رحلتي التصويريه في البحرين..

نبض · 15-02-2008, 11:35 AM

بنت ابوتس

برضو انتي شوكرن على تواجدتس وكيذا

لاتقاطعين وتتغلين علينا

اسعدني هالطلله الحلوه ياعسل

ماننحرمش

نبض · 15-02-2008, 11:39 AM

الاسطوره

يالبى خراطيش صمامات قلبك ياشييييييييييييخ

فديتك وقسم

احتري عودتك على احر من الجمر..لاتبطي علينا

شليويح بيك · 15-02-2008, 01:16 PM

ياااااااااااوتس

وش هالزين والابداع والمتعه والفن والروعه !!

عاد ننتظر جديدتس على احر من الجمر

A S 6 O R H · 15-02-2008, 10:16 PM

اول شي تراي كتبت رد .. وردي انمسح من ثوارتن فيني .. واللي يبي يقول لي ما جبتا جديد وانت ثور بعلقه فوق هـ البنرات وابمسطه مسط .. زمن الحريه وكل واحد يعبر عن رايه هذاك في بيوتكم مهوب عندي لا ابوكم لا ابو من قالكم اقرو ردي يا عيال اللذينا واصلا ً ما نيب راد واللي فيه خير يقول شي
نبض : يرحم امتس هـ الحين حاطتن لي رحلتي للبحرين وآخرتها مصورتن لي شيبان كبر جدك ليته نقول كبر ابوك يمكن بناتنا يمديهم يخطفون لهم واحدن منهم .. اما تجيبين لي هـ الشيبان اللي الواحد منهم خطر يوم رحتي مات من الفرحه ان فيه بنت مكشوك بـ امرها هي بنت او لا قامت تصورة يختي حرام عليك ترا هذي نفس والله العظيم انها نفس .. حرام عليتس يا نبض حرام عليتس تقتلين النفس بغير حق .. الحين قلنا البحرين نبي نشوف صور مراقص و بنات واماكن التدليك ونوعية المدلكات نسمع في هـ البحرين ولا ندري وينها فيه مدري آخر خبري بها انها غرب .. الا ان تسان نقلو وراحو شرق ( ايقونتن مركبتن قلص وتدور بـ البحرين ) <-- نعنبو ابليسك والله لو ان البحرين دباب .
هـ الحين يا نبض بخليتس تخقين معي شوي وتقولين اسطورة مصوراتي محترف ملعون جدف جاب نقد ملعون خير ع صوري المخيسه .. هـ الحين يا نبض بقول لتس ليه اكثر صورتس ما عليهم اطار .. اسئلتس بـ الله يا نبض ما خقيتي مع النقد حقي .. لا والله جد ما حسيتي اني اعرف انقد ( ايقونتن لواحد خروف ينقد دراهم بطاقات شحن ) وبعدين انا اضمن لتس لو انتس مصورتن لنا كاس فيه ثلج وجمبه بيرة من النوع الفاخر ان تطلع صورتس ازين من الاطار اللي تبي تحطينه .. والله يرحم ضعفتس لو انتس مصورتن لنا هـ الشيعة وهم يمسطون بعض ويكوفنون بعض تسان هـ الحين تشوفيني قاعدن امسط في اهات ( ايقونتن تناظر مصارعه وتطبق على اخوانها ) <-- ما ودا اخوانك للمستشفى الا هـ الرضوض اللي جتهم منك .

اقتباس

((اتخبأ خلف تفاصيل صوفيه ويلجمني البرد))

ترا بديت اشك في قدراتس يا نبض وبديت اتهور بس قهر ليتني لحقت ع عاشوراء يقولون فيه ليلتن تصير ظلماء عاد مدري هو صدز ولا انا ملعوبن علي بعدين وراتس قالبتن كلام خواطر الله يرحم واللدينك من اللي لعبن عليتس وقايلن تراتس تخققين بها الوصف اللي للصور حاطتن لي اقواس وكلام مسويتن له نسخ من كتاب القواعد حق بنت الجيران اللي ساكنتن حدركم .
نبض لا خلا و لا عدم .. ومثل ما قلت وديه ( للمعرض بعد اكتمال الردود ) .

موافق عليها · 16-02-2008, 03:24 AM

^^^^
انا مدري وراني دايم وراك

اقتباس

والفضاوه مقطّعتني

اقتباس

انتّف شعر ساقي

نبض يرحم امتس وخالتس وكل اقرابكم حتى الشغاله اللي تعز عليك لا تتسذبين شلون فاضيه همن تنتفين شعرتس تنتيف الشعر عندتس يبيله وقت يعني ثلاث طعش سنه او اقل شوي عن المبالغه

اقتباس

ليه ما تستغلين الفرصه دام اهلتس موب معتس واطلعي خذي لتس فره وصوّري كم صوره يحبها قلبتس حلوه زيتس والا لا يااموره؟؟

اموره
اما اموره شلون يابنت اموره بالله اعقلي بعدين بالله يعني الحين ينقالتس مستغله الفرصه كان استغليتها دام ان اهلتس مهب فيه في اشياء لا ترضي الله بعدين تدرين ان التصوير حرام

اقتباس

دقيت عالتكسي وحجزته وقلت له يمرني عشان نطلع نحوس في الاحياء القديمه في البحرين

شفوا التكاسي اللي مهب تكاسينا بالتلفون يجون مهب حنا تقوم تطلع برا بيتكم وتمشي حلو كيلو لين تاصل الشارع العام وهمن تنطق شوي بالشمس لين يوقف لك واحد وان صرتوا اكثر من اثنين ما والله يوقف لك خوفك من انك تسحب عليه بالحساب ولا منه عابط ابد العنوا خيره وخوذوا فلوسه وهجوا رجلك والجبل

اقتباس

...جهزت كاميرتي والفلاش والترايبود

طيب الكميره عرفناه والفلاش تسني عارفه النور الابيض اما الاخيره ذي الصدز لو تشرحينها لنا يصير احسن ولو ماتشرحين شي وتفكينا من شرك وكثرت قرقك يكون احسنين بعد

اقتباس

اللي يلطمون من جهه..واللي لابسين اسود من جهه ثانيه

الله يذكر عضون في منتدانا بالخير يوووه من زمان عنه ماتذكرته الا يوم قريت ها الكلام

اقتباس

وخذي لهم صور عادي ماراح يهاوشونك زي شعبكم بالسعوديه

والله اننا شنبات مخوفين البحارنه حتى في عقر دارهم قسم بالله انكم يالسعودين حمشين بس برضوه اتوقع ان شباب البحرين رهيبين <<ينقاله يعرفهم مقطعن البحرين مايعرف ولا بحريني كل شغله اجنبي

اقتباس

نزلت وسلّمت عليهم وقلت لهم عادي اصوركم؟؟

تبويس ولا مصافح بس

اقتباس

حسيت انهم مساكين ومتأثرين من مشاهدة البوكيمون

كولي تبن ياسقيمه

وش هالصوره الحلوه ياتسلبه يطلع منتس اول احبنتس بس كيذا قرقه وبس

اقتباس

انا مصوّره وعندي معرض قريب وابغى اصوّر واشارك بالمعرض يمكن وجهك يصير وجه خير علي وافوز

الا صدز وين المعرض فيه ماقلتي لنا ؟؟؟؟

هذي بعد حلوه صوره البزر بس شكله مطنوخ شوفي كنادره حقت الكوره اديداس <<< كلن على همه سرى

اقتباس

كل الصور ب nikon D40x

حتى اسم الكميره لتس عليه يجيب الشبهه

اقتباس

تحياتي
نبض

والتراب قصدي يعني والتراب حتى لو تصورينه يطلع حلو ليه اصرف انا الحين يعني خايفن منتس انتي والتراب اقول اعقبي الصدز اني تمنيت اني بحريني وشايب وجالس مع هاك الشياب يوم انك تصورينهم ترى مهب عشان تصوريني عشان لا منتس جيتي اكرشتس والعن خيرتس قاعدتن تصورين الناس وتلعبين عليهم والله انك تساتهلين المعرض يالتسلبه صور حلوه وياليتسس مشلحتن العصى حقت الشايب تسان تطلعين اكه <<< يحلفون ما انكسرت الحين من عينك الصدز انتس خليتني احب البحرين لازم اروح اسوي زياره لهم مب بعدتس

ام غمازات · 21-02-2008, 12:13 PM

ماشاء الله تبارك الله

وربي انك مصوره خطيره صور من جد روووعه

بس ماتحسين انتس هبلتي بالشاااايب قسم بالله رحمته

شهرزاد الطخمه · 22-02-2008, 01:29 AM

صووووووره بطله الصراااااحه _ ماشاء الله فنااانه

Panda · 22-02-2008, 07:16 AM

ن +ب+ض = نبض << وبعدين!!
فهذه الثلاثة حروف قد اخرجت فنا منقطع النظير

***

ابهرتيني بصورك صراحة يعني كل ماشفت أحد يصور مسكت جوالي سوني أركسون اللي مافيه اخس من تصويرة وقلت هااه بحاول اجيب صور متكتكه بس مااش مافيه أمل
ولعل الله خلق امثالي ليعرف الناس قيمة أمثالك

***

وأكثر صورة حبيتها حقت الولد يعني من جد كانك انتي اللي متفقة انتي وياه على هالوضعية وهالزاوية من التصوير ماكانها جت عفوية

***

والله يعطيك ألف افية نبض

نبض · 23-02-2008, 02:00 AM

برد عليكم واحد واحد بس اصبرو

عندي موضوع ثاني بنزله همن ارجع لكم

A S 6 O R H · 23-02-2008, 07:31 AM

^
^^
لمنتس فضيتي للموضوع ارجعي له ترانا ننتظرتس لو بعد اسبوع مهيب مشكله بس ارجعي ونبي كل رد لحيله يالله من فضلك ما ندري حنا نشوف صور ولا نسمع حتسي .
* نسخة للمعرض .

رحلتي التصويريه في البحرين..

ذهب الملحق