تقرير : Jumper {تابع المسابقة}

pringles · 08-04-2008, 01:11 AM

JUMPER
Anywhere Is Possible

::سنة الانتاج ::

الفلم من انتاج سنة 2008
واول عرض افتتاحي للفلم كان روما ايطاليا .. بتاريخ 6\2\2008

بعدها سوو عرض افتتاحي ثاني في نيويورك امريكا بتاريخ 11\2\2008

واول عرض رسمي للفلم كان في الفلبين ! .. بتاريخ 13\2\2008

الله ينعن هالشغالات اثاريهن يشوفن الافلام قبلنا حنا والامريكان خخخخخ

وانعرض في امريكا وبريطانيا بتاريخ 14\2\2008

:: الفلم من اخراج ::

Doug Liman

:: كتاب المسلسل ::

المسلسل ماخوذ من روابة لـ Steven Gould

وكتب قصة الفلم ..

David S. Goyer

Jim Uhls

Simon Kinberg

:: نوع المسلسل ::

اكشن .. مغامرات .. خيال علمي .. اثارة

:: مدة الفلم ::

88 دقيقه .. يعني حول الساعه ونص

:: لغة الفلم ::

انقليزية امريكية ..

:: مكان تصوير الفلم ::

الفلم خلاهم يتنقلون من مكان لمكان علشان يصورونه ..

ومن الدول اللي تنقلوا لها علشان يصورون هالفلم ..

امريكا

التشيك

كندا

مصر

فرانسا

ايطاليا

المكسيك

اليابان

:: الموقع الرسمي للفلم ::

Jumper

:: اشياء ما تدرون عنها ::

المخرج طلب من Evan Rachel Wood انها تلعب دور ميلي بالفلم .. بس بعد ما رفضت وقالت منيب ممثلها معكم .. الدور راح لـ Rachel Bilson .. اللي لعبت بالفلم ..

.....

بطولة الفلم كان بيلعبها Tom Sturridge بدور ديفيد .. و Teresa Palmer .. بدور ميلي ..
بس بعد شهرين من التصوير .. سحبوا عليهم وعدوا البطوله لـ Hayden Christensen و Rachel Bilson .. اللي مثلوا بالفلم ...

.....

ايمينيم مغني الراب المشهور صرح في واحد من تصريحاته انه رفض يلعب بطولة الفلم يوم انعرضت عليه .. بس في تصريح لـ Doug Liman مخرج الفلم .. على قناة MTV قال انه كنسل فكرة انه يخلي ايمنيم يلعب دور البطولة اول ما قابل Hayden Christensen

......

يوم جو يصورون الفلم في المتحف بروما ( ذيك الساحة حقت المصارعين مدري وش اسمها ) .. كان مسموح لهم يصورون لمدة 3 ايام بس بشرط .. انهم ما يحطون اي اجهزه على الارض .. وما كان مسموح لهم يستخدمون اي اضائات اضافيه غير نور الشمس .. والطلق كان مسموح لهم بس بين 6:30 الى 8:30 الصباح .. و 3:30 الى 5:30 المساء .. علشان ما يزعجون السياح اللي جايين ..

......

احداث الفلم كانت في آن اربور - ميشيغان .. والمدرسة اللي تم التصوير فيها هي Huron High School .. وكان مسموح للطلاب والناس اللي هناك انهم يطلعون بالفلم كـ تكملة عدد داخل وحولين المدرسة .. بالعربي تراهم ما دفعوا عليهم ولا قرش .. قالوا المكان مفتوح اللي يبي يطلع بالفلم يجي

......

رونالد كوسز Roland Cox's .. اسمه بالرواية الحقيقيه كان براين كوسز Brian Cox .. بس سبب تغير الاسم انه فيه ممثل صدزز اسمه براين كوسز .. فالظاهر هذا اللي خلاهم يغيرون اسمه لـ رونالد

:: بعض الاخطاء بالفلم ::

في المشهد اللي كان ديفيد ينتظر ميلي بالمطار كان فيه ثلاث شقوق على فنيلته .. بالمشهد اللي بعده يوم دخل الشقه حقتها هالشقوق اختفت !!

.....

احادث الفلم المفروض انها تكون في آن اربور - ميشيغن .. بس في مشهدين ابو ديفيد كان يناظر قناة NY1 .. اللي هي قناة نيويورك الارضيه .. ( مثل قنوات غصب يعني )

.....

لما ديفيد كان واقف في ساعة بيق بين في لندن .. كانت الساعه 8:30 بس صوت دقة الساعه كان كانه لما يكمل ساعه كاملة مهوب لما يكمل نص ساعه ..

......

لما ديفيد استاجر غرفة بالاوتيل كان رقم الغرفه 256 .. بس لما جا راعي الاوتيل يدق عليه علشان ياخذ الاجار كان رقم الغرفه 205

.....

لما جيرفين كان قاعد يتضارب مع ديفيد علشان المفجر .. ديفيد حطه في ساحة للحرب .. بس مهوب هنا المهم .. جيرفين يوم كان بالجيب كان فيه واحد جنبه .. بس لما كسر الباب يبي يطلع ما كان فيه احد جنبه !! ..

......

لما جيرفين زرف المرسدس من صالة العرض بالمعرض .. كان الدرقسون على اليسار .. واليابان من الدول اللي درقسوناتهم على اليمين زي بريطانيا واستراليا .. ومستحيل اننا نلقى واحد من المعارض يحط سيارة مهيب بالمواصفات العادية في صالة العرض !!

:: الابطال ::

ديفيد بطل الفلم .. وهو اللي يروي لنا قصة الفلم ووش صار معه ..
وكيف اكتشف القدرة اللي عنده .. ووشي المشاكل اللي صارت له ..
بالعربي الفلم كله يتكلم عن حياة ديفيد ..

هذا ديفيد وهو صغير .. بداية الفلم بيتكلم عن حياته وهو صغير وكذا ..

جيرفين واحد من اللي عندهم القدرة انهم يقامزون .. مثله مثل ديفيد ..
بس انه يعرف اشياء اكثر من ديفيد .. وهو اللي كان يصيد البالدنز ويذبحهم ..
بيساعد ديفيد كثير .. مع ان ديفيد نكبة اكثر من مرة

رولند واحد من البالدنز .. واوسخهم .. يلاحق اللي يطامرون ويذبحهم
بيلاحق ديفيد وبيلعن خيره .. بس حظ ديفيد ان وراه جيرفين ولا تسان اكل تبن خخخ

ميلي خويت ديفيد اللي فاك معها من يومه صغير ..

ميلي وهي صغيرة ..

ابو ديفيد .. كومبرجي بالفلم اسحبوا عليه

ام ديفيد .. وحده من البالدنز .. بس انها من البالدنز الحبيبين بتساعد ديفيد اكثرمن مرة ..
دورها ما كان مهم يعني تكملة عدد بس مثل ابوه

:: القصة ::

بداية الفلم بيكون ديفيد فوق ابو الهول بمصر ووراه الاهرامات .. ويقعد يكلمنا عن نفسه ووش يسوي كل يوم .. ووين يروح ووين يجي .. وانه ياخذ صور لكل مكان يزوره وزي كذا .. طبعا كلامه بيكون عن الوقت الحالي ..

بعدها بيقوم يقص علينا قصته من يوم ما كان صغير .. وكيف اكتشف انه يقدر ينط من مكان لمكان ثاني ..

طبعا اول كان انسان طبيعي مثلك انت واياها .. وكان خاق مع بنت معه بالمدرسه اسمها ميلي .. فف نهاية الدوام راح ناداها وهي واقفه مع صديقاتها وجا بيهديها هديه .. كورة من قزاز وفيها خرابيط تدور داخل .. البنت يوم شافت الهديه اعجبتها بقوووة .. وقالت له انها اعجبتها .. بس وقتها جاهم البثر مارك .. ويقوم وياخذها ويقوم يذب عليه قدام الطلاب .. ويوم قالت له رجعها يا مارك .. قام وجدعها بعيد في النهر اللي كان متجمد من الثلج .. وقال لديفيد معليش شكلي ما اعرف قوتي الصدقيه ..

خوينا ديفيد يوم ان مارك جدع اللعبة قفلت معه .. ويروح يحاول يجيبها .. وميلي تقوله ارجع ما يحتاج تجيبها .. المهم يوم وصل للعبة وشالها قالهم شفتوا ما فيه شيء .. فقالت له طيب ارجع بسرعه .. وهو راجع انكسر الثلج وغرق بالمويه .. وقعدت ميلي تزاعق تبي احد يساعده ..

بس فجأة انتقل ديفيد من الموية للمكتبة !!
وقام يكح كح ويطلع المويه اللي بلعها .. والعالم تناظر فيه ما تدري من وين جا !!
عاد هو قام وهو مستغرب قبل شوي كان قاعد يغرق وفجأة صار بالمكتبة !!

فطلع من المكتبة وراح للبيت .. وقبل لا يدخل البيت قعد يعمنا عن اهله .. وقالنا ان امه تركته وهو عمره 5 سنين .. وابوه كان دمار يعني تعامله معه بايخ ..

اول ما دخل البيت لقى ابوه بالصاله وقاله ابوه تراك تاخرت العشى برد .. وين كنت فيه !؟ .. فديفد ما رد عليه ومشى لغرفته فقام ابوه وهو مرتفع ضغطه وقاله لما اسالك سؤال المفروض انك تجاوب علي .. شوي شافه رابص بالماء وقاله وش صاير لك !؟ .. فقاله ابد طلاب بالمدرسة بس ورقى لغرفته بسرعه .. فقاله ابوه ديفيد انزل تحت ونظف الحوسه اللي انت سويتها .. بس ديفيد سحب عليه وقفل باب الغرفه .. فطلع له ابوه وهو متنرفز ويقوله اخترت الخيار الغلط .. وجا فتح عليه الباب بقوة .. اول ما فتح الباب ديفيد اختفى من الغرفة ! .. فقفل ابوه الباب بسرعه وهو خايف وراح كلم الشرطة وقعد يشرح لهم اللي صار !! ..

في الوقت اللي ابوه كان قاعد يكلم فيه الشرطة .. ديفيد رجع للبيت وشافه قاعد يكلمهم .. فاخذ فلوسة اللي كان مجمعهم وبعض الملابس وصورة امه .. وقال اذا هي قدرت تروح .. انا اقدر اروح بعد !

بعد ما اخذ اغراضه راح لم بيت ميلي .. اللي كانت قاعده تصيح تحسبه مات بسبتها .. وقعد يرمي حجر على شبكها اول ما طلت ما لقت احد .. فنزلت تشوف من اللي كان يرمي الحجر ولقت ديفيد حاط لها اللعبة اللي غرق علشانها على المرجيحه واختفى ثانيه .. قعدت تناديه بس محد رد عليها ..

وقالنا انه كان يبي يعلمها الحقيقه والشيء اللي صار .. بس انه كان خايف انها ما تصدقه .. فقال ما اقولها احسن .. ولا قالها .. وانتقل من المدينه اللي هو فيها لمدينة ثانية ..

اول ما وصل للمدينة الثانيه .. راح استأجر له غرفة باوتيل ..
وكان براسه مليون سؤال .. كيف هالطمرات تصير ! .. وكيف يتحكم فيها .. وراح جلس على حجره بالحديقه وقعد يحاول يتحكم بها ..

بعد ما ضبط التحكم فيها وصار يقدر يتنقل لاي مكان يبيه .. فكر انه يسرق بنك .. فراح دخل على واحد من البنوك وقالهم عندكم حمام للزباين !؟ .. فاخذه الحارس حق البنك ودله للحمامات .. فالطريق وهم نازلن للحمامات ديفيد قام يطلطل حولينه ويشوف البنك .. ومكان الخزنه ..

بعد ما عرف مكانها وكل شيء .. رجع لغرفته بالاوتل وجمع اغراض يحتاجها علشان يسرق البنك واخذ معه كيس وانتقل للبنك .. وقام يعبي الكيس ولاحظ ان الكيس اللي معه ما يكفي فلوس البنك كلها .. فرجع غرفته وجاب كيس اكبر .. وقام يتنقل من غرفته للبنك ويسرق القروش .. لين عبى غرفته بالدراهم

المهم البنك اكتشفوا السرقه .. وبلغوا الشرطة والمباحث وقفلوا البنك بيعرفون كيف انزرفوا ! .. بس ماش عجزوا يعرفون ما فيه اي ابواب انفتحت ولا اي مكان ممكن احد يدخل معه للخزنه !!

فالعلم وصل للخال اللي بالصورة " رولند " .. رولند هذا واحد من اللي يلاحقون الناس اللي تطامر واللي عندهم هالقدرة .. ويحاول يمسكهم ويذبحهم .. يسمونهم بالفلم ( بالدنز ) ..

فدخل رولند البنك وقعد مدير البنك يعلمه عن الاشياء اللي صارت وان كل شيء مقفل وان الخزنه عليها ابواب من فلاذ يعني محد يقدر يفتحها .. فطلب منه رولند اشرطة الفيديو حقت الشهر كامل .. واسماء الناس اللي عندهم صناديق بالخزنة كلهم ..

بعدها جانا ديفيد بغرفة الاوتيل حقته وهو يشرب بالبيرة وجنبه القروش اللي زرفها .. شوي نقلونا لحياته لما كبر بعد 8 سنين .. من ذيك الفتره .. يعني تقريبا صار عمره 23

وقالنا ان ديفيد الاول خلاص يعتبر مات .. بس هو ما زال حي وساكن في نيو يورك .. وساكن في شقة بططططلة .. ويعتبر ساكن بالعالم كله مهوب بس نيو يورك .. طبعا شقته فيها كل ابو شيء تتخيلونه .. هارلي .. جت سكي .. دباب ثلج .. حتى القروش حقت الكزنو عنده غرفه كاملة منها

بعدها طلع من شقته وراح للندن وقف على ساعة البيق بين وقعد يطل على المدينة من فوق .. ويوم انها امطرت نزل ودخل واحد من البارات الموجوده هناك .. وشاف له بنت اعجبته قاعده على البار .. بس انه بدال ما يروح لها ماشي .. طمر لها ..

فيوم طمر انتبه له واحد من اللي كانوا جالسين بالبار اسمه " جيرفين " .. جيرفين هذا واحد عنده نفس الميزة ويقدر يطامر مثله مثل ديفيد .. ويمكن احسن لانه من زمان يعرف عن هالميزة ..

من بكرا الصباح .. اخذ ملابسه من شقة البنت اللي طلع معها من البار .. وراح لبس او بالاصح زرف ملابس بحر .. واخذ معه زلاجات بحر ( هذيك اللوحة اللي من فلين ويتزلجون بها على الامواج مدري وش اسمها بالعربي بس على ذمة روكيا تقول اسمها ركمجه ) .. وراح يركب الامواج وبعدها انتقل لمصر وقعد يتغدى فوق ابو الهول

بنفس الوقت اللي كان قاعد يتغدى فيه .. رولند كان قاعد يلاحق واحد من هاللي يقدرون يطامرون من مكان لمكان .. وطريقة مسك هاللي يطمرون بعصى كهرب لانهم اذا تكهربوا معد يقدرون يطامرون ويفقدون قوتهم ..

المهم بعد ما مسكه وذبحه .. جاه اتصال من واحد من اللي يشتغلون معه .. وقاله عندنا خيط عن اللي سرق البنك .. فقاله حلو حلو بجيكم على اقرب طيارة علشان نصيده ..

على ما رجع ديفيد للشقته بالليل .. كان رولند سابقة وقاعد يحتريه بشقته .. ويوم شاف ديفيد قاله لا تنحاش 8 سنين كنا ندور عليك .. فساله ديفيد من انت !؟ .. فقاله اسمه .. فرجع ديفيد وساله طيب وش تسوي بشقتي !؟ .. قاله بجيك بالكلام .. وقعد يكلمة عن الاوراق اللي كان يخليها .. فقاله ديفيد ابي اكلم المحامي حقي .. فرد عليه رولند ليش تكلمه محد القى القبض عليك !؟ .. انا منيب من الشرطة .. بس ابي اعرف كيف سرقت البنك !! .. يعني اي احد يقدر يسرق بنك .. بس اللي ابي اعرفه كيف سرقت البنك بدون ما تفتح اي باب !!

فسكت ديفيد وقاله شف انت منتب شرطة وانا ما القي القبض علي .. اتوقع ابيك تقلب وجهك من هنا .. وجا بيمشي بيطلع من غرفة لغرفه .. بس انه حاول يفتح الباب وما عرف !! .. فقاله رولند تبي مساعده بفتح الباب !؟ .. من زمااان ما استخدمت باب صح !؟ .. انا اعرف من واعرف وش تقدر تسوي .. فقاله ديفيد الكلام هذا انتهى وحاول يختفي .. بس ان رولند لحق عليه وكهربه .. وقام يتوطى ببطنه تشويت ولعن خير .. وقاله هالكلام ما ينتهي لين تجاوب على اسالتي .. كيف قدرت تختفي كل هالفترة ومن اللي كان يساعدك !؟ .. طبعا ديفيد قعد يحاول ينحاش ويطمر لمكان ثاني بس رولند قاله صعب انك تطمر والكهرب يلعب بمخك .. ويمسكه ثانيه ويشوت فيه .. ويقوله تتوقع انك تقدر تعيش زي كذا بدون ما يصير لك اي شيء !! .. بس ان ديفيد قدر ينحاش ويتوزى ورا جدار وقبل لا يكسر رولند الجدار ويمسكه ثانيه ديفيد قص سلك الكهرب وطمر برا الشقه وانحاش ..

ديفيد يوم طمر يبي ينحاش من رولند طمر لغرفته في بيته يومه صغير .. ابوه اول ما سمع الهزه ركض للغرفة وقعد ينادي على ديفيد ويقوله لا تروح لا تروح اسمعني بس .. انا مدري كاني انجنيت ولا لا مدري وش قاعد يصير .. بس اصبر اصبر لا تروح ابي اكلمك وراح يجيب المفتاح علشان يفك القفل .. وهو قاعد يفك القفل قاله ديفيد خلاص تقدر ترجع البيت باي وقت تبي .. بس ان ديفيد ما قاله الا انت منتب مجنون واختفى ثانيه .. فاول ما فتح ابوه الباب ما لقى احد زي ما صار له المره الاولى ..

بنفس الوقت اللي كان ديفيد يكلم فيه ابوه .. رولند كلم اللي معه وقالهم ترا الولد انحاش وما مسكته .. بس عندنا الاماكن اللي قد راح لها .. وابي الكل يبدون يلاحقونه ..

المهم من بكرا ديفيد راح لبيت ميلي .. خويته ايام المدرسه .. وطق عليهم الباب فتحت له ام ميلي .. وقالها وين ميلي انا ديفيد ! .. هي استغربت وقالت يعني ميلي صادقه انت ما مت ! .. قال ايه ما مات هذاني قدامك .. بس ابي اسالك كان تقدرين تعلميني وين ميلي فيه !؟ .. فقالتله ميلي صارت تسكن بالحالها ودلته على مكان شقتها .. وقالت له انها تشتغل في بار وقالت له مكانه ..

فراح خوينا للبار وجلس فيه .. وقعد يطقطق بالبيرة ويقزقز فيها .. يوم انها خلصت بيرته قال خلاص شفتها وقام بيطلع من البار .. بس خوينا البثر ذاك مارك شافه بالبار .. ونشب لام امه انت ديفيد وما عرفتني وزي كذا .. وديفيد ساحب عليه يقوله مدري وش تتكلم عنه منيب ديفيد ولا اعرفك .. المهم ان هالبثر مسكت معه الا تعرفني .. وبوقت ما ديفيد قاعد يصرفه ميلي جت من وراه وقالت له ديفيد !؟ .. فتغير وجه ديفيد وكب العشى

فقالت له ميلي .. كنت بتروح من دون ما تقول اي شيء !؟ .. فقالها معليش ما شفتك .. فقالت له ما شفتني ! ..وانت قاعد تطالع فيني طول الـ 45 دقيقه اللي فاتت ! .. فدخل بينهم مارك وخمه قال ايه ديفيد ناوي تروح وما تقول شيء !؟ .. فقاله ديفيد انت سكران انطم .. فقفلت مع مارك وقاله انا منيب سكران انا تمام ! .. وجا يعدل وقفته وكب شوي من اللي بكاسه .. فقالت له ميلي ايه انت تمام مرررة .. بس ورا ما تروح تدور لك فراش وتنام عليه !؟ .. فقالها مارك الا ورا ما تروحين انت وتسوين لي كاس ثاني وقام سوا حركتن مبزوطه وقال كلمتن مبزوطتن مثل الحركة .. فقفلت مع ديفيد ويقوم ويسدد له ذاك البقس اللي يحبه قلبك .. تحسونه ركبه صح على وجهه .. وقاموا يتطاقون بس ان مارك قوا ديفيد فقفلت مع ديفيد ويقوم ويخمه ويطلعه برا ويطمر به لخزنة البنك .. فمارك قمط العافيه وقعد يقوله وش سويت فيني !!! .. فضحك ديفيد وقاله " شكلي ما اعرف قوتي الصدقيه ! " ( يقصد بها كلمة مارك يوم رمى اللعبة وهم صغار ) .. وطمر ثانية من الخزنة ورجع للبار ..

اول ما رجع للبار كانت ميلي توها جايه بتدورهم الا وهو داخل .. فقالت له فيك شيء !؟ . قاله لا تمام .. وسالته عن مارك وين راح !؟ .. فقالها انه انحاش .. وما ضنتي بيرجع ثانيه ..

المهم وراحوا جلسوا على البار وقعدوا يسولفون شوي مع بعض .. ومع السواليف سالته وش تشتغل اللحين ؟ .. فقالها اشتغل بالبنك ..

طبعا جيرفين كان يتابعه من اول ما شافه بالبار ذيك المره .. وقاعد يطالع فيه وهو مرتفع ضغطه ..

بس ديفيد ما انتبه له وقعد يكمل سواليف مع ملي .. وسالته طيب انت رجعت اللحين وش تخطط له !؟ .. فقالها افكر اسافر سياحه .. يمكن اروح لروما .. فقالت له انت تفكر تروح روما !؟ انت تدري ان حلمي اروح هناك !؟ .. فقالها طيب وش رايك تجين معي .. البنت في البداية ما صدقت شوي قلب وجهها وغدا كنها متقطعه من الوناسه

طبعا راحوا على روما .. واول ما وصلون راحوا للاوتيل اللي بيسكنون فيه .. واحد من اللي يشتغل بالاوتيل جا بياخذ شنطهم علشان يرقيها للغرف لهم " خدمه يعني " .. بس ان ديفيد نقز عليه وسحب منه الشنطه حقته وقاله انا برقيها لا ترقيها لي !! ..

في نفس الوقت اللي كانوا هم فيه بروما .. رولند دخل مركز الشرطة علشان يحقق مع مارك ويعرف كيف وصل للخزنة ! .. المهم قعد يحقق معه ومارك كان خايف وبنفس الوقت قافله معه .. فخر له كل ابو ابو السالفه وعلمه بكل شيء .. ومن الاشياء اللي علمه عنها .. ميلي خويت ديفيد .. فعرف رولند ان ميلي سافرت لروما ومعها ديفيد .. فكلم اللي معه وقالهم انهم في روما اللحين .. علشان يروحون ويمسكونه ..

ورجعت الكاميرا لديفيد وميلي بالاوتيل وهم يسولفون مع بعض .. ومن اهم سواليفهم اللي قالوها .. يوم قالت له ميلي احس فيه شيء انت ما علمتني اياه .. يعني كل هذا ! , هالغرفه ! , الدرجة الاولى !! .. فحاول يصرفها ديفيد ويقولها انه يشتغل بالبنك .. فقالت ديفيد ما تبي تعلمني بكل شيء عادي لا تعلمني .. بس لا تكذب علي .. فقالها منيب اكذب عليك ..

بعدها طلعوا يزورون ساحة المصارعين اللي بروما .. لانه اول الاشياء اللي كانت ميلي تبي تزورها .. طبعا جيرفين كان قاعد يتابعه ويقول محظوظ ما تعرف عن شيء ..

المهم يوم وصل ديفيد وميلي للساحة وجو يبون يدخلون .. قالهم الحارس معليش ما تقدرون تدخلون قفلنا .. قعد يحاول معه ديفيد بس مرررة معيي وما فيه امل يدخلهم .. المهم ديوروا بيرجعون بس ديفيد استخدم القدرة اللي عنده وطمر للجهة الثانية وفتح الباب وقال لميلي تعالي دخلنا .. فقالت له الحارس يقول قفلنا !! .. فقالها ايه هو قال قفلنا بس انا لقيت الباب مفتوح .. تبين تدخلين ولا لا !؟ .. المهم ودخلوا والبنت متشققه من الوناسه .. وقعد يدور بها ويوريها المكان .. لين وصلوا عند باب مقفل حاول يفتحه ما قدر .. فقالها انتي اصبري هنا وانا بروح افتحه لك من الجهة الثانية ..

المهم راح ديفيد يفتح لها الباب من الجهة الثانية .. وهو رايح جاه جيرفين وهو جالس على حجره ويستهبل عليه .. المهم يوم مشى ديفيد وكانه ما اهتم .. قاله جيرفين لوني مكانك ما فتحت هالباب .. خاصة اذا ما كنت ابي خويتي تموت .. بس هذا الا انا بسويه مهوب اللي انت بتسويه ! ..

المهم كن ديفيد ارتفع ضغطه منه وجا لما كنه بيلعن خيره .. فرد عليه جيرفين وين بتطمرني له !؟ .. ويقوم ويطمر هو ثم كمل كلامه تحسب انك الوحيد اللي يقدر يطامر !؟ .. ما تدري عن شيء صح !؟ .. تحسب انك بتجي اجازة لروما وتعيش حياتك كذا ومحد ملاحظك !!! .. بس تراهم لاحظوا ! .. مهوب انا انا ما عليك مني بس اقصد هم .. شوي الا طالعين ثنين من اللي يحاولون يصيدون اللي يناقزون من بعيد .. ويطلعون عصي الكهرب اللي معهم .. ويبدون يطلقون بها عليهم صادوا ديفيد بس جيرفين هبل بهم ولعن خيرهم بعدين ذبحهم ثنيناتهم .. وانقذ ديفيد منهم ..

بعد ما انقذه .. ديفيد ساله منهم هذولي !! .. فقاله هذولي بالدنز .. والبالدنز يقتلون اللي يطامرون وانا اقتل البالدنز ! ..

ما امداهم يكملون كلامهم الا وتطب عليهم وحده من اللي يشتغلون في المتحف وتشوفهم وتشوف الجثث .. وراحت تبلغ البوليس ..

جيرفين اخذ الجثث وطمر بهم لمكانه السري .. ولحقه ديفيد لمكانه .. وساله ديفيد كيف عرفت انك تقدر تطامر !؟ .. ما رد عليه جيرفين وقاله وش تحسب انك قاعد تسوي هنا !! .. ارجع للمكان اللي كنت فيه .. المفروض انك ما تشوف هالاشياء المفروض ما تكون هنا اصلا ارجع !! .. بس ديفيد ما رجع ولا قال شيء .. فقاله جيرفين عني اذا ما تفهم وتبيني ابسطها لك انقلع !!! .. ورح شف خويتك يمكن للحين حية كانهم ما بعد ذبحوها ..

فعلى طول رجع ديفيد لميلي .. ولقاها حيه ما ماتت .. فقالت له وش صار عليك !؟ .. قالها ولا شيء بس لام نطلع من هنا بسرعة .. وهم طالعين كان فيه شرطة عند المخرج وهو كان يحاول يمشي بسرعه يبي ينحاش .. بس الشرطة صادتهم ومسكتهم فقالهم ميلي مهيب معي ولا اعرفها .. وقالها ارجعي للاوتيل .. فمسكوه لحاله وركبوه السيارة واخذوه للسجن .. المهم يوم راح للسجن قعدوا يحققون معه يبون يعرفون وين راحت له الجثث اللي شافوها .. وهو قاعد ينكر اللي صار ..

شوي الا واحد طق عليهم الباب ونادا اللي قاعد يحقق مع ديفيد وقاله ان اللي هم قاعدين يحترونه وصل .. فقال انا جاي اللحين .. وناظر ديفيد وقاله بنمسك جوازك عندنا .. ولا تخاف منتب محتاجه بالمكان اللي انت بتروح له ! ..

اول ما طلع اللي كان يحقق مع ديفيد .. دخلت ام ديفيد عليه الغرفة .. وعطته مفتاح الكلبشة وقالت له معك 30 ثانيه لين يدخلون عليك من هالباب .. لازم تطلع اللحين ! .. واترك البنت لا صارت معك فتراها بتموت .. حاول ديفيد يناديها .. فقالت له باقي 20 ثانيه وطلعت .. حاول يلحقها ديفيد بس انتبهوا له الشرطه فظرب واحد منهم وطمر من مركز الشرطة لـ راس ابو الهول ..

بعدها رجع ثانية لمركز الشرطة وسوا انه نازل من الدرج ومستعجل .. اخذ ميلي وطلعوا وهم يركضون من مركز الشرطة .. وقالها لازم نترك البلدة اللحين .. وطلعوا المطار على اساس انهم بيرجعون لديرتهم .. وهم واقفين بالسره ميلي قالت له .. تذكر يوم اقولك ما يحتاج تقولي كل شيء !؟ .. تراني غيرت رايي ! .. وش اللي دخل شنطتك !؟ .. ففتح لها الشنطه ووراها وش فيها .. ملابس وفلوس .. فقالت له من وين جبت كل هذا !! .. قالها ما ابي اكذب عليك .. فردت عليه وولا تبي تعلمني الصدزز بعد .. ديفيد ما رد عليها وقالها ما اقدر اركب الطياره معك .. هذا ابعد شيء بنروح له مع بعض .. وراح وخلاها ..

في الوقت اللي هم كانوا فيه بالمطار .. واحد من البالدنز كلم رولند وقاله اننا ضيعناه وما قدرنا نمسكه .. فساله رولند كم ارسلت من واحد له !؟ .. فقال ارسلت رجالين .. فرد عليه قلتلك ارسلهم كلهم ! .. فرد عليه ايه بس هي قالت رجالين كافي .. بس ما قووه .. ( اتوقع كان يقصد ام ديفيد بـ هي ) .. شكلك لازم تجي حنا قاعدين نبحث عنه .. فقاله رولند علمني بكل شيء يصير معكم .. وانا ببحث بطريق ثاني ..

رولند راح لابو ديفيد بالبيت .. وقاله انا من الامن القومي .. اقدر اتكلم معك .. فقاله ابو ديفيد كل هذا علشان ايش !؟ .. فرد رولند ولدك ديفيد .. فقاله الابو وراه هو طايح في مشكلة او في شيء !؟ .. فقفلت مع رونلد وقاله بتكون اسهل لو خليتني انا اللي اسال الاسالة .. متى اخر مرة شفت ولدك فيه !؟ .. فقاله ابو ديفيد من 8 سنين .. فتغير وجه رولند .. وقعد يسال عن اصدقاه ومنهم اصدقاه .. فقاله الابو ديفيد ما كان عنده اصدقاء .. فقال رولند طيب ابي اكلم ام ديفيد .. فرد عليه الابو ببرود حتى انا بعد بس ان لقيتها سلم لي عليها .. فشاف رولند صورة ام ديفيد وعرفها .. فقاله متى اخر مرة شفتها !؟ .. فقال الابو انفصلنا يوم كان عمر ديفيد 5 سنين .. ومعد سمعت منها اي شيء من ذاك الحين .. وراح فتح الباب وقال لـ رولند اذا دريت عن شيء بزهم عليك .. فقاله رولند لا منتب زاهم ..

في نفس الوقت اللي كان رولند يكلم فيه ابو ديفيد .. ديفيد رجع للمكان السري حق جيرفين .. فقاله جيرفين للحين انت حي ! .. ما رد ديفيد وساله فيه زياده منهم !؟ .. قاله جيرفين الميات .. انا الاحق عشرة منهم اللحين ! .. بس وش يهمك انت فيه منهم واجد .. فقاله ديفيد طيب والباقين ! .. فرد عليه جيرفين وش بهم الباقين قلتلك انا اصيدهم ..

فقعد يفكر ديفيد ثم ساله منهم هذولي !؟ .. رد عليه جيرفين قلتلك هذولي البالدنز .. فرد عليه ديفيد ايه قلتلي اسمهم بس وش يبون مننا !! .. فرد عليه جيرفين هذي سهله يبونا ميتين ما بعد لقطت هالشيء ! .. يبونا نموت لاننا نقدر نسوي اي شيء نبيه .. وترا البالدنز يقتلون اللي يناقزون من سنين .. من العصور الوسطى .. وتراهم اذكياء ومنظمين وسريعين .. ولا يخلون احد يوقف بطريقهم واللي يوقف بطريقهم يذبحونه .. زي اهلك .. اصدقاك .. خويتك اللي كنت تتمشى معها بروما .. هذولي كلهم يعتبرون ميتين .. المسالة مسألة وقت بس ..

بعد ما سمع ديفيد هالكلام .. رجع لبيتهم ودخل دخل .. بس انه لقى ابوه طايح على الارض .. فطلب احد يساعده وطمر في للمستشفى وطلب منهم انهم يساعدونه ..

وطلع من المستشفى للسجن على طول اللي كان مارك محبوس فيه .. وساله وش قلت لهم وش انت معلمهم !؟ .. مارك خاف وقعد يقوله خلك بعيد لا تقرب مني .. بس ديفيد مسكة بقوة ولزه على الجدار وساله اللي استجوبك كان اسمه رولند !؟ .. جاوب على السؤال بس ! .. ولا ترا برميج من جبل ايفرست .. علمني وش قلت له .. فقاله مارك اني علمته بكل شيء .. كل شيء اعرفه عنك .. قفلت مع ديفيد ورجمه على الجدار وراح وخلاه ..

ورجع للمكان السري حق جيرفين .. اول ما وصل كجيرفين رجع وهو يطشر ماء ! .. فقاله ديفيد وين راحوا له البالدنز !؟ .. فرد عليه راحوا يسبحون .. فقاله ديفيد المحيط الهادي !؟ .. فرد لا المحيط الاطلنطي اسماك القرش هناك حبيبه ..

المهم ديفيد اخذ كم ورقه من المكتب حق جيرفين وجا بيروح فقاله جيرفين وش قاعد تسوي !! .. فرد لازم القى رولند .. فقام مسكه جيرفين ورماه على الارض وقاله لا ما يحتاج تدوره .. فقال ديفيد ما معي الا 8 ساعات لين توصل الطيارة يعني بعد 8 ساعات البنت بتوصل للمطار .. المهم صار بينهم هواش شوي .. ثم قاله ديفيد اسمع شف لو اشتغلنا انا واياك سوا فريق يعني نقدر نغلبهم .. فعيى جيرفين وقال معليش بس انا ما اعرف العب زين .. بس ان ديفيد نشب لام امه وما خلاه يروح لين وافق انهم يصيرون فريق ويشتغلون سوا ..

بعد ما وافق جيرفين انهم يصيرون سوا زرف سيارة من معرض وركب معه ديفيد وقعدوا يتمشون بها .. وهم يتمشون كانوا قاعدين يسولفون .. وساله ديفيد من متى وانت تسوي هالشيء !؟ .. فرد عليه جيرفين من يوم ان عمري 5 سنين .. فقعد ديفيد يحاول يسولف عن اهله ويقوله ان امه تركته وعمره 5 سنين .. بس ان جيرفين قاطعه وقاله انا سالتك عن عائلتك !!! ..

بعد ما وصلوا للمطار جيرفين لقى ان الطيارة وصلت من زمان .. وديفيد اصلا ما شيك على الوقت .. فقال ديفيد شف لازم نلقاها .. فرد عليه جيرفين انت رح دورها انا بروح لمكاني السري .. اذا لقيتها علمني .. وراح ديفيد يدورها بالشقه حقتها ولقاها هناك .. بس ان ميلي كانت قافله معها منه لانه تركها بالمطار وقالت له اتوقع لازم تطلع من هنا .. بس ديفيد ما كان يقدر يخليها .. لان رولند واللي معه وصلوا للشقه .. فقعد يحاول يعلمها وما عرف .. بالاخير علمها انه يقدر يطمر واخذها وطمر بها لمكان جيرفين السري .. وهي قافله معها فقالها بشرح لك كل شيء بشرح كل شيء لك بعدين ..

المهم ان رولند دخل الشقه وعرف انهم كانوا هنا .. فركبوا الاله اللي عندهم اللي تخليهم يلحقون اللي يطامرون لاي مكان .. ولحقوهم للمكان السري ..

بهالوقت جيرفين قفلت معه وقال لديفيد انت ما تدري انه عندهم آله يقدرون يلحقونك بها وين ما تروح له !!!!!

المهم وصل رولند واخوياه للمكان السري .. وديفيد وجيرفين كانوا متوزين .. بس ان ديفيد شاف صورة امه .. وقال امي !! .. شوي صادوه واطلقوا عليه سلك الكهرب .. وثبتوا والديه بالسقف .. وجا رولند طلع السكين بيذبحه وهو يقوله شكرا انك دليتني على خويك .. شوي الا يجي جيرفين ومعه مسدس نار ويطلق عليهم ويحرقهم بس ان رولند قدر ينحاش منه .. وقعد يتطاق جيرفين ورولند .. وميلي راحت تساعد ديفيد .. بس رولند جاهم يوم جا بيذبحها الا جيرفين متدخل ولاعن خير رولند ومرجعه لشقة ميلي .. وزرف الجهاز اللي يتنقلون منه علشان ما يقدرون يلحقونهم ..

بس اللي ما كان يعرفه جيرفين انهم يقدرون يطلقون عصيهم ويمسكونهم من خلال نقزاتهم .. فاطلقوا العصى ومسكوا ميليل .. وربطوها بالجدار .. وقال رولند اللحين ما يحتاج نروح لهم هم بيجونا ..

المهم راح جيرفين طلع قنبله بيفجر عليهم المكان ويذبحهم كلهم .. بس ان ديفيد قال لا ميليل هناك .. وعياه يفجر المكان .. وتهاوشوا وانقلب هواشهم مطاق .. ديفيد يبي يروح ينقذ ميلي .. وجيرفين يبي يفجر المكان ويذبحهم كلهم .. لان لو ديفيد راح هناك مهوب مرجع ميلي وبنفس الوقت بيموت .. بس وهم يتطاقون ديفيد غلب جيرفين ورماه على عمود كهرب فمعد قدر يتحرك جيرفن ..

ورجع ديفيد للشقه بينقذ ميلي .. بس انه اول ما وصل مسكوه وثبتو ام امه .. وقعد يحاول يتحرك .. ورولند يقوله ما تقدر تتحرك انت ما تختلف عن الباقين .. بس ان ديفيد قدر يتحرك ونقل الشقه كل ابوها باللي فيها للبحر .. وبعدين اخذ ميلي وانتقل بها للمكتبه .. وانتقل معه رولند .. بس يوم ان ديفيد شاف ان رولند مصمم انه يذبحه اخذه وطمر به لكهف في جبل ماله مخرج .. وقاله انا قلتلك اني اختلف كنت اقدر ارميك بالبحر عند اسماك القرش .. وام طمر رجع لميلي .. حاول يلحقه رولند بس حس انه انحبس معد له مخرج

في نهاية الفلم راح ديفيد يزور امه .. اول ما طق عليها الباب فتحت له بنت .. قالها ابي ماري .. فقالت يميمه تعالي .. فقعد يطالع ديفيد بالبنت لانه عرف انها اخته ..

وسال امه اجل صدزز انتي وحده منهم !؟ .. فقالت ايه .. اول طمره لك كان عمرك 5 سنين .. وما كان عندي الا حلين يا اقتلك يا اتركك .. فرد عليها وتركتيني ! .. قالت علشان احميك .. قالها كان عمري 5 سنين !!!! .. فقالت انا سويت اللي كان لازم اني اسويه وما عمري وقفت تفكير فيك ..

فقالها ديفيد انا من اللي يطامرون .. وانتي بالدنز .. وش بيصير اللحين !؟ .. فقالت له بعطيك بدايه جديدة لاني احبك .. بعدها طلع من البيت وكانت ميلي تحتريه .. وكان الجو ثلج .. فقالت له انا بردانه وش رايك تاخذني لمكان دافي .. فقالها وين تبين تروحين !؟ .. قالت فاجأني .. وانتهى الفلم

:: رابط التحميل ::

تورنت
JUMPER [2008]LAB,DVDRIP XVID [Eng] : Movies > Sci-Fi - Mininova

مباشر

JUMPER.[2008]LAB,DVDRIP.XVID.[Eng]-DUQA-www.srq3h.net.part1
JUMPER.[2008]LAB,DVDRIP.XVID.[Eng]-DUQA-www.srq3h.net.part2
JUMPER.[2008]LAB,DVDRIP.XVID.[Eng]-DUQA-www.srq3h.net.part3
JUMPER.[2008]LAB,DVDRIP.XVID.[Eng]-DUQA-www.srq3h.net.part4
JUMPER.[2008]LAB,DVDRIP.XVID.[Eng]-DUQA-www.srq3h.net.part5
JUMPER.[2008]LAB,DVDRIP.XVID.[Eng]-DUQA-www.srq3h.net.part6
JUMPER.[2008]LAB,DVDRIP.XVID.[Eng]-DUQA-www.srq3h.net.part7
JUMPER.[2008]LAB,DVDRIP.XVID.[Eng]-DUQA-www.srq3h.net.part8

باسورد فك الضغط :

كود PHP:


			
www.srq3h.net/vb

:: الترجمة ::

4shared.com - online file sharing and storage - download JUMPER.[2008]LAB,DVDRIP.XVID.[Eng]-DUQA-www.srq3h.net.srt

وخلصنا

.. اعذروني على القصور بس الوقت ما كان يساعد ابد

..
وكانت عندي ضروف الايام اللي راحت ما قدرت اتفرغ للموضوع

المنقهره · 08-04-2008, 01:15 AM

مسكين راح عليه الوقت
لو تفوزك بنده بشتكي عليها انا <<--- ياحبتس للشر يالبثره
بس مالك داعي ماتنسق مثل تنسيقي الاليم يعني يصير كله موف وفيه شي أصفر وكيذا مره اشياء تخقق
صراحه يابرينجلز وجيه ممثلينك مايساعد انك تناظر الفيلم كل واحد يقول أبعد أنا أشين منك !

برينجلز راحت عليك يابطل

A S 6 O R H · 08-04-2008, 01:25 AM

^
^^
راحت عليتس انتي .. الموضوع من ضمن الفعاليه حتى لو هي الساعه 1 ان شاء الله .
الموضوع مقفل .. تحت الصيانه عنادن فيتس يـ المنقهره .

بنــــدهـ · 08-04-2008, 03:24 AM

ياااهلاااا ببنقوو

اقتباس:


	وكانت عندي ضروف الايام اللي راحت ما قدرت اتفرغ للموضوع

ماقصرت والله

كفيت ووفيت

مثبت * ولي باك

موافق عليها · 08-04-2008, 03:29 AM

جنبر هذا اللي يدخلون بالجدار وكيييذا يلعن بليسه ها الفلم قسم بالله انه ابن كلب كنت اشوف دعاياته ويوم اني نزلت تقريري قعدت افكر قلت ليه ما نزلت تقرير بها الفلم يوووه احس انه بطل يعني فكرته لحسه اتوقع والله انك بطل يابرنقلز بس ماشاء الله عليك صارين تحط ابتسامات وهذي نقطه تحسب لك <<اقول على تبن رح ولك الله يا برنقلز ياليت احد يقدر يحمل الفلم لاني والله والله متحمس ابي اشوفه بس النت عندي بطئ رايحن فيها

لو مايجيك من الفلم الا ذا <<< يارب هذا اللي اسمه صاوميل جاكسون

ستاربكس · 08-04-2008, 04:17 AM

برنقلز ..

تقريرن خطييييييير ومتعوبن عليه ..
أحس أنه شاااامل من جميع النواحي , وأحسن الأحسنين .. , ولاهانوا البقية ..

بس من جد من جد , متعوب عليه ..

لدرجة إني ودي أقرا , بس عارفتن روحي , إذا قريت وعرفت السالفة , ما شفت الفلم ..
فـ متحمسة للفلم أكثر , ولي باك بعد مااشوف الموفي ..

تسلم يمينك ..

08-04-2008, 01:11 AM	#1
pringles بدا يخنبق الملف الشخصي الحالة	تقرير : Jumper {تابع المسابقة} JUMPER Anywhere Is Possible ::سنة الانتاج :: الفلم من انتاج سنة 2008 واول عرض افتتاحي للفلم كان روما ايطاليا .. بتاريخ 6\2\2008 بعدها سوو عرض افتتاحي ثاني في نيويورك امريكا بتاريخ 11\2\2008 واول عرض رسمي للفلم كان في الفلبين ! .. بتاريخ 13\2\2008 الله ينعن هالشغالات اثاريهن يشوفن الافلام قبلنا حنا والامريكان خخخخخ وانعرض في امريكا وبريطانيا بتاريخ 14\2\2008 :: الفلم من اخراج :: Doug Liman :: كتاب المسلسل :: المسلسل ماخوذ من روابة لـ Steven Gould وكتب قصة الفلم .. David S. Goyer Jim Uhls Simon Kinberg :: نوع المسلسل :: اكشن .. مغامرات .. خيال علمي .. اثارة :: مدة الفلم :: 88 دقيقه .. يعني حول الساعه ونص :: لغة الفلم :: انقليزية امريكية .. :: مكان تصوير الفلم :: الفلم خلاهم يتنقلون من مكان لمكان علشان يصورونه .. ومن الدول اللي تنقلوا لها علشان يصورون هالفلم .. امريكا التشيك كندا مصر فرانسا ايطاليا المكسيك اليابان :: الموقع الرسمي للفلم :: Jumper :: اشياء ما تدرون عنها :: المخرج طلب من Evan Rachel Wood انها تلعب دور ميلي بالفلم .. بس بعد ما رفضت وقالت منيب ممثلها معكم .. الدور راح لـ Rachel Bilson .. اللي لعبت بالفلم .. ..... بطولة الفلم كان بيلعبها Tom Sturridge بدور ديفيد .. و Teresa Palmer .. بدور ميلي .. بس بعد شهرين من التصوير .. سحبوا عليهم وعدوا البطوله لـ Hayden Christensen و Rachel Bilson .. اللي مثلوا بالفلم ... ..... ايمينيم مغني الراب المشهور صرح في واحد من تصريحاته انه رفض يلعب بطولة الفلم يوم انعرضت عليه .. بس في تصريح لـ Doug Liman مخرج الفلم .. على قناة MTV قال انه كنسل فكرة انه يخلي ايمنيم يلعب دور البطولة اول ما قابل Hayden Christensen ...... يوم جو يصورون الفلم في المتحف بروما ( ذيك الساحة حقت المصارعين مدري وش اسمها ) .. كان مسموح لهم يصورون لمدة 3 ايام بس بشرط .. انهم ما يحطون اي اجهزه على الارض .. وما كان مسموح لهم يستخدمون اي اضائات اضافيه غير نور الشمس .. والطلق كان مسموح لهم بس بين 6:30 الى 8:30 الصباح .. و 3:30 الى 5:30 المساء .. علشان ما يزعجون السياح اللي جايين .. ...... احداث الفلم كانت في آن اربور - ميشيغان .. والمدرسة اللي تم التصوير فيها هي Huron High School .. وكان مسموح للطلاب والناس اللي هناك انهم يطلعون بالفلم كـ تكملة عدد داخل وحولين المدرسة .. بالعربي تراهم ما دفعوا عليهم ولا قرش .. قالوا المكان مفتوح اللي يبي يطلع بالفلم يجي ...... رونالد كوسز Roland Cox's .. اسمه بالرواية الحقيقيه كان براين كوسز Brian Cox .. بس سبب تغير الاسم انه فيه ممثل صدزز اسمه براين كوسز .. فالظاهر هذا اللي خلاهم يغيرون اسمه لـ رونالد :: بعض الاخطاء بالفلم :: في المشهد اللي كان ديفيد ينتظر ميلي بالمطار كان فيه ثلاث شقوق على فنيلته .. بالمشهد اللي بعده يوم دخل الشقه حقتها هالشقوق اختفت !! ..... احادث الفلم المفروض انها تكون في آن اربور - ميشيغن .. بس في مشهدين ابو ديفيد كان يناظر قناة NY1 .. اللي هي قناة نيويورك الارضيه .. ( مثل قنوات غصب يعني ) ..... لما ديفيد كان واقف في ساعة بيق بين في لندن .. كانت الساعه 8:30 بس صوت دقة الساعه كان كانه لما يكمل ساعه كاملة مهوب لما يكمل نص ساعه .. ...... لما ديفيد استاجر غرفة بالاوتيل كان رقم الغرفه 256 .. بس لما جا راعي الاوتيل يدق عليه علشان ياخذ الاجار كان رقم الغرفه 205 ..... لما جيرفين كان قاعد يتضارب مع ديفيد علشان المفجر .. ديفيد حطه في ساحة للحرب .. بس مهوب هنا المهم .. جيرفين يوم كان بالجيب كان فيه واحد جنبه .. بس لما كسر الباب يبي يطلع ما كان فيه احد جنبه !! .. ...... لما جيرفين زرف المرسدس من صالة العرض بالمعرض .. كان الدرقسون على اليسار .. واليابان من الدول اللي درقسوناتهم على اليمين زي بريطانيا واستراليا .. ومستحيل اننا نلقى واحد من المعارض يحط سيارة مهيب بالمواصفات العادية في صالة العرض !! :: الابطال :: ديفيد بطل الفلم .. وهو اللي يروي لنا قصة الفلم ووش صار معه .. وكيف اكتشف القدرة اللي عنده .. ووشي المشاكل اللي صارت له .. بالعربي الفلم كله يتكلم عن حياة ديفيد .. هذا ديفيد وهو صغير .. بداية الفلم بيتكلم عن حياته وهو صغير وكذا .. جيرفين واحد من اللي عندهم القدرة انهم يقامزون .. مثله مثل ديفيد .. بس انه يعرف اشياء اكثر من ديفيد .. وهو اللي كان يصيد البالدنز ويذبحهم .. بيساعد ديفيد كثير .. مع ان ديفيد نكبة اكثر من مرة رولند واحد من البالدنز .. واوسخهم .. يلاحق اللي يطامرون ويذبحهم بيلاحق ديفيد وبيلعن خيره .. بس حظ ديفيد ان وراه جيرفين ولا تسان اكل تبن خخخ ميلي خويت ديفيد اللي فاك معها من يومه صغير .. ميلي وهي صغيرة .. ابو ديفيد .. كومبرجي بالفلم اسحبوا عليه ام ديفيد .. وحده من البالدنز .. بس انها من البالدنز الحبيبين بتساعد ديفيد اكثرمن مرة .. دورها ما كان مهم يعني تكملة عدد بس مثل ابوه :: القصة :: بداية الفلم بيكون ديفيد فوق ابو الهول بمصر ووراه الاهرامات .. ويقعد يكلمنا عن نفسه ووش يسوي كل يوم .. ووين يروح ووين يجي .. وانه ياخذ صور لكل مكان يزوره وزي كذا .. طبعا كلامه بيكون عن الوقت الحالي .. بعدها بيقوم يقص علينا قصته من يوم ما كان صغير .. وكيف اكتشف انه يقدر ينط من مكان لمكان ثاني .. طبعا اول كان انسان طبيعي مثلك انت واياها .. وكان خاق مع بنت معه بالمدرسه اسمها ميلي .. فف نهاية الدوام راح ناداها وهي واقفه مع صديقاتها وجا بيهديها هديه .. كورة من قزاز وفيها خرابيط تدور داخل .. البنت يوم شافت الهديه اعجبتها بقوووة .. وقالت له انها اعجبتها .. بس وقتها جاهم البثر مارك .. ويقوم وياخذها ويقوم يذب عليه قدام الطلاب .. ويوم قالت له رجعها يا مارك .. قام وجدعها بعيد في النهر اللي كان متجمد من الثلج .. وقال لديفيد معليش شكلي ما اعرف قوتي الصدقيه .. خوينا ديفيد يوم ان مارك جدع اللعبة قفلت معه .. ويروح يحاول يجيبها .. وميلي تقوله ارجع ما يحتاج تجيبها .. المهم يوم وصل للعبة وشالها قالهم شفتوا ما فيه شيء .. فقالت له طيب ارجع بسرعه .. وهو راجع انكسر الثلج وغرق بالمويه .. وقعدت ميلي تزاعق تبي احد يساعده .. بس فجأة انتقل ديفيد من الموية للمكتبة !! وقام يكح كح ويطلع المويه اللي بلعها .. والعالم تناظر فيه ما تدري من وين جا !! عاد هو قام وهو مستغرب قبل شوي كان قاعد يغرق وفجأة صار بالمكتبة !! فطلع من المكتبة وراح للبيت .. وقبل لا يدخل البيت قعد يعمنا عن اهله .. وقالنا ان امه تركته وهو عمره 5 سنين .. وابوه كان دمار يعني تعامله معه بايخ .. اول ما دخل البيت لقى ابوه بالصاله وقاله ابوه تراك تاخرت العشى برد .. وين كنت فيه !؟ .. فديفد ما رد عليه ومشى لغرفته فقام ابوه وهو مرتفع ضغطه وقاله لما اسالك سؤال المفروض انك تجاوب علي .. شوي شافه رابص بالماء وقاله وش صاير لك !؟ .. فقاله ابد طلاب بالمدرسة بس ورقى لغرفته بسرعه .. فقاله ابوه ديفيد انزل تحت ونظف الحوسه اللي انت سويتها .. بس ديفيد سحب عليه وقفل باب الغرفه .. فطلع له ابوه وهو متنرفز ويقوله اخترت الخيار الغلط .. وجا فتح عليه الباب بقوة .. اول ما فتح الباب ديفيد اختفى من الغرفة ! .. فقفل ابوه الباب بسرعه وهو خايف وراح كلم الشرطة وقعد يشرح لهم اللي صار !! .. في الوقت اللي ابوه كان قاعد يكلم فيه الشرطة .. ديفيد رجع للبيت وشافه قاعد يكلمهم .. فاخذ فلوسة اللي كان مجمعهم وبعض الملابس وصورة امه .. وقال اذا هي قدرت تروح .. انا اقدر اروح بعد ! بعد ما اخذ اغراضه راح لم بيت ميلي .. اللي كانت قاعده تصيح تحسبه مات بسبتها .. وقعد يرمي حجر على شبكها اول ما طلت ما لقت احد .. فنزلت تشوف من اللي كان يرمي الحجر ولقت ديفيد حاط لها اللعبة اللي غرق علشانها على المرجيحه واختفى ثانيه .. قعدت تناديه بس محد رد عليها .. وقالنا انه كان يبي يعلمها الحقيقه والشيء اللي صار .. بس انه كان خايف انها ما تصدقه .. فقال ما اقولها احسن .. ولا قالها .. وانتقل من المدينه اللي هو فيها لمدينة ثانية .. اول ما وصل للمدينة الثانيه .. راح استأجر له غرفة باوتيل .. وكان براسه مليون سؤال .. كيف هالطمرات تصير ! .. وكيف يتحكم فيها .. وراح جلس على حجره بالحديقه وقعد يحاول يتحكم بها .. بعد ما ضبط التحكم فيها وصار يقدر يتنقل لاي مكان يبيه .. فكر انه يسرق بنك .. فراح دخل على واحد من البنوك وقالهم عندكم حمام للزباين !؟ .. فاخذه الحارس حق البنك ودله للحمامات .. فالطريق وهم نازلن للحمامات ديفيد قام يطلطل حولينه ويشوف البنك .. ومكان الخزنه .. بعد ما عرف مكانها وكل شيء .. رجع لغرفته بالاوتل وجمع اغراض يحتاجها علشان يسرق البنك واخذ معه كيس وانتقل للبنك .. وقام يعبي الكيس ولاحظ ان الكيس اللي معه ما يكفي فلوس البنك كلها .. فرجع غرفته وجاب كيس اكبر .. وقام يتنقل من غرفته للبنك ويسرق القروش .. لين عبى غرفته بالدراهم المهم البنك اكتشفوا السرقه .. وبلغوا الشرطة والمباحث وقفلوا البنك بيعرفون كيف انزرفوا ! .. بس ماش عجزوا يعرفون ما فيه اي ابواب انفتحت ولا اي مكان ممكن احد يدخل معه للخزنه !! فالعلم وصل للخال اللي بالصورة " رولند " .. رولند هذا واحد من اللي يلاحقون الناس اللي تطامر واللي عندهم هالقدرة .. ويحاول يمسكهم ويذبحهم .. يسمونهم بالفلم ( بالدنز ) .. فدخل رولند البنك وقعد مدير البنك يعلمه عن الاشياء اللي صارت وان كل شيء مقفل وان الخزنه عليها ابواب من فلاذ يعني محد يقدر يفتحها .. فطلب منه رولند اشرطة الفيديو حقت الشهر كامل .. واسماء الناس اللي عندهم صناديق بالخزنة كلهم .. بعدها جانا ديفيد بغرفة الاوتيل حقته وهو يشرب بالبيرة وجنبه القروش اللي زرفها .. شوي نقلونا لحياته لما كبر بعد 8 سنين .. من ذيك الفتره .. يعني تقريبا صار عمره 23 وقالنا ان ديفيد الاول خلاص يعتبر مات .. بس هو ما زال حي وساكن في نيو يورك .. وساكن في شقة بططططلة .. ويعتبر ساكن بالعالم كله مهوب بس نيو يورك .. طبعا شقته فيها كل ابو شيء تتخيلونه .. هارلي .. جت سكي .. دباب ثلج .. حتى القروش حقت الكزنو عنده غرفه كاملة منها بعدها طلع من شقته وراح للندن وقف على ساعة البيق بين وقعد يطل على المدينة من فوق .. ويوم انها امطرت نزل ودخل واحد من البارات الموجوده هناك .. وشاف له بنت اعجبته قاعده على البار .. بس انه بدال ما يروح لها ماشي .. طمر لها .. فيوم طمر انتبه له واحد من اللي كانوا جالسين بالبار اسمه " جيرفين " .. جيرفين هذا واحد عنده نفس الميزة ويقدر يطامر مثله مثل ديفيد .. ويمكن احسن لانه من زمان يعرف عن هالميزة .. من بكرا الصباح .. اخذ ملابسه من شقة البنت اللي طلع معها من البار .. وراح لبس او بالاصح زرف ملابس بحر .. واخذ معه زلاجات بحر ( هذيك اللوحة اللي من فلين ويتزلجون بها على الامواج مدري وش اسمها بالعربي بس على ذمة روكيا تقول اسمها ركمجه ) .. وراح يركب الامواج وبعدها انتقل لمصر وقعد يتغدى فوق ابو الهول بنفس الوقت اللي كان قاعد يتغدى فيه .. رولند كان قاعد يلاحق واحد من هاللي يقدرون يطامرون من مكان لمكان .. وطريقة مسك هاللي يطمرون بعصى كهرب لانهم اذا تكهربوا معد يقدرون يطامرون ويفقدون قوتهم .. المهم بعد ما مسكه وذبحه .. جاه اتصال من واحد من اللي يشتغلون معه .. وقاله عندنا خيط عن اللي سرق البنك .. فقاله حلو حلو بجيكم على اقرب طيارة علشان نصيده .. على ما رجع ديفيد للشقته بالليل .. كان رولند سابقة وقاعد يحتريه بشقته .. ويوم شاف ديفيد قاله لا تنحاش 8 سنين كنا ندور عليك .. فساله ديفيد من انت !؟ .. فقاله اسمه .. فرجع ديفيد وساله طيب وش تسوي بشقتي !؟ .. قاله بجيك بالكلام .. وقعد يكلمة عن الاوراق اللي كان يخليها .. فقاله ديفيد ابي اكلم المحامي حقي .. فرد عليه رولند ليش تكلمه محد القى القبض عليك !؟ .. انا منيب من الشرطة .. بس ابي اعرف كيف سرقت البنك !! .. يعني اي احد يقدر يسرق بنك .. بس اللي ابي اعرفه كيف سرقت البنك بدون ما تفتح اي باب !! فسكت ديفيد وقاله شف انت منتب شرطة وانا ما القي القبض علي .. اتوقع ابيك تقلب وجهك من هنا .. وجا بيمشي بيطلع من غرفة لغرفه .. بس انه حاول يفتح الباب وما عرف !! .. فقاله رولند تبي مساعده بفتح الباب !؟ .. من زمااان ما استخدمت باب صح !؟ .. انا اعرف من واعرف وش تقدر تسوي .. فقاله ديفيد الكلام هذا انتهى وحاول يختفي .. بس ان رولند لحق عليه وكهربه .. وقام يتوطى ببطنه تشويت ولعن خير .. وقاله هالكلام ما ينتهي لين تجاوب على اسالتي .. كيف قدرت تختفي كل هالفترة ومن اللي كان يساعدك !؟ .. طبعا ديفيد قعد يحاول ينحاش ويطمر لمكان ثاني بس رولند قاله صعب انك تطمر والكهرب يلعب بمخك .. ويمسكه ثانيه ويشوت فيه .. ويقوله تتوقع انك تقدر تعيش زي كذا بدون ما يصير لك اي شيء !! .. بس ان ديفيد قدر ينحاش ويتوزى ورا جدار وقبل لا يكسر رولند الجدار ويمسكه ثانيه ديفيد قص سلك الكهرب وطمر برا الشقه وانحاش .. ديفيد يوم طمر يبي ينحاش من رولند طمر لغرفته في بيته يومه صغير .. ابوه اول ما سمع الهزه ركض للغرفة وقعد ينادي على ديفيد ويقوله لا تروح لا تروح اسمعني بس .. انا مدري كاني انجنيت ولا لا مدري وش قاعد يصير .. بس اصبر اصبر لا تروح ابي اكلمك وراح يجيب المفتاح علشان يفك القفل .. وهو قاعد يفك القفل قاله ديفيد خلاص تقدر ترجع البيت باي وقت تبي .. بس ان ديفيد ما قاله الا انت منتب مجنون واختفى ثانيه .. فاول ما فتح ابوه الباب ما لقى احد زي ما صار له المره الاولى .. بنفس الوقت اللي كان ديفيد يكلم فيه ابوه .. رولند كلم اللي معه وقالهم ترا الولد انحاش وما مسكته .. بس عندنا الاماكن اللي قد راح لها .. وابي الكل يبدون يلاحقونه .. المهم من بكرا ديفيد راح لبيت ميلي .. خويته ايام المدرسه .. وطق عليهم الباب فتحت له ام ميلي .. وقالها وين ميلي انا ديفيد ! .. هي استغربت وقالت يعني ميلي صادقه انت ما مت ! .. قال ايه ما مات هذاني قدامك .. بس ابي اسالك كان تقدرين تعلميني وين ميلي فيه !؟ .. فقالتله ميلي صارت تسكن بالحالها ودلته على مكان شقتها .. وقالت له انها تشتغل في بار وقالت له مكانه .. فراح خوينا للبار وجلس فيه .. وقعد يطقطق بالبيرة ويقزقز فيها .. يوم انها خلصت بيرته قال خلاص شفتها وقام بيطلع من البار .. بس خوينا البثر ذاك مارك شافه بالبار .. ونشب لام امه انت ديفيد وما عرفتني وزي كذا .. وديفيد ساحب عليه يقوله مدري وش تتكلم عنه منيب ديفيد ولا اعرفك .. المهم ان هالبثر مسكت معه الا تعرفني .. وبوقت ما ديفيد قاعد يصرفه ميلي جت من وراه وقالت له ديفيد !؟ .. فتغير وجه ديفيد وكب العشى فقالت له ميلي .. كنت بتروح من دون ما تقول اي شيء !؟ .. فقالها معليش ما شفتك .. فقالت له ما شفتني ! ..وانت قاعد تطالع فيني طول الـ 45 دقيقه اللي فاتت ! .. فدخل بينهم مارك وخمه قال ايه ديفيد ناوي تروح وما تقول شيء !؟ .. فقاله ديفيد انت سكران انطم .. فقفلت مع مارك وقاله انا منيب سكران انا تمام ! .. وجا يعدل وقفته وكب شوي من اللي بكاسه .. فقالت له ميلي ايه انت تمام مرررة .. بس ورا ما تروح تدور لك فراش وتنام عليه !؟ .. فقالها مارك الا ورا ما تروحين انت وتسوين لي كاس ثاني وقام سوا حركتن مبزوطه وقال كلمتن مبزوطتن مثل الحركة .. فقفلت مع ديفيد ويقوم ويسدد له ذاك البقس اللي يحبه قلبك .. تحسونه ركبه صح على وجهه .. وقاموا يتطاقون بس ان مارك قوا ديفيد فقفلت مع ديفيد ويقوم ويخمه ويطلعه برا ويطمر به لخزنة البنك .. فمارك قمط العافيه وقعد يقوله وش سويت فيني !!! .. فضحك ديفيد وقاله " شكلي ما اعرف قوتي الصدقيه ! " ( يقصد بها كلمة مارك يوم رمى اللعبة وهم صغار ) .. وطمر ثانية من الخزنة ورجع للبار .. اول ما رجع للبار كانت ميلي توها جايه بتدورهم الا وهو داخل .. فقالت له فيك شيء !؟ . قاله لا تمام .. وسالته عن مارك وين راح !؟ .. فقالها انه انحاش .. وما ضنتي بيرجع ثانيه .. المهم وراحوا جلسوا على البار وقعدوا يسولفون شوي مع بعض .. ومع السواليف سالته وش تشتغل اللحين ؟ .. فقالها اشتغل بالبنك .. طبعا جيرفين كان يتابعه من اول ما شافه بالبار ذيك المره .. وقاعد يطالع فيه وهو مرتفع ضغطه .. بس ديفيد ما انتبه له وقعد يكمل سواليف مع ملي .. وسالته طيب انت رجعت اللحين وش تخطط له !؟ .. فقالها افكر اسافر سياحه .. يمكن اروح لروما .. فقالت له انت تفكر تروح روما !؟ انت تدري ان حلمي اروح هناك !؟ .. فقالها طيب وش رايك تجين معي .. البنت في البداية ما صدقت شوي قلب وجهها وغدا كنها متقطعه من الوناسه طبعا راحوا على روما .. واول ما وصلون راحوا للاوتيل اللي بيسكنون فيه .. واحد من اللي يشتغل بالاوتيل جا بياخذ شنطهم علشان يرقيها للغرف لهم " خدمه يعني " .. بس ان ديفيد نقز عليه وسحب منه الشنطه حقته وقاله انا برقيها لا ترقيها لي !! .. في نفس الوقت اللي كانوا هم فيه بروما .. رولند دخل مركز الشرطة علشان يحقق مع مارك ويعرف كيف وصل للخزنة ! .. المهم قعد يحقق معه ومارك كان خايف وبنفس الوقت قافله معه .. فخر له كل ابو ابو السالفه وعلمه بكل شيء .. ومن الاشياء اللي علمه عنها .. ميلي خويت ديفيد .. فعرف رولند ان ميلي سافرت لروما ومعها ديفيد .. فكلم اللي معه وقالهم انهم في روما اللحين .. علشان يروحون ويمسكونه .. ورجعت الكاميرا لديفيد وميلي بالاوتيل وهم يسولفون مع بعض .. ومن اهم سواليفهم اللي قالوها .. يوم قالت له ميلي احس فيه شيء انت ما علمتني اياه .. يعني كل هذا ! , هالغرفه ! , الدرجة الاولى !! .. فحاول يصرفها ديفيد ويقولها انه يشتغل بالبنك .. فقالت ديفيد ما تبي تعلمني بكل شيء عادي لا تعلمني .. بس لا تكذب علي .. فقالها منيب اكذب عليك .. بعدها طلعوا يزورون ساحة المصارعين اللي بروما .. لانه اول الاشياء اللي كانت ميلي تبي تزورها .. طبعا جيرفين كان قاعد يتابعه ويقول محظوظ ما تعرف عن شيء .. المهم يوم وصل ديفيد وميلي للساحة وجو يبون يدخلون .. قالهم الحارس معليش ما تقدرون تدخلون قفلنا .. قعد يحاول معه ديفيد بس مرررة معيي وما فيه امل يدخلهم .. المهم ديوروا بيرجعون بس ديفيد استخدم القدرة اللي عنده وطمر للجهة الثانية وفتح الباب وقال لميلي تعالي دخلنا .. فقالت له الحارس يقول قفلنا !! .. فقالها ايه هو قال قفلنا بس انا لقيت الباب مفتوح .. تبين تدخلين ولا لا !؟ .. المهم ودخلوا والبنت متشققه من الوناسه .. وقعد يدور بها ويوريها المكان .. لين وصلوا عند باب مقفل حاول يفتحه ما قدر .. فقالها انتي اصبري هنا وانا بروح افتحه لك من الجهة الثانية .. المهم راح ديفيد يفتح لها الباب من الجهة الثانية .. وهو رايح جاه جيرفين وهو جالس على حجره ويستهبل عليه .. المهم يوم مشى ديفيد وكانه ما اهتم .. قاله جيرفين لوني مكانك ما فتحت هالباب .. خاصة اذا ما كنت ابي خويتي تموت .. بس هذا الا انا بسويه مهوب اللي انت بتسويه ! .. المهم كن ديفيد ارتفع ضغطه منه وجا لما كنه بيلعن خيره .. فرد عليه جيرفين وين بتطمرني له !؟ .. ويقوم ويطمر هو ثم كمل كلامه تحسب انك الوحيد اللي يقدر يطامر !؟ .. ما تدري عن شيء صح !؟ .. تحسب انك بتجي اجازة لروما وتعيش حياتك كذا ومحد ملاحظك !!! .. بس تراهم لاحظوا ! .. مهوب انا انا ما عليك مني بس اقصد هم .. شوي الا طالعين ثنين من اللي يحاولون يصيدون اللي يناقزون من بعيد .. ويطلعون عصي الكهرب اللي معهم .. ويبدون يطلقون بها عليهم صادوا ديفيد بس جيرفين هبل بهم ولعن خيرهم بعدين ذبحهم ثنيناتهم .. وانقذ ديفيد منهم .. بعد ما انقذه .. ديفيد ساله منهم هذولي !! .. فقاله هذولي بالدنز .. والبالدنز يقتلون اللي يطامرون وانا اقتل البالدنز ! .. ما امداهم يكملون كلامهم الا وتطب عليهم وحده من اللي يشتغلون في المتحف وتشوفهم وتشوف الجثث .. وراحت تبلغ البوليس .. جيرفين اخذ الجثث وطمر بهم لمكانه السري .. ولحقه ديفيد لمكانه .. وساله ديفيد كيف عرفت انك تقدر تطامر !؟ .. ما رد عليه جيرفين وقاله وش تحسب انك قاعد تسوي هنا !! .. ارجع للمكان اللي كنت فيه .. المفروض انك ما تشوف هالاشياء المفروض ما تكون هنا اصلا ارجع !! .. بس ديفيد ما رجع ولا قال شيء .. فقاله جيرفين عني اذا ما تفهم وتبيني ابسطها لك انقلع !!! .. ورح شف خويتك يمكن للحين حية كانهم ما بعد ذبحوها .. فعلى طول رجع ديفيد لميلي .. ولقاها حيه ما ماتت .. فقالت له وش صار عليك !؟ .. قالها ولا شيء بس لام نطلع من هنا بسرعة .. وهم طالعين كان فيه شرطة عند المخرج وهو كان يحاول يمشي بسرعه يبي ينحاش .. بس الشرطة صادتهم ومسكتهم فقالهم ميلي مهيب معي ولا اعرفها .. وقالها ارجعي للاوتيل .. فمسكوه لحاله وركبوه السيارة واخذوه للسجن .. المهم يوم راح للسجن قعدوا يحققون معه يبون يعرفون وين راحت له الجثث اللي شافوها .. وهو قاعد ينكر اللي صار .. شوي الا واحد طق عليهم الباب ونادا اللي قاعد يحقق مع ديفيد وقاله ان اللي هم قاعدين يحترونه وصل .. فقال انا جاي اللحين .. وناظر ديفيد وقاله بنمسك جوازك عندنا .. ولا تخاف منتب محتاجه بالمكان اللي انت بتروح له ! .. اول ما طلع اللي كان يحقق مع ديفيد .. دخلت ام ديفيد عليه الغرفة .. وعطته مفتاح الكلبشة وقالت له معك 30 ثانيه لين يدخلون عليك من هالباب .. لازم تطلع اللحين ! .. واترك البنت لا صارت معك فتراها بتموت .. حاول ديفيد يناديها .. فقالت له باقي 20 ثانيه وطلعت .. حاول يلحقها ديفيد بس انتبهوا له الشرطه فظرب واحد منهم وطمر من مركز الشرطة لـ راس ابو الهول .. بعدها رجع ثانية لمركز الشرطة وسوا انه نازل من الدرج ومستعجل .. اخذ ميلي وطلعوا وهم يركضون من مركز الشرطة .. وقالها لازم نترك البلدة اللحين .. وطلعوا المطار على اساس انهم بيرجعون لديرتهم .. وهم واقفين بالسره ميلي قالت له .. تذكر يوم اقولك ما يحتاج تقولي كل شيء !؟ .. تراني غيرت رايي ! .. وش اللي دخل شنطتك !؟ .. ففتح لها الشنطه ووراها وش فيها .. ملابس وفلوس .. فقالت له من وين جبت كل هذا !! .. قالها ما ابي اكذب عليك .. فردت عليه وولا تبي تعلمني الصدزز بعد .. ديفيد ما رد عليها وقالها ما اقدر اركب الطياره معك .. هذا ابعد شيء بنروح له مع بعض .. وراح وخلاها .. في الوقت اللي هم كانوا فيه بالمطار .. واحد من البالدنز كلم رولند وقاله اننا ضيعناه وما قدرنا نمسكه .. فساله رولند كم ارسلت من واحد له !؟ .. فقال ارسلت رجالين .. فرد عليه قلتلك ارسلهم كلهم ! .. فرد عليه ايه بس هي قالت رجالين كافي .. بس ما قووه .. ( اتوقع كان يقصد ام ديفيد بـ هي ) .. شكلك لازم تجي حنا قاعدين نبحث عنه .. فقاله رولند علمني بكل شيء يصير معكم .. وانا ببحث بطريق ثاني .. رولند راح لابو ديفيد بالبيت .. وقاله انا من الامن القومي .. اقدر اتكلم معك .. فقاله ابو ديفيد كل هذا علشان ايش !؟ .. فرد رولند ولدك ديفيد .. فقاله الابو وراه هو طايح في مشكلة او في شيء !؟ .. فقفلت مع رونلد وقاله بتكون اسهل لو خليتني انا اللي اسال الاسالة .. متى اخر مرة شفت ولدك فيه !؟ .. فقاله ابو ديفيد من 8 سنين .. فتغير وجه رولند .. وقعد يسال عن اصدقاه ومنهم اصدقاه .. فقاله الابو ديفيد ما كان عنده اصدقاء .. فقال رولند طيب ابي اكلم ام ديفيد .. فرد عليه الابو ببرود حتى انا بعد بس ان لقيتها سلم لي عليها .. فشاف رولند صورة ام ديفيد وعرفها .. فقاله متى اخر مرة شفتها !؟ .. فقال الابو انفصلنا يوم كان عمر ديفيد 5 سنين .. ومعد سمعت منها اي شيء من ذاك الحين .. وراح فتح الباب وقال لـ رولند اذا دريت عن شيء بزهم عليك .. فقاله رولند لا منتب زاهم .. في نفس الوقت اللي كان رولند يكلم فيه ابو ديفيد .. ديفيد رجع للمكان السري حق جيرفين .. فقاله جيرفين للحين انت حي ! .. ما رد ديفيد وساله فيه زياده منهم !؟ .. قاله جيرفين الميات .. انا الاحق عشرة منهم اللحين ! .. بس وش يهمك انت فيه منهم واجد .. فقاله ديفيد طيب والباقين ! .. فرد عليه جيرفين وش بهم الباقين قلتلك انا اصيدهم .. فقعد يفكر ديفيد ثم ساله منهم هذولي !؟ .. رد عليه جيرفين قلتلك هذولي البالدنز .. فرد عليه ديفيد ايه قلتلي اسمهم بس وش يبون مننا !! .. فرد عليه جيرفين هذي سهله يبونا ميتين ما بعد لقطت هالشيء ! .. يبونا نموت لاننا نقدر نسوي اي شيء نبيه .. وترا البالدنز يقتلون اللي يناقزون من سنين .. من العصور الوسطى .. وتراهم اذكياء ومنظمين وسريعين .. ولا يخلون احد يوقف بطريقهم واللي يوقف بطريقهم يذبحونه .. زي اهلك .. اصدقاك .. خويتك اللي كنت تتمشى معها بروما .. هذولي كلهم يعتبرون ميتين .. المسالة مسألة وقت بس .. بعد ما سمع ديفيد هالكلام .. رجع لبيتهم ودخل دخل .. بس انه لقى ابوه طايح على الارض .. فطلب احد يساعده وطمر في للمستشفى وطلب منهم انهم يساعدونه .. وطلع من المستشفى للسجن على طول اللي كان مارك محبوس فيه .. وساله وش قلت لهم وش انت معلمهم !؟ .. مارك خاف وقعد يقوله خلك بعيد لا تقرب مني .. بس ديفيد مسكة بقوة ولزه على الجدار وساله اللي استجوبك كان اسمه رولند !؟ .. جاوب على السؤال بس ! .. ولا ترا برميج من جبل ايفرست .. علمني وش قلت له .. فقاله مارك اني علمته بكل شيء .. كل شيء اعرفه عنك .. قفلت مع ديفيد ورجمه على الجدار وراح وخلاه .. ورجع للمكان السري حق جيرفين .. اول ما وصل كجيرفين رجع وهو يطشر ماء ! .. فقاله ديفيد وين راحوا له البالدنز !؟ .. فرد عليه راحوا يسبحون .. فقاله ديفيد المحيط الهادي !؟ .. فرد لا المحيط الاطلنطي اسماك القرش هناك حبيبه .. المهم ديفيد اخذ كم ورقه من المكتب حق جيرفين وجا بيروح فقاله جيرفين وش قاعد تسوي !! .. فرد لازم القى رولند .. فقام مسكه جيرفين ورماه على الارض وقاله لا ما يحتاج تدوره .. فقال ديفيد ما معي الا 8 ساعات لين توصل الطيارة يعني بعد 8 ساعات البنت بتوصل للمطار .. المهم صار بينهم هواش شوي .. ثم قاله ديفيد اسمع شف لو اشتغلنا انا واياك سوا فريق يعني نقدر نغلبهم .. فعيى جيرفين وقال معليش بس انا ما اعرف العب زين .. بس ان ديفيد نشب لام امه وما خلاه يروح لين وافق انهم يصيرون فريق ويشتغلون سوا .. بعد ما وافق جيرفين انهم يصيرون سوا زرف سيارة من معرض وركب معه ديفيد وقعدوا يتمشون بها .. وهم يتمشون كانوا قاعدين يسولفون .. وساله ديفيد من متى وانت تسوي هالشيء !؟ .. فرد عليه جيرفين من يوم ان عمري 5 سنين .. فقعد ديفيد يحاول يسولف عن اهله ويقوله ان امه تركته وعمره 5 سنين .. بس ان جيرفين قاطعه وقاله انا سالتك عن عائلتك !!! .. بعد ما وصلوا للمطار جيرفين لقى ان الطيارة وصلت من زمان .. وديفيد اصلا ما شيك على الوقت .. فقال ديفيد شف لازم نلقاها .. فرد عليه جيرفين انت رح دورها انا بروح لمكاني السري .. اذا لقيتها علمني .. وراح ديفيد يدورها بالشقه حقتها ولقاها هناك .. بس ان ميلي كانت قافله معها منه لانه تركها بالمطار وقالت له اتوقع لازم تطلع من هنا .. بس ديفيد ما كان يقدر يخليها .. لان رولند واللي معه وصلوا للشقه .. فقعد يحاول يعلمها وما عرف .. بالاخير علمها انه يقدر يطمر واخذها وطمر بها لمكان جيرفين السري .. وهي قافله معها فقالها بشرح لك كل شيء بشرح كل شيء لك بعدين .. المهم ان رولند دخل الشقه وعرف انهم كانوا هنا .. فركبوا الاله اللي عندهم اللي تخليهم يلحقون اللي يطامرون لاي مكان .. ولحقوهم للمكان السري .. بهالوقت جيرفين قفلت معه وقال لديفيد انت ما تدري انه عندهم آله يقدرون يلحقونك بها وين ما تروح له !!!!! المهم وصل رولند واخوياه للمكان السري .. وديفيد وجيرفين كانوا متوزين .. بس ان ديفيد شاف صورة امه .. وقال امي !! .. شوي صادوه واطلقوا عليه سلك الكهرب .. وثبتوا والديه بالسقف .. وجا رولند طلع السكين بيذبحه وهو يقوله شكرا انك دليتني على خويك .. شوي الا يجي جيرفين ومعه مسدس نار ويطلق عليهم ويحرقهم بس ان رولند قدر ينحاش منه .. وقعد يتطاق جيرفين ورولند .. وميلي راحت تساعد ديفيد .. بس رولند جاهم يوم جا بيذبحها الا جيرفين متدخل ولاعن خير رولند ومرجعه لشقة ميلي .. وزرف الجهاز اللي يتنقلون منه علشان ما يقدرون يلحقونهم .. بس اللي ما كان يعرفه جيرفين انهم يقدرون يطلقون عصيهم ويمسكونهم من خلال نقزاتهم .. فاطلقوا العصى ومسكوا ميليل .. وربطوها بالجدار .. وقال رولند اللحين ما يحتاج نروح لهم هم بيجونا .. المهم راح جيرفين طلع قنبله بيفجر عليهم المكان ويذبحهم كلهم .. بس ان ديفيد قال لا ميليل هناك .. وعياه يفجر المكان .. وتهاوشوا وانقلب هواشهم مطاق .. ديفيد يبي يروح ينقذ ميلي .. وجيرفين يبي يفجر المكان ويذبحهم كلهم .. لان لو ديفيد راح هناك مهوب مرجع ميلي وبنفس الوقت بيموت .. بس وهم يتطاقون ديفيد غلب جيرفين ورماه على عمود كهرب فمعد قدر يتحرك جيرفن .. ورجع ديفيد للشقه بينقذ ميلي .. بس انه اول ما وصل مسكوه وثبتو ام امه .. وقعد يحاول يتحرك .. ورولند يقوله ما تقدر تتحرك انت ما تختلف عن الباقين .. بس ان ديفيد قدر يتحرك ونقل الشقه كل ابوها باللي فيها للبحر .. وبعدين اخذ ميلي وانتقل بها للمكتبه .. وانتقل معه رولند .. بس يوم ان ديفيد شاف ان رولند مصمم انه يذبحه اخذه وطمر به لكهف في جبل ماله مخرج .. وقاله انا قلتلك اني اختلف كنت اقدر ارميك بالبحر عند اسماك القرش .. وام طمر رجع لميلي .. حاول يلحقه رولند بس حس انه انحبس معد له مخرج في نهاية الفلم راح ديفيد يزور امه .. اول ما طق عليها الباب فتحت له بنت .. قالها ابي ماري .. فقالت يميمه تعالي .. فقعد يطالع ديفيد بالبنت لانه عرف انها اخته .. وسال امه اجل صدزز انتي وحده منهم !؟ .. فقالت ايه .. اول طمره لك كان عمرك 5 سنين .. وما كان عندي الا حلين يا اقتلك يا اتركك .. فرد عليها وتركتيني ! .. قالت علشان احميك .. قالها كان عمري 5 سنين !!!! .. فقالت انا سويت اللي كان لازم اني اسويه وما عمري وقفت تفكير فيك .. فقالها ديفيد انا من اللي يطامرون .. وانتي بالدنز .. وش بيصير اللحين !؟ .. فقالت له بعطيك بدايه جديدة لاني احبك .. بعدها طلع من البيت وكانت ميلي تحتريه .. وكان الجو ثلج .. فقالت له انا بردانه وش رايك تاخذني لمكان دافي .. فقالها وين تبين تروحين !؟ .. قالت فاجأني .. وانتهى الفلم :: رابط التحميل :: تورنت JUMPER [2008]LAB,DVDRIP XVID [Eng] : Movies > Sci-Fi - Mininova مباشر JUMPER.[2008]LAB,DVDRIP.XVID.[Eng]-DUQA-www.srq3h.net.part1 JUMPER.[2008]LAB,DVDRIP.XVID.[Eng]-DUQA-www.srq3h.net.part2 JUMPER.[2008]LAB,DVDRIP.XVID.[Eng]-DUQA-www.srq3h.net.part3 JUMPER.[2008]LAB,DVDRIP.XVID.[Eng]-DUQA-www.srq3h.net.part4 JUMPER.[2008]LAB,DVDRIP.XVID.[Eng]-DUQA-www.srq3h.net.part5 JUMPER.[2008]LAB,DVDRIP.XVID.[Eng]-DUQA-www.srq3h.net.part6 JUMPER.[2008]LAB,DVDRIP.XVID.[Eng]-DUQA-www.srq3h.net.part7 JUMPER.[2008]LAB,DVDRIP.XVID.[Eng]-DUQA-www.srq3h.net.part8 باسورد فك الضغط : كود PHP: `www.srq3h.net/vb` :: الترجمة :: 4shared.com - online file sharing and storage - download JUMPER.[2008]LAB,DVDRIP.XVID.[Eng]-DUQA-www.srq3h.net.srt وخلصنا .. اعذروني على القصور بس الوقت ما كان يساعد ابد .. وكانت عندي ضروف الايام اللي راحت ما قدرت اتفرغ للموضوع التوقيع : PrinGles 4 EVER psrq3h@w.cn

08-04-2008, 01:15 AM	#2
المنقهره مراقبة طقها واللحقها الملف الشخصي الحالة	رد: معكم .. مسكين راح عليه الوقت لو تفوزك بنده بشتكي عليها انا <<--- ياحبتس للشر يالبثره بس مالك داعي ماتنسق مثل تنسيقي الاليم يعني يصير كله موف وفيه شي أصفر وكيذا مره اشياء تخقق صراحه يابرينجلز وجيه ممثلينك مايساعد انك تناظر الفيلم كل واحد يقول أبعد أنا أشين منك ! برينجلز راحت عليك يابطل التوقيع :

08-04-2008, 01:25 AM	#3
A S 6 O R H مشرف عام الملف الشخصي الحالة	رد: معكم .. ^ ^^ راحت عليتس انتي .. الموضوع من ضمن الفعاليه حتى لو هي الساعه 1 ان شاء الله . الموضوع مقفل .. تحت الصيانه عنادن فيتس يـ المنقهره . التوقيع : الملحق // الاهمية بـ [ الكيف ] مهوب [ الكم ]

08-04-2008, 03:29 AM	#5
موافق عليها خبير خنبقة الملف الشخصي الحالة	رد: تقرير : Jumper {تابع المسابقة} جنبر هذا اللي يدخلون بالجدار وكيييذا يلعن بليسه ها الفلم قسم بالله انه ابن كلب كنت اشوف دعاياته ويوم اني نزلت تقريري قعدت افكر قلت ليه ما نزلت تقرير بها الفلم يوووه احس انه بطل يعني فكرته لحسه اتوقع والله انك بطل يابرنقلز بس ماشاء الله عليك صارين تحط ابتسامات وهذي نقطه تحسب لك <<اقول على تبن رح ولك الله يا برنقلز ياليت احد يقدر يحمل الفلم لاني والله والله متحمس ابي اشوفه بس النت عندي بطئ رايحن فيها لو مايجيك من الفلم الا ذا <<< يارب هذا اللي اسمه صاوميل جاكسون التوقيع : نبض يلعن شكلك لاتقلدين منسمه

تقرير : Jumper {تابع المسابقة}

ذهب الملحق