالتحكيم ابدا .. ترك مهزوم اربعه يا حقير تتحجج بايش .. اديباور كور متخلف انا اصلا ماخذها قاعده من مبطي اي خااال ما العبه معي لو ايش مهما كان الدقري سيظل دقري .. وبعدين من متى وانتم فيكم هالهياط انكم تبي تاخذونها من الليفر والله ان الليفر لا قام ولا قعد معي بس يا ناس اخق انا مع جيرارد لاعب خوقاااقي .. وصراحه ارسنال مب كفو انه يوصل نصف النهائي ونبي نشوف حريقه قدام تشلسي ولو اني اتوقعها ليفراااويه .. واربعه شلوا الجمل والجمل ما شالهم يا موافق

مباراة فريق (الحظ) مع الذيابه .. واضحه ان مانشستراويه ولو اني اتمناها وهي معجزه انه يفوز فيها روما .. واي فريق من الاثنين راح يفوز اتمنى ان اتلذذ بخسارته أمام البرسا .. البرسا راح ياكل باذن الله الاخضر واليابس طالعين ماكلين نازلين ماكلين <-- تراه مب ماكلين مخترع حق التفكير

رساله الى من يهمه الامر // يا حيوانات يا عيال الكلب الحين فيه النصر مع الحزم .. الهلال مع الشباب .. روما مع المان .. برشا مع شالكه ..وفيه مباراة للاتحاد وفيه مباراة للاهلي اقطع نفسي ولا وش ازين يا ناس رتبوا اموركم نبي نستمتع

المنقهره · 09-04-2008, 02:10 PM

^
^
ههههههههههههههههههههههههههههههههههههههههههه من جد اي والله انك صادز
يعني معليش .. قلتوا تحكيم .. قلنا طيب ؟! حكام البريمر ليغ مهوب اوكي معكم .. طيب .. بس التشامبيونز ليغ حتى ضدكم ؟! لالا خلاص واضحه وقسم بالله مايبي لها شي ..
مدافعينكم زلايب .. هجومكم زفت إديبايور وانت نازل
طيب .. ؟! البلنتي نصبي .. عاد تنهزمون اربعه ؟! خخخخخخخخخخخ اربعه يالأرسنال ؟! وين أرسنال منول اللي لا قابلناهم قمنا نتنافض
فرزاتشي و موافق هارد لك القهر اني كنت حاسبه للأرسنال ألف حساب أول الموسم بس ماأقول الا مالت عليتس يالمنقهره يلا اهم شي انكم خذتوا خبره

يوسف صح اني برشلونيه بس لو صار السيمي فاينل بين المانيو والبرشا يخسون ويبطون عظم ياخذونها من المانيو ترى مستوى المانيو أطلق من مستوى البرشا بكثير.. شف في البريمرليغ عندك روني وكريس وناني ولويس ساها وقيقز وناني مستواهم فوق فووق ..
عكس برشلونه هالايام والدليل انهم ناوين يطلقون رونالدينو

يوسف يابن الحلال وقسم بالله محوومين كبدي .. أمس مباراة أرسنال وليفربول على وقت شاعر المليون .. واليوم مباراة المانيو مع مباراة الشباب والهلال يلعععععن ام الحاله مباراة النصر أسحب عليها والإتحاد الساعه ثلاث يعني تقدر تلحق عليها ..هذا لا قالوا لك يوم أبن سته وستين كلب

youSsef · 10-04-2008, 01:27 AM

ما فيه جديد فاز المان على كل ذيب روماوي مهايطي توتااوي .. وتأهل البرشا وبمستوى يحوم التسبد .. والوعد قدااام يا المااان ان ما كلناااكم لحم ونطلنا عظامكم للذيابه (ترى مب روما .. لانهم مب كفو يصيرون ذيابه) معناها انتم بتتأهلون للفاينال <-- باللهي ..

المنقهره · 10-04-2008, 02:33 PM

^
^
والله يامستوى برشلونه أمس دمار .. ميسي الوصخ له فقده
اتمنى ان مباراة المانيو والبرشا تصير في وقت رجعة ميسي .. والله يابتصير حريقه

ااااااااه يالمانيوووو ماهذاااا اللعب قسم بالله أتعب وانا أقول آآآه؟! ماهذا الاستهتار بالخصم يالسير ؟!
اجل الكابتن سلفستر خخخخخخخخخخخخخخخخ والله العظيم انك بطل وعرفتا كيف تلعبها صح لعبتا بنفسياتهم
ولكم باااااك نيفيل ولكم باااك ياكابتشن سلفستر مغطي الجهه اليمنى صح بس أعرف سلفستر طواري والله لو تلعب كل أبو دايم كيذا أن ننبسط عليك تيفيز أمس بطيء حوم تسبدي فاندرسار باغين ينكبنا أكثر من مره .. فاندرسار ماكان في الفورمه أمس !
أمس رحمت روما شوي وتنزل دمعتي من زود الشفقه وأتخيل وجه بوه وهو يتعفط بعد نكبة دي روسي وأفقع امها ضحك لو إنك داعي لي أن الله يرزقني بالذريه الصالحه انه أطلق
أجل ناوين ترقعونا في الأولدترافورد ؟ تبطون عظم والله يعني ييزي الملعب مخوفكم
سباليتي قسم بالله كمخه وراك مانزلتا إكيلاني يالدبشه ؟ ليه وقسم بالله ذا الأدمي خواف
يعني منتب خاسر شي .. منهزمين منهزمين الله لا يعوق بشر .. نزلها وحتى لو جت تاريخيه وسع صدرك خلنا نبتل نضحك

شكلي برجع برب غدا

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه للموضوع: Uefa Champions League (ربع النهائي)
الموضوع	كاتب الموضوع	المنتدى	مشاركات	آخر مشاركة
تيري هنري:مقابله حصريه مع الموقع الرسمي ل Uefa	s6ome	طقها والحقها	4	19-02-2007 02:33 PM
جدول مباريات دوري ابطال اوروبا Champions League	s6ome	طقها والحقها	0	19-02-2007 01:11 PM
خليجي 18 :: نصف النهائي :: ( الإمارات :السعودية ) : (عمـــان : البحرين )	F A I S A L	طقها والحقها	3	27-01-2007 07:56 AM

الذين يشاهدون محتوى الموضوع الآن : 1 ( الأعضاء 0 والزوار 1)

Uefa Champions League (ربع النهائي)

طقها والحقها