بكاء الرجل

والله موضوع جميل وانا صراحة فيني مشكلة غريبة اذا جيت أبكي

انا من النوع اذا في موقف مؤثر شفته في فلم على طول أبكي

بس اذا في موقف يعني صار جدي ما قدت بكيت الا مرتين يمكن يوم توفا جدي الله يرحمه قبل 11 سنه

وفي موقف جديد ماله أسبوع والله ذاك بكيت فيه مثل طفل فقد أمه لدرجة أني يوم بكيت الي كنت معه يوم شافني أبكي كذا قام يبكي ويترجاني أسكت وصارت معجزه انه أعترف بغلطته وقالي أنا أسف وفام يكرر هاذي الكلمه لمدت دقيقتين وانا بعد علاقه 3 سنوات وكان دايم هو الي يغلط عمري ما سمعته قال أسف بس يوم أني بكيت أتوقع حس بعظمة غلطته والزعل الي كنت انا فيه لدرجة أنه أزعجني وهو يقولها

وانا من ناحيتي اذا كان موقف أثر فيني مره أبكي بس ما هو الموقف الي ممكن يأثر فيني لدرجة أنه يخليني أبكي أكيد راح يكون موقف كبير جداً على عكس المراه الي أي موقف بسيط ممكن يبكيها

مشكور على هذا الموضوع الجميل صراحه

والله ماندري اذا بكى الرجل هاليومين على شيء يستاهل ولا لا

اجل يوم الاربعا ببيت خوالي لما خسر الهلال بكو عيال خخالي خيييييييير <<مايستحون

<==ماتحكم الا على عيال خالها ماعندها رجال غير ابوها والسواق مقابلينها

اما بابي الله يطول بعمره ماشفته يبكي الا قليل مرره وتقطع قلبي علييه في وفاة جدتي

<== تذكرت بدت تشاهق

ويسلموو خيتي على هكا مواضيع

اهلين ام لطفي وشلونتس ؟

اقتباس: نحن في المجتمع الخليجي دائما نرى بأن بكاء الرجل ينقص من قوته وهيبته او من كبريائه . فلماذا هذه النظره ؟؟

بلى الله يسلمتس الرجل الخليجي قوي عربجي حمش
هو اللي يتحمل المسؤوليه .. لإننا معتمدين على الرجاجيل في كلش فـ تخيلي انه هاللي معتمده علي وحاطه كل أملتس فيه يجلس يبتسي قدامتس شعور مخيس ؟!
يعني تحسين القوة اللي انتي مستنده عليها طاحت <<------- الله من زين الوصف بعد
شوفي أنا عن نفسي لو بشوف رجال يصيح بيطيح من عيني دوغري يعني بحسه رخمه
يعني معليش بس وش فرق الرجال عن الحرمه ؟

اقتباس: اليس هو انسان يشعر ويتألم.. اليس من حقه ان يبكي.. ان يخرج مابداخله من متاعب وهموم وآلام.. ان يعبر عما يشعر به من مشاعر واحاسيس !!!

لا ليس من حقه <<---- الله يصبرهم عليتس
يعني مهوب شرط يعبر عن اللي بداخله بالصياح يعني مثلن يحتسي عن اللي جوا قلبه بس مايبتسي

اقتباس: سؤالي للعضوات: ماهو شعورك عندما ترين دموع الرجل ؟؟

بجلس أقول له كيكي كيكي صاح صاح الخكري يعني معليش بس خير يجلس يصيح

ام لطفي دوتس

ذات كسر مؤلم ..
بكيت من الوجع ..

قال لي والدي حينها ..
(الرجال لا يبكون)

كنت صغيراً لم أتجاوز التاسعة ولكني ابتلعت ألمي رغم شدته ومسحت دمعي .. فالرجال حتماً لا يبكون ..

بعد فترة .. دخلت على والدي في مجلس جدي ..
وجدته يبكي وحيداً .. ومكان جدي بقربه خالياً ..

حينها أيقنت .. أن الرجال لا يبكون ..
.. ولكن وحدهم العظماء يبكون ..



أم غمازات ..

أول موضوع لك وأول مشاركة لي (ياحظك)

.. شاكر لك

Slevin

اشكرك على ردك الاجمل وعلى تفاعلك مع الموضوع

هلا ام حنفي بخير.. شلونك

الحين بفهم انتي ووجهك ليش مسميتني ام لطفي

<<<<<<<< مصدومه من كلام المنقهره ماتدري وش تقول

المنقهره ترى هو مثلك يحس ويتألم يعني انتي حطي نفسك مكانه !!

اتمنى انك تغيرين هالنظره وتفكرين فيه كانسان له احاسيس ومشاعر

اشكرك على مرورك وتفاعلك

بايعتها حتى انتي ام لطفي

اشكرك على المعلومه الرائعه وعلى روعة ردك

اسعدني تواجدك

نمبر ون يشرفني ان تكون اول مشاركة لك بموضوعي

فقد انورت موضوعي بكلماتك التي تحمل بين طياتها الالم

شاكره لك مرورك

هلا غميزه شلونك ؟

شوفي يخوتس دمعة الرجال بدون شك غاليه وزاد من غلاتها ندرتها !! يعني تخيلي امك اختك جدتك قليل تشوفينها تصيح وفجأه تشوفينها تصيح ماتتفاجئين وتسئلين عن السبب ؟؟ طيب هي مرأه يعني حرمه مهوب غريب عليها ! لكن ماعودتكم انها تصيح وبختصار كذا الرجال ! من السهل تشوف رجال يبكي لكن الكلام كيف يبكي وليه ؟
بالنسبه لي اشوف ان الدمعه غااااااليه بالحيل واخر مايلجئ له الرجال واصلن مايلجئ لها هي تطلع غصب !! تشوف الرجال كاتم ومعصب ومنفعل واصلن ماتقدر تكلمه ولاتتجرأ عقب مايهدها تبدا تحكي معه اذا من الناس الغالين وتمون عليه بيفضفض لك واحيان الرجال نفسه يطلع يدور يجلس لحاله ينعزل مهوب عشان يبكي بس عشان يريح شوي وتهدا اعصابه يفكر مره مرتين ثلاث وتلقينه على هالحال ايام واسابيع يعني لو بكى يمكن يهدا
وفي الاخير غالبا يهدا وينسى

لكن احيان مهما فكر مره ومرتين وثلاث يتوقف في المره الرابعه عشان يمسح دمعتين !! صح انها دمعتين لكن مهيب بس قطرتين هالدمعيتن معناها القلب ينزف وهالدمعتين تهز اللي ماتقدر تهزه مدافع ودبابات اقوى بلد


واتذكر على كثر ماكنت اصيح وانا صغير عشان حلاو او لعبه او اي شي تافه الا ان في بالي دمعه والله ماانساها مادمت حي
مع اني صغير ومتعود اصيح الا ان هالدمعه اللي نزلت كانت كلام ثاني !!
الموقف كنت في ايام عزاء واحد من اقاربنا وكان صديق ابوي في نفس الوقت فالموقف ان عيني طاحت على ابوي وانا بالسياره معه وهو ملتفت ويمسح عينه
ساعتها التفت بعد انا حاولت اسوي نفسي ماشفت شي لكني اظطريت اني امسح عيوني بس ماقدرت اسمح اللي بقلبي
مدري وش جلست اخربط بس عجبني الموضوع وطريقة الطرح والردود وفوق هذا كله محتوى الموضوع لانه يتكلم عن شي غالي

الله يبعد عنا وعنكم كل ضيقه

عوافي غميزه

سبحانك الله وبحمدك اشهد الا اله الاانت استغفرك واتوب اليك