اصوات الماسنجر من - الى .. شرح كاااامل عنها

السلام عليهم ..

يالله ان تحيي كل من دخل موضوعي
وش اخباركموش علومك .. عساكم طيبين

بما اني من زماااان ما سويت شرح زي الناس .. ومن زمان ما نزلت موضوع جديد .. فقلت اجيكم الليوم وانزلكم موضوع طازج .. وتوني مطلعة من الفرن
.. ولا وبحركات جديدة بعد
يعني اخيرا عرفت اسوي ختم خاقوقي لي
يعني معد انيب اتشحذ احد .. ولا عاد اطر من احد اختام
خلاص صارت مواضيعي من الى لي لحالي .. وانا اللي اضبطها
معد اهنا احد يشاركني بحفظ الحقوق

طبعا بتقولون لي وش الحركات الجديدة بالشرح ..
الباترن وقد شفناك تحطه .. والختم وقد شفناك تحطه ..
بقولكم صح بس اول مرة تشوفوني احط ختم مع باترن سوا بشرح واحد
يعني ثنين في واحد .. والحرامي ربي يوديه النار

وكان هالسروقين اللي يسرقون مواضيعي .. ويوكلوني تبن ويسحبون علي ولا يذكرون مصدر الموضوع ولا منهو راعي الموضوع .. اذا نقلوا موضوعي لمواقعهم بدون ما يستاذنوني

فترا ان بالشرح المصدر محطوط يعني اللي بينقله يقول المصدر اصرف له .. علشان ما اجي اعلقة بالمروحة .. ولا يفشل عمره قدام اخوياه الزلايب حقين المنقول
بعدين نعن ابليسك كانك بتنقل الشرح اقل ما فيها اضغط ارسال رسالة خاصة .. وقل يا برنقلز عادي انقل موضوعك لمنتداي علشان يستفيدون منه الاعضاء ؟؟ .. واحتر لين ارد عليك وانقله بالمصدر تراي منيب اخالف .. بس لا تصير شين وقوي عين وتزرف الموضوع وتنسبه لنفسك .. يعني حس ان فيه ناس هنا ضيعت ساعة كاملة تشرح الموضوع وتنسقة لكم علشان يطلع خاقوقي .. وجلست سنين تتعلم على الفوتو
المهم بهالموضوع بشرح لكم درس سألوني عنه اعضاء واجد ..
ومليت من كثر ما يجيني نفس السؤال واعيد نفس الشرح
فقلت يا ولد خذها من قاصرها وسو شرح كامل لهالدرس وكل من سالك عنه ذب عليه الرابط وخله يتعلم منه

الموضوع هذا فيه 5 دروس .. وكلها قريبة من بعض .. يعني لا عرفت الاول وفهمته بيسهل عليك الباقي

الدروس اللي بهالموضوع كلها عن اصوات الماسنجر وكل شيء عنها وهذي لستى الدروس اللي بحطها :

* كيف تحفظ الاصوات من الماسنجر للجهاز

* كيف تضيف الاصوات للماسنجر من الجهاز

* كيف تسجيل اغنية من الجهاز وتضيفها للاصوات بالماسنجر

* كيف تسجيل صوتك وتحفظة بقائمة الاصوات حقت الماسنجر

* كيف تنزيل اصوات عشوائية للماسنجر

البرامج اللي تحتاجها علشان تطبق هالدرس .. ثنين ..

1- الـ Windows Live Messenger

2- الـ Messenger Plus Live

طبعا انا استخدمت نسخة الماسنجر 8.1
بتقولون لي وراك ما استخدمت اخر اصدار .. بقولكم لانه ما جاز لي .. وهالاصدار بيني وبينه علاقة حب .. وعشق .. وذكريات حلوة ما اقدر اتركها .. واروح استخدم الاصدار الجديد الفاشل .. قسم يا واجهته تجيب المرض .. تحس انه حوسة مهوب مرتب مثل هالاصدار

فاللي يبي يحمل اصدار الماسنجر 8.1 يحمله من هنا

رابط تحميل الماسنجر 8.1 النسخة العربيه ..

رابط تحميل الماسنجر 8.1 النسخة الانقليزية ..

ونصيحة كانك مركب الاصدار البايخ .. غيره وركب هذا اصرف

واللي يبي يحمل برنامج البلس الاخير يحمله من هنا ..

Messenger Plus! Live 4.50.312

وبعد ما حملتوا البرنامجين وثبتوهم ..
تعالوا تابعوا الشرح معي ..

انزل تحت ,,

:: كيف تحفظ الاصوات من الماسنجر للجهاز ::



اول شيء ادخل على ايقونة الاصوات من المحادثة



بعدين اضغط على مكتبة الاصوات ..



بعدين اختر حفظ \ اضافة ..
ومنها اختر حفظ حزمة الاصوات



بعدين اضغط التالي ..



وحدد الاصوات اللي تبي تحفظها .. واضغط التالي ..



بعدين اختاروا مكان الحفظ يعني وين تبيه يحفظ لك الاصوات .. واضغطوا التالي ..



كذا تختار مكان الحفظ ..
تختار الملف اللي تبيه .. وتختار الاسم .. بعدين تضغط حفظ .



هنا يسالك اذا فيه اصوات ثانية تبي تحفظها ..
اذا فيه اختر اول خيار .. واذا ما فيه اختر الثانية واضغط انهاء ..



هذا الملف اللي حفظناه
ارفعه على رابط وتعال جبه هنا خلنا نحمله ونشوف الاصوات اللي عندك

وامسكوا هذولي ملفين من الاصوات اللي بماسنجري
اصوات كرتون وضحك

اصوات اغاني

انزلوا تحت علشان تكملون باقي الشرح

:: كيف تضيف الاصوات للماسنجر من الجهاز ::

:: الطريقة الاولى والاسهل ::



تروحون للملف اللي تبون تضيفونه .. وتضغطون عليه مرتين



بتفتح لكم هالنافذه .. اختاروا منها الاصوات اللي تبون تضيفونها .. واضغطوا على التالي ..



بتجيكم هالنافذه ..
اذا تبون تضيفون شيء زود .. اختاروا اول خيار
ما تبون اختاروا الثاني واضغطوا انهاء ..

:: الطريقة الثانية ::



تدخلون على المحادثة وتختارون ايقونة الاصوات ..



بعدين تختارون مكتبة الاصوات



وتختارون منها حفظ \ اضافه ..
بعدين اضافة حزمة اصوات ..



بعدين اضغطوا على التالي ..



بعدين اختاروا الملف اللي تبون تضيفونه .. وروحوا على التالي ..



كذا تختار الملف اللي تبي تضيفه ..
تحدده وتضغط فتح ..



بتجيكم هالنافذه حددوا اللي تبونه واضغطوا التالي ..



بتجيكم هالنافذه ..
اذا تبون تضيفون شيء زود .. اختاروا اول خيار
ما تبون اختاروا الثاني واضغطوا انهاء ..


انزلوا تحت علشان تكملون باقي الشرح

:: كيف تسجيل اغنية من الجهاز وتضيفها للاصوات بالماسنجر ::



اختر ايقونة الاصوات من المحادثة ..



بعدين اختر مكتبة الاصوات ..



بعدين اختر صوت جديد ..
واختر منها من ملق صوتي سابق ..



اضغط التالي ..



بيفتح لك نافذه لملفاتك .. علشان تختار منها الاصوات اللي تبي تسجل منها ..

" ملاحظة "
تراه يقبل بس ملفات الـ mp3 والـ wav



بعد ما اخترنا الاغنية .. وكتب لنا تم فتح الملف بنجاح ..
نضغط على التالي علشان نكمل ..



بتجيك هالنافذه اصبر شوي اللين يحول لك الصوت ..



هنا طريقة اعدادات الصوت .. ومشروحة بالصورة ..
لا خلصت اضغط التالي ..



من هنا تختار اسم الملف وماك الملف اللي تبي تحفظة فيه بالماسنجر ..
وتختار لغة الملف .. واذا انك تبيه خاص فيك ولا اي احد يقدر يحمله ..
لا عبيت كل شيء اضغط على التالي ..



من هنا تختار اذا تبي تضيف ملف ثاني ولا ما تبي ..
عقبها اضغط انهاء وخلاص الصوت تسجل عندك

نكمل تحت

:: كيف تسجيل صوتك وتحفظة بقائمة الاصوات حقت الماسنجر ::



ادخل على ايقونة الاصوات من المحادثة ..



اختر مكتبة الاصوات ..



اختر صوت جديد ..
ومنها تسجيل صوت مباشر ..



بعدين اضغط التالي ..



طريقة التسجيل مشروحة على الصورة ..
بس ابي اشرح لكم هالخيارات اللي انا ملونها

اللون الاحمر : هذا اذا انك تبي مثلا تشغل اغنية بصيغة rm وتبي تسجلها عندك .. هالخيار يخليك تسجل منها .. بالعربي هالخيار يخليك تسجل اي صوت شغال بجهازك مهوب شرط اغنية ..

اللي بالاخضر : هذي اذا تبي تسجل من المكرفون .. يعني تسجل شيء بصوتك

الاصفر والازرق : مدري وشم ما عليكم فيهم



هنا علشان توقف اللي سجلته ..
يعني اقعد سجل اللي تبيه عقبها اضغط ايقاف ..



بعد ما تسجل الصوت تقدر تسمعه ..
اذا جاز لك .. اضغط التالي ..



بتجيك هالنافذة ومنها تختار المقطع اللي تبيه من اللي انت سجلته ..
طبعا اكثر شيء تقدر تضيفه 12 ثانية ...
اذا حددت المقطع وخلصت اضغط التالي ..



من هنا تختار اسم الملف ومكان الملف اللي تبي تحفظة فيه بالماسنجر ..
وتختار لغة الملف .. واذا انك تبيه خاص فيك ولا اي احد يقدر يحمله ..
لا عبيت كل شيء اضغط على التالي ..



بتجيكم هالنافذه ..
اذا تبون تسجلون شيء زود .. اختاروا اول خيار ما تبون اختاروا الثاني واضغطوا انهاء ..

انزلوا بعد وحدة تحت

:: كيف تنزل اصوات عشوائية للماسنجر ::



اضغطوا على ايقونة الاصوات من المحادثة



واختاروا مكتبة الاصوات



بعدين اضغطوا على صوت جديد ..
واختاروا منه نزل صوت عشوائي جديد ..



بعدين انتظر لك شوي .. اللين يجيب لك واحد من الاصوات ..



بعدها بتجيك هالنافذه ..
بتلقى فيها اسم المقطع .. وتقدر تسمعه ..
اذا جاز لك اضغط اضافة ويضيفة لك ..
ما جاز لك وتبي مقطع ثاني اضغط على بحث وخله يدور لك غيره

وبكذا خلصنا الشرح .. والـ 5 دروس كل ابوها
كان فيه شيء ما فهمتوه وتبوني اشرحه لكم .. حطوا سؤالكم وان شاء الله اني منيب مقصر معكم

برينقلز ينطبق عليك البيت اللي يقول .. هدوء ما قبل العاصفة
وعلى ذكر الاصدار الجديد حق المسن .. انا مثلك .. ما هضمت النسخه الجديده ..
صراحه .. شرح كافي ووافي .. وهذا يدل على انك راعي تمخيخ .. يعني اذا حطيت شي في بالك .. تفصله حبه حبه .. ويكفي حركة الصوت العشوائي ..

برنقلز تقبل فائق ودي واحترامي يا حلو

هههههههههههههههههههههههههههههههههههه والله يا بطاطس طعمه يجنن من بيسرق موضوعك انت وها الألوان اللي مشكشكها ما خليت الوان الطيف في حاله لو شافك جيزاني تزوجك على طول


ميزتك في شرحك ما تخلي الواحد تجيه اسئله كل صغيره وكبيرها حاطهاا .. حتى اني ابي اسألك وشلون ادور اصوات ولقيتك حاطها بعد في الردود ما قصرت يا آغا الآغااات

يقطع ابو الشرح الي كذا بسم الله عليك الله لا يضرك

ما شاء الله تبارك الله صدق صدق لا قالوا كبار شخصيات شرح وافي وكااااااافي ولو اني داري عنك كان قردنتك ودزيتني بكم موضوع يوم مسابقة التقني

تدري وش ميزة الموضوع ? ابن ام ام امه الي بيزرفه والله يا مافيييييييه امل ينزرف على عالطول والالوان والصور نعنبوا بليسك يالزيدي كل ذا خايفن على موضوعك لا يقولون به