حينما يهرب النوم !!!

A S 6 O R H · 29-04-2008, 03:01 PM

^
^^
يا شيخ فارق عن وجهي يرحم واللديك .. اجل بـ الله عليكم تنزلون موضوع عن النوم .. وتبون موافق يرد عليكم ويقول : ياالله ياخي انا مقدر انام زين .. احد ينام ( 26 ساعه ) يـ الربع وقسم بالله العلي العظيم ( 26 ساعة ) انا مدري جنوبك يا موافق وانت نايمن ذاك اليوم ما خاسن .. ولا وش وضعك حاطن لك جهاز يخليك تقلب كل شوي على جنب .. وبعدين الاسبوع هذا انا بسئلك بـ اليوم الواحد مهوب كم ساعة نايم .. لا هذي قاضين منها .. بقول لك كم ساعة صاحي .. والله العظيم هذاي احلف لكم .. موافق عليها نومه مهوب طبيعي صدقوني مهوب طبيعي .. قد مر عليكم تجلسون مع واحد ويقول لكم .. مدري وش فيني الاسبوع هذا كني فاقد .. اقوم من النوم اجلس اربع ساعات وارجع انام ثانيه اللين الدوام .. ويرجع من الدوام ويصقعها نومه ويقوم اربع ساعات ويرجع ينام .. موافق يا شيخ هذا مرض صدقني مرض مهوب نعمة .. رح سوو لروحك حجامه وحسابها علي يا شيخ .. صدقتن يا رجال تسود اهلك يشوفونك .. وتدعي لي ام علي .. وبعدين تراي لمحت كم ذبتن شطفتني .. وانت صادز ملحقك فيه بلاء .. اجل جاين عندك وانا مواصل وابيك تعزز لي اروح للدوام ما ودي انام .. .. واثري انا اللي ادشرك واخليك ما تداوم واغفي عندك هذا وانا ما وصلت للفراش .. لو اني واصلن للفراش تسان قسم بالله حتى رنة الجوال اللي صحيت منها تسان ما فيه امل اقوم عليها ( ايقونتن تطالع موافق بنص عين وتقول له لا تصدق شفتا هذيك النغمة لو انه مغمى علي صحيت عليها ) <-- تسني داري ( احساسي ) يفز لها .

سوير .. ادري اني شطحت كثير بـ موضوعك .. بس هه دويرت لموضوعتس .. يعني ظنتس يا سوير اني بلقى لي جنيتن اضيفها عندي ع المسن وتحبني وتموت فينا واقول لها صوري روحتس وارسلي بشوفتس وهي تصير داريه اني اخق عند مريام فارس .. همن تخلي شكلها مثلها وتطق لي الكام من زود الخقاااق اللي تبي تخققني اياهـ .. يا شيخ دام الدعوة تسذا .. اهلن وسهلن بـ الجنيات .. بدال هـ المدابتس ورا ربعنا .. هـ الحين نبي نقولها لكم ( بقريحن يزمكم وبقلعة وادرين ) وتبي تطول عنوستكم .. لا ابوكم لا ابو غلاء مهوركم يـ الشيف يـ الشينات <-- اقول اهجد لا اطب في حوض بطنك .
سوير ما اقول الا لا اله الا الله عليتس وع موافق عليها .. وعلى كل اللي لمنهم حطو راسهم ع المخده ورقدو .. صح انتس هاك اليوم بس اللي عيى النوم لا يجيتس .. غيرتس يصير مواصل وكل يوم يصير مواصل .. ويرجع من الدوام عاضن الارض وفيه نوم اهلتس كلهم .. ولمن وصل للفراش قام يتقلب من قبل العصر اللين المغرب وهو ما نام .. ويحط راسه 3 ساعات ان خربها 4 ساعات وقام .. هنيئن لكم ولنومكم الجميل ( ما شاء الله ) وعلى طاري الجن .. ما تخبرون لي جنيتن وضعها فري وتقدر الناس الشيون مثلي و شرواي .

VIP STUDENT · 29-04-2008, 09:13 PM

موافق عليها اقتباس

صادزين ولا تستهبلون

والله ما اذكر مره اني جيت ابنام وقعدت افكر الا اذا صار عندي واحد نايم نقعد نسولف << شلون تفكر وانت تسولف

اكثر ماعلي اني احط راسي وانام حتى اسألوا اهل العلم على العموم انا ادعوا كل من يجيه ارق يسير علي بالزاويه الزرقاء (ملحقي الحبيب ) وينام عندي اسبوع والله لا اخليه يتخرج خيشه نوم يصير ينام بعض المرات وهو ماوصل الفراش

وعلى طاري الجن والعالم الثاني فأتوقع ان لهم حياتهم الخاصه واحس انها قريبه للحياتنا اما عن سؤال هل عندهم منتديات اتوقع عندهم منتديات بس اذا صار عندهم منتديات لازم يصير عندهم شركه اتصلات عشان يشتركون دي اس ال وعشان يصير عندهم شركه اتصالات لازم يصير عندهم موضفين عشان يشغلون الشركه واذا صار عندهم موظفين لازم فيه احد يعطيهم رواتب واذا صار فيه احد يعطيهم رواتب لازم يصير فيه بنك يدعون فيه رواتبهم واذا صار عندهم بنك لازم يصير فيه ناس ماخذين قرض واتوقع دام انهم يقدرون يسون اللي يبون عندنا عشان كييذا يقدرون يسرقون يعني محدن ماخذ قرض ولا كان كلن اخذ قرض من بنك الجن وجاء سرق من بنوكنا وسدد قرضه عشان كييذا ما اتوقع ان عندهم منتديات <<< ابو من علمك تفكر

وهل هم يقرون اللي نكتبه ولا لا اجزم انهم يقرون اللي نكتبه ماتحسين بعض المرات اذا كتبتي رد تجلسين شوي همن تجيك فكره ملعونه خير همن تجين تدلين ردك هذا جني شطف من عندك ولقمك الفكره بس فيه بعض الاعضاء الجن يتعلم منهم

سوير وش تحسين فيه وانتي تبين تنامين ومطفيه اللمبات وهمن تقعدين تفكرين بالجن وتطيح عينك على الطفاي حق المكيف وتركزين على اللمبه الحمرا وما تدرين الا تشوفين النقطه كل مالها وتقرب

أحلى شيء في رمضان الجن مربطين في النار والراحة النفسية في رمضان أحسن من الشهور الثانية . و أنا يبت طاري رمضان لأن الجن مربطين ( اللهم سكنهم في مساكنهم ) بس خلاص لا تذكروني بالجن و لا بتحصلوني تحت اللحاف من الخوف (مااااااااااااااماااااااااااااااااااااا)

LOVE ME · 29-04-2008, 09:54 PM

[quote]
(مااااااااااااااماااااااااااااااااااااا)
[/Q UOTE]

يـآآآآي <<<كففف

والناهي ((واللهي )) النوم مشكله

من جد انا اما اخربها ولا ما اخربها <<بالله

يعني يا أنوم نومه اهل الكهف بسم الله علي

ولا ما أنوم يعني انوم ساعتين او ثلاث بس

ماعندي حل وسط

اما الجن عندهم منتديات اتوقع ايه

شيدريك يمكن اانا جنيه

<<بيطردوني من المنتدى خخخخخخخخخخخ

متشكريين اووي اووي ع الموزوع اللزيز

مش خشمك · 29-04-2008, 10:24 PM

اقتباس

موافق عليها نومه مهوب طبيعي صدقوني مهوب طبيعي .. قد مر عليكم تجلسون مع واحد ويقول لكم .. مدري وش فيني الاسبوع هذا كني فاقد .. اقوم من النوم اجلس اربع ساعات وارجع انام ثانيه اللين الدوام .. ويرجع من الدوام ويصقعها نومه ويقوم اربع ساعات ويرجع ينام ..

بعذره مرابط فيذا ..
مدري كم مره دخلت ومالقيت اسمه مع المتواجدين ..

انشئوا شنق وسموه ( النايمين ) .. كوده يضف هالفئه التعبانه

< كن الموضوع بينقلب ( حينما ينام موافق عليها )

ماعليناا بس ..

نومي والله نادر مايهرب .. عادي انام واقوم وكلش مافيه مشكله من هالناحيه
بس المشكله طول الله عمرس .. نومي خفيف .. لو يصيح بزر قمت الا شي واحد لا خرشت الساعه والا الجوال ماقوم ..! < منكوسه سبحان الله

بس احسن شي ان نومي مؤقت زي الساعه (اكلوك ) .. يعني لاتعودت على نظام الدوام وقومه الصبح .. ابتل على نفس الوضع .. قطعوني اروح الجامعه مواصله ..

وفي العطله لاتعودت ع السهر بتلت ايضاً ..

بس والله الحمدلله مهنا معاناه من النوم .. < عقب كلامكم حست انها في نعمه

الله يركد نومكم ويرتبه ويخففه < اخر دعوه مخصوص لموافق

اللاذع · 30-04-2008, 02:31 PM

سويّر
ازين مابموضوعتس يوم سألتي هل ياتورى الجن عندهم مونتديات؟!
بصراحه ودي اشوف مننتدياتهم واسجل فيها واشارك معهم واشوف ارائهم <-- ماباقي اصلن منتدى بالنت ماسجل فيه ماباقي الا منتديات الجن بسم الله علي وعلى ذريتي
بس كثري لنا من هالخنبقات الحلوه اللي فيها فايده وتخلي الواحد يشغل مخه ويسهر الليل مثلتس وشرواتس الله مير يسلمتس ...
مشكوره على هالموضوع ودوتس
.
.
برايفت مشكلتي :

ورى ماتغطين فخوذتس وانا ابوتس ؟!

مدري!! · 30-04-2008, 02:44 PM

أشكي عليك الحال يا عارف الحال

ولو ما بيدك شي يكفي لك أشكي

يكفي تروح بكلمتك ضيقة البال

ويكفي تحس بضيقتي دون ما أحكي

ساعات أحس اني عن الناس في حال

ساعات أضحك من قسى وقتي وأبكي

كأني غريب بين الأوطان جوال

مهما ابتعد قلبي يحن لوطنكي

لو شفت في عمري هموم وغربال

فيك الحنان بصادق الحب يحكي

دنيا مشاكلها على كل موال

وكل على همه من الوقت يشكي

....

جيتي على الجرح وقسمن لي فتره منيب انام

من ادخل الغرفه وتجيني تكه
لو انام ساعه ساعتين اقوم مفزوزه

اشين شعور تصير ميت من النوم ولا تقدر تنام

تحس انك تخابط ومعد تركز بولا شي

صايره مسبهه مره < من حينتس

ولا من يوم ابي انام تجيني هواجيس الجنانوه واموت خوف زياده

ماخبرتني بزر مدري وش بلاني اتبيزر ذي الايام

الله يبعد عني وعنكم الارق والسوالف الشينه

GaLaXy · 01-05-2008, 06:21 AM

Red Rose

ياأهلين وسهلين

ماشاءالله تبارك الرحمن .. يختي نوم العوافي ماعليك من حد

اهم شي راحتك << قولي قسم

يعافيك ربي على هالطله

يسلموووو

الطفشان · 25-05-2008, 06:22 PM

شليويح بيك اقتباس

موضوع شيّـق وممتع الصراحه

بخصوص النوم .. مشكلته مشكله النوم ..

خاصة اذا كنت ودك تنام مجبر عشان بكره ماتدوخ بالاختبار او بالمحاظرة او كان عندك مناسبه معينه

تجبر نفسك على النوم ماتقدر تروح بكره مواصل هذي مشكله كبيره صراحه

فكرت بحل " بنادول نايت " هذا يقولون يجيب النوم لكن صراحه انا من النوع اللي مايحرص على الادوية ... على المدى الطويل ممكن تسبب مشاكل

ياليت والله نشوف راي الجميع بخصوص هالشئ

لي رجعه للموضوع ان شاء الله

والله النوم سالفته سالفه ياما صارت هواجيس لازم قبل النوم هواجيس

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه للموضوع: حينما يهرب النوم !!!
الموضوع	كاتب الموضوع	المنتدى	مشاركات	آخر مشاركة
النوم المباشر بعد استذكار الدروس ييسر استرجاع المعلومات!	العنود	تكية الملحق	11	31-01-2007 03:34 PM

الذين يشاهدون محتوى الموضوع الآن : 1 ( الأعضاء 0 والزوار 1)

حينما يهرب النوم !!!

تكية الملحق