|
|
|
|
التسجيل | إسترجاع كلمة المرور | تفعيل العضوية | طلب كود تفعيل العضوية | إتصل بنا
25-04-2008, 09:51 PM
|
#1 |
 
|
بتاع كلوو ~
. . < العالم تبدا بموضوع ترحيب وانتي تبدين بموضوع بربره  كني اشوف خششكم تتحدث وتقول اني مضيعه الدرب .. والمفروض انقز للقسم اللي فوق .. بس انا انسانتون مااواطن الروتين .. هو لازم افتتحها بموضوع ترحيب  قال ايش قال عضو طازه .. اووما طازه من جنبها اجل الحين حتى حقين العصاير الطبيعيه بدون ذكر اسماء عشان الدعايه واثاره الفتنه  .. يجون معلقين لك فالسقف شجر من مالذ وطاب عنوان للطبيعه والطزاجه .. ولامنه جاك العصير وتذوقت طعمهحتى السكر اللي حطوه اووب طبيعي .. واحنا نلعب على اعمارنا امشش نآخذ شي طبيعي ملينا من هالمواد المحفوظه والسالفه كلها : صبه احقنه .. < اووخص منيب العب والله  ايه عاد وشسمه اووما اني طازه .. والله يمكن لا قامت المناخير تخرخر وكييذا .. يصير الوضع طازه < كني اسمع احد طرّش × اليوم طايحه في وخيي تشويت وتهزيئ  .. اجل مطولتن كشته الله يحوم تسبده وليته يهتم فيها (ايقونتن قد بدت عليها ملامح الغثيان وكب الطراش) < تحتك باسطورتكم  لاا وقبل كم يوم يويدز من بويب الحمام يقول صوريني والماء يقطر قطرتن قطره على شعري .. مدري وش يحس به هالفاهر .. وانا اللي ارعاه واتبنى اهتمامه اللي زي خشته واهرول اجيبله جواله .. تراه يصغرني لذلك مردغته مردغه فيذا ..  × هناك شي يجعل علامات التعجب تناقز فوق دميجتي وتدور تدور لين يتصاقعون ويطلع عصافير ..< افلام كرتون اذكر يومنا فالحرم كانت بنت خويلي بجانبي وتزهم بالجوال على وحدتن من الخلق .. وكان هناك الارسال اوكي ي ي لدرجه انها عادت حتسوتها كيلوين الا شوي  .. الارسال زفت ازفت شي .. وبنت خويلي مشتطه وتعيد الحتسوه .. " بككككم .. هاه ماسمع .. بكككككم .. والله ماسمع شي يقطع مررره .. اقولتس بككككككككككككككككم .. يقطع يقطع ماسمع شي  .. "وبمجرد بنت خويلي ما نطقت بـ خلاص اكلمتس بعدين ( مع السلامه ) .. اذ بها ترد : طيب طيب مع السلامه ..السؤال اللي حير بنات افكاري وماهقى له تفسير .. يومنها تقول يقطع وماتسمع , وشلون وصلت لها قولة ( مع السلامه ) ..؟  هل من تفسير له ؟ × هل تعرفون ذلك المشهور الذي اسر قلبي بظرافته ووسامته ..  اول ظهور له على الساحه الفنيه بـ اغنيه ( آآه منه منه .. امووت في حبه .. عاشق ومغرم به طق طقق طنق .. ) لم يكتفي بالغناء فقط لا بل يضع لاغنيته كامل الايقاعات والآلات بلسانه .. ويطلع العجب العجاب ياهووو مهبلنا ذا الطمل .. , كل مااشتهيت اضحك شغلته .. ويكمل الفن في مقطعه وهو يرقص .. عااااد هناا بانت امكاناته   كلوو نصيبوو من الله .. طرن طرن .. وفجأه بدون سابق انذار يخش على هلي لاتحرموني منه ويبدا شغل التنكس صححح ..  صايره اكثف المشاهده عليه ابقلد رقصه .. < من الاعجاب الله لايبلاكم اللي يدربي راسه ولا يدري انا وش احتسي فيه .. يبحث في ( اليوتيوب ) بـ آه منه منه , ويطلع لك المقطع الجميل .. × أفتح المجال للفضفضه والتعبير عن مدى الغبنه التي انتابتكم من خروج الفراعنه .. ولـ نهتف سوياً ( ناقتي يا ناقتي ماعليتس من الهروج .. راعيتس مايبي المليون نيته للـ المليار ) < امششش  عاد يقولون ان فيه برنامج بيكسر خياشيمهم .. وبدعم سعودي بعد  .. وبيقام فالكويت وش الحكمه مدري .. اسمه ( شاعر العرب ) حتى اسمه راقي وذو قيمه موب شاعر المليون اللي فيه ابتزاز للشاعر وغرضه مادي بحت مهوب لقب .. < والله ياحنا قلبنا عليهم × خلاص قضت خنبقتي .. واللي فراسه خنبقه لامانع من اخذ النقاط وابداء رأيه الآخر < الجزيره تتحدث  من هالمنطلق .. قلت يا "مش خشمك "لابد ويحتم عليتس اثبات الوجود .. وعقد عربون مداومه ومباشره من منطلق هذا الموضوع .. موضوعي مُرتجل .. استرو ماواجهتوا من البربسه والحواق اللي فيه  .. بس ابيت ان اخرج الا وانا منشئه موضوع حجر الاساس .. < لاتتحمسين الله يثيبتس  وصراحتن ألمح من وجيهكم السمحه بشائر الخير والبركه وهطول امطار على منطقه عسير .. < ماتعوق معها الموضوع ماهوب ترحيب ومرحبا بتس واهلا بقدومتس .. وقسم بكوفنكم لو تميلغتوا < احس تتنهدون وتقولون الله يعينا على هالسماجه المسمجه بطحينه منتهي صلاحيتها .. دوووكم  < للي ماتنهدوا بس لاتدققون فالالوان . . |
|
    
|
|
25-04-2008, 11:06 PM
|
#2 | ||||||||||||
 
|
رد: بتاع كلوو ~
 برب ابشوف مباراه الهلال ولي رجعه طيب دام ان الموضوع مهب ترحيب اجل وش تبين نهزأ اخاف اننا محنب زي طول لسانك |
||||||||||||
|
|
|
||||||||||||
|
25-04-2008, 11:15 PM
|
#3 |
|
|
رد: بتاع كلوو ~
^
^ تبن عالصاجه والا مقلي .. ماش مضيع مع مباراه الهلال .. تابع تابع رعاك الله واقرأ الموضوع اذا خلصت بفوزكم ان شاء الله اي مقطوعه تعجبك فالموضوع رد عليها واخلص < حليب هو |
|
|
|
|
26-04-2008, 01:54 PM
|
#4 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
رد: بتاع كلوو ~
يا هلا والله مش خشمك
 افتتاحيه مباركه مع النشيد الوطني وبعد النشيد الصباحي اللي يحوم الكبد .. ومع .. طووط دكدأ دكدأ .. الله ابو شكله ماا ادري من وين يطلع هالصوت نأتي للاقتباسات 
وانتي الصادقه حتى دعايات يجيبون سوري ولا اردني ويلبسونه شماغ ينقال لهم الحين سعودي .. طيب قلوا السعوديين ..مافي سعوديين يبون يمثلون .. طيب شوفوهم بالبلوتوثات ما قصر الشعب السعودي
انا ابي اعرف اللي يصور كذا وش يحس فيه .. بغض النظر انه اخوك ولا لأ < -- يبي يرقع .. بس من جد بعض الاحيان في النت لوق ولا الفيس بوك تشوفين صور تحوم الكبد .. اللي مصور شعره وهو مزيت واللي مصور شعره وهو طويل ومفلفل .. ولا يهون موضوع مشكلتي اني حلوة روحوا شوفوه وتتعلمون وشلون تحوم تسبدكم
انا ماراح اتكلم .. الفيديو ابلغ من الحديثاهم شي يوم يتحمس بالاخير وينقطع الفيديو ودي اعرف وش سوا .. وبعدين اللي مصوره وين صوره .. يمكن انه رجع ورا 300 سنه وصو ره .. بس الاغنيه جديده الا اذا كانت فلكلور ورشود سارقها فـ هذا كلام ثاني
الله ابو شكلك .. ترا البيت موب موزون < -- بدر صفوق .. والله غبنه .. انا ما اتبع شاعر المليون الا علشان ناصر .. مع ان نص كلامه ما نفهمه الا بعد يوم ولا يومين الا ان في وقتها الواحد ينطرب له .. ما ادري احس انه اخذ فوق المليون يوم انه رجع السعوديه ..
 .. احس السعوديه كل ابوها حاقده .. بس بيجي اللي بيشتركون مرة ثانيه في البرنامج وبتقوولون وخروا ما قال موضووووووع جدا بطراااااااااااان اهنيك على عقليتك عقبال ما نشوفك في مواضيع ثاني وكذا سلاام  التعديل الأخير تم بواسطة وخروا عني !! ; 26-04-2008 الساعة 01:56 PM. |
||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
26-04-2008, 04:23 PM
|
#5 | ||||||||||||||||||||||||||||||||||||||||||||||||||||||||||||||||||||||||
|
|
رد: بتاع كلوو ~
اررررررحب .. تدري انك اقدع واحدين فالعالم .. تدري ليه ؟ خليتني اتمقل فـ خشة المملوح الذي خققني .. وهـ ينتابني شعور الكركره عند مشاهدته بتمقل وتمعن عنيف .. الا تعال وش قصتك الحين مع اليوتيوب .. من عرفتك وانت تزحقل هالمقاطع معك < اللي يسمعها يقول ذي ذات المشاركات الألف .. على طاري اليوتيوب .. شفت مقاطع السعوديين فـ اليابان .. ترا مهيب شينه لاجمعتهن ورزيتهن بموضوع .. اضمن لك الدعايه والاعلان مني .. والرد من الحين مكتوب وش تبي بعد ..
ماينحقر هالأسيوِد يطلع منه .. اييييه عرفت حركته لا منه حط يده تحت لحيته وقام يطوطي .. ندحدر للأقتباسات ..
هاااو كني اشوف دعايه عبدالمجيد عبدالله .. انت الحيب انتاا انتاا العزيز انتاا الحين انت مشتب على سوري واردني .. ع الاقل عرب مارحنا بعيد بس اللي يجيب الغبنه لاقالولك فالدعايات صناعه انجليزيه , فرنسيه الخيقالك نوع من التميز الحين ..
ابد خذ راحتك .. هو لونه يهتم بها كان قلنا نعطيه جوه .. .. وموب شرط لا صار يهتم يعني لازم يلط باراشوت .. يعني يعتني به , يكده كل شوي , يمسّه بالطاقيه اذا كان شعره من نوع المفلفل .. وبس اووما يتطيعس لي بهالكشه هااظ اللي مابنرضاه بنوب بنوب .. ماقول الا ياملح حلاقه 4 مكينه .. < مالخبطت بالاسم ابد
مهما قلت وسـ اقول .. لن افيه حقه هالورع الجميل بس صراحه ايقنت انه مُبدع عقب مادققت بالايقاعات حقته .. لاحظه لاهز كتوفه على فوق قال : طقن طق .. ولامنه هز كتوفه على تحت تقل بيشيل الارض .. قال : نق ننق .. قلب النغمه على حرف النون .. وازيدك من البيت شعر .. بنت اختي شطحت بالايقاع شطحه جباره .. واحنا منغمسين معها بسماع الطرب وفجأه تطلق تلك الايقاعات : قع قع .. شكلها تُؤمن بالاندماج .. طق مع اوورق ..
اشو منيب لحالي الي افهّي معه .. نشكر لكم حسن انصاتكم ونتطلع لخدمات اخرى .. لو ماجا من ردك الا المقاطع يكفي وقسم .. دووك < للمقطع الاول < للمقطع الثاني |
||||||||||||||||||||||||||||||||||||||||||||||||||||||||||||||||||||||||
|
|
|
||||||||||||||||||||||||||||||||||||||||||||||||||||||||||||||||||||||||
|
26-04-2008, 04:31 PM
|
#6 | |||||||||||||||||||||||||||||||||||||||||||
|
|
رد: بتاع كلوو ~
.. طفشششش .. قطعت ابو اليوتيوب .. اسأليني عن أي مقطع وانا اقولك وش الرابط حقه
| |||||||||||||||||||||||||||||||||||||||||||
