انا صرت ( ابله ) ياماما

سوير اولا مبرووك انك صرتي ابله تطبيق عقبالي ما اصير وزير ان شاء الله << يسمع بالطموح المهم موضوعك مرتب الصدز يعني شلون انتي ترتبين وكييذا وتحيطن الوان انا اذا بغيت احط الوان ماعندي غير الاحمر ينقالي كاشخ <<< اصلا انت ينقال لك اصلا تحط مواضيع من الاساس المهم سوير عن قوله انك يوم انك دخلتي على الطالبات وكييذا وحاولتي تسكتينهم ولعنوا خيرك وهبلوا فيك ترى الضحك مع الطلاب والمزح معهم بالبدايه مهب زين يعني اتوقع اول ماتدخل على الطلاب مايشفون سنونك الا بعد شهر من تدريسهم ولازم اول ماتدخل يصير فيه ضحيه اول واحد يستبثر امسكه العن خيره بعدين صدقني بحترمونك مره بس اتوقع ان التدريس ممتع يعني من كثر ما اجلس مع مدرسين بس بنفس الوقت فيه تعب غير طبيعي يعني قبل امس كان فيه مجموعه من اخوياي مدرسين ماطلعوا من المدرسه الا الساعه 11 بالليل عشان عندهم اجتماع اباء ما الله حد ان الواحد يتعب ها التعب بس برضوه عندهم اجازات غير طبيعيه وما اقول الا ياسوير مبروك التخرج مقدما اتوقع ان ها الترم اخر ترم ولا لا ؟ ابشرس ان شاء الله اذا صرت وزير اني لا اتوسط لك وانقلك لم الرياض تراني مدري وش قاعد ابربر بس قلت خلني ارد صايرن هرجي واجد حسبي الله ونعم الوكيل على اللي صايرن امشي معه في الايام الاخيره بيخليني قرقه زيه

يا صباح التماسي يا ورد آآآعد ع الكراسي ..


ســـــــــاره ..


حيث أن القلم أمانه وحيث إني أمين (أمين زياد مدني) فبخش بالموضوع دوغري (واحد ملحوس)

اقتباس: الصغار صاروا كباار

وصرنا كبار مثل ما كنا نتمنى .. والغريب وش صار؟؟ رجعنا نتمنى (لو إنا بس بقينا صغار)
<== وجه وده يبتسي
==> فارقنا يرحم امك

اقتباس: بلح الشام .. وش مكوناته ؟ ومازال التطبيق العملي مستمر

أجل انتي مدرسة تربية فنيه؟
<== تكفى لعد تسوي ذهين

اقتباس: ربي زد من يحبني جنونا بي

استغفري بعدين وش اسوي بعمر ي أنا
<== برا

اقتباس: يوم الخققان والتواقيع

الجزء هذا بحط عليه خطين ..

بصراحه يا ساره أنا إنسان بريء امشي جنب الحيط واقول يا ستير (وفي الفترة الأخيرة أحس الحيط ما يبيني أمشي جنبه من برائتي) فالخلاصة ...
ما كنت اعرف الحاجات هذي في مدارس البنات أبدا وأحس إنك خربتيني وفتحتي عيوني (اقول انثبر بس)
إلا أي مرحله هذي؟





.....موضوع إكــّــــــــه

لو قلت يمه حنان الاسم مايكفي
.. .. .. وشلون ضمة يدينك يابعد راسي
.
.
لو ماجاتس من مهنة التدريس كلها الا هالبيت والله ان يكفيتس
عنبو اصلكم مدري وشلون معقولياتكم يالبنات تخقون مع مدرساتكم
انا اذكر ان المدرس مايجيه مننا الا الشر والقشر حتى لو انه اكوس واحد
بس يالله عقبال ماتصيرين مدرسه صدزيه مادام اسلوبتس تسذا ..
وقسمن بالله ان يصيرون يجون لمتس بالبيت تدرسينهم لا غبتي
ختفووووووو عليتس ما شاء الله لا انضلتس

ليس من عادتي المرور من هنا ..

مررت فأجبرني المرور .. على قراءة اول سطر .. ووجت نفسي امام سيناريو رائع .. حتى انتيهت وانا انتظر المزيد .. لم اتوقع النهايه ! ..

سوف اكون متابعا دائم لـ قلمك .. فلا تتأخري