دستورنا و ضروري تمرونا (( اللهم بلغت ))

سينما الملحق · 07-04-2007, 09:00 PM

سلخير كل ابوكم

اليوم فتحنا لكم قسم يختصر لنا اشياء كثيرهـ ويوفرها لنا و حاجات يمكن نطامر ورا محركات البحث اللين نلقاها
والقسم هذا بـ الذات بـ مواضيعه يقولك القانون يمشي قبل الموضوع ,’ واذا نزل الموضوع معنااتها ان الموضوع ماشي مع القانون
يعني لو نزلت موضوعك وشفنا فيه شيّن يخالف يا اننا نسوي مثل ابو كامل ونشفرهـ ولا اننا نوديه لـ طفاية الملحق
والمشرفين والمراقبين والاعضاء قبلهم يشووفون الموضوع ويقيمونه ان كان مخالف للقوانين قرشعناهـ ونحن غير متأسفين <-- بدا شغل الهياط
وكل هـ اللي نسويه عشان نطلع بـ قسم يختلف عن الاقسـام الروتينيه اللي نشوفها كثير وكل همنا الاول و الاخير ما فتحنا هـ القسم الى عشانكم

1 / المواضيع بطبيعة حالها راح تكون من اجتهـاد العضـو نفسه او العضـو ومعه اين كان يساعدهـ ( قومن تجمعو ما ذلو ) اما شغل نسخ و لصق " ممنوع الا مرفوض عن بكرت ابيه "
ودام وصلت فكرة انك نزلت موضوع وتعبت عليه اتعب عليه شوي وزينه ونسقه بـ الالوان بـ الفواصل بـ اللي تبي ما احدن لحقك .. وان بغيت هاته لون واحد ما يخالف بس لا تلجنا ورا موضوعي ما احد رد فيه وانت راصه ورا بعض وجايبه لون واحد
واذا شفت لك خبر واعجبك وودك ترزهـ لنـا عشان نستفيد لا تسوي له نسخ وتنزله عندنا .. اقراهـ وافهم معناهـ ونزله لنـا بـ اسلوب خنبقتنا و خلك عيار وان بغيت تميصل واقلب الموضوع ضحك بس بـ الاخير توصل لنا المعلومة بـ اسلوبك انت

* وترا القوانين هذي اكثرها مو من بنات افكاري شفتها بـ المواقع واخذت اللي عجبني منها وصغتها بـ اسلوب منتدانا وحطيتها لكم

2 / التغطيات ’ , هنـا عاد نقول لكم انها هي الاسـاس بـ القسم هذا .. يعني لو تجي منكم تغطيه وحدهـ كامله بـ الشهر طالعين بـ نتيجه مرضيه جدا ً كـ ادارة ومنتدى واعضاء ان شاء الله
يعني سويت لك تغطيه عن فلم او مسلسل او مسرحيه .. الخ / لا تترد وتقول اخاف ما تطلع بجمالها وقوتها ما نيب منزلها .. اذا تبي احد من الادارة يساعدك لا تتردد الخاص مفتوح لك و " الاسطــورة مستعد يوقف معك من صفر لـ آخر شي " ومشرفين القسم برضو يوقفون معاك
اهم شي لا تتردد ابد انك تطرح تغطية وتقول اخاف ما تطلع بـ المستوى المطلوب

3 / الاغاني ممنوعة منعـا ً باتا ’, تبي تسمع اغاني رح لمواقعها اسمعها واذا طيحت اللي براسك تعال عندنا وفضفض لنا اللي سمعته
ومواضيع فلانة سوت عملية تجميل و علانة فيديو كليبها شوفو شلون صاير ما نبيها .. نبي مواضيع يتعب الواحد وهو يقول روعه بـ الطرح والتقديم و الاسلوب
كل هذا عشان اذا دخلتو القسم هذا بـ الذات تلقون مواضيع تستحق من يقعد عشانها ويقراها

4 / الله يخليكم الردود ما نبي ردود مهواش وفلان غلط ع ممثلي او على فناني المفضل .. احدن سبك او سب فنانك لا تقعد تروح تلاحق وراهـ وتهاوشه وتتجالدون همن تروحون للمحكمة وتقول هو بدا والثاني يقول لا انت بديت ( شغل البزران ما نبيه )
وما ضاع حق وراهـ مطالب .. اخطى عليك .. رح لـ مشرف القسم ما رد لك رح للأدارة او رح للمحكمة ما ردو عليك رح لـ الفي بي بكبرهـ وخلهم يقفلون المنتدى فوق روسهم بس ان شاء الله ان الادارة تاخذ حقك لك ( ماش تسن الفي بي يخوف )
واللي نبي نوصل له " لكل واحد وجهة نظره وأختلاف وجهات النظر لايفسد للود قضيه " .
فحاول انك اذا نقدت تنقد وتراعي شعور غيرك عشان غيرك ما يراعي شعورك
واذا انت شايفن شي ع المشرف ارسل للأدارة لا تهايط عليه بـ الموضوع او تهايط ع المراقب " المحكمة ويوزر القاضي ويوزرات الادارة مفتوحه لك تنق اي واحد منهم وارسل له "
وغير هـ الكلام يبي يتطير ردك

5 / اذا انت شايف اقل شي ان الموضوع متعوب عليه .. حاول انك تضيف رد عليه ردن فيه نقد ردن فيه معلومتن زيادهـ يا شيخ لو تبي تنصب انصب على كيفك بس تكفون ردود اللي تقتل الموضوع ما نبيها
مثل " يسلمو , يعطيك العافيه ’ تسلم كلك ذوق " بعض المواضيع الردود اللي مثل كيذا يبي يتطير ردك واكيد ع حسب وجهة نظر المشرف .. واللي الموضووع موهوب عاجبه وشوله تدخله او يومنك دخلته وشفته ما اعجبك اضغط زر " الخلف " وفكنا من شرك

6 / رجائن تحميل الصور والمقاطع يصير عن طريق المرفقات ( او ) مركز تحميل الملحق : ملحق تحميل الصور والملفات

7 / اللي ودهـ يسئل عن شي بـ القسم هذا يبي ينزل لكم المشرف موضوع ويثبته لكم .. تتناقشون و تتفاهمون واللي تبونه سووهـ .. وتطلبون اللي تبونه من بعض بـ الموضوع اللي يخصصه المشرف لكم .. بس شتشته داخل المواضيع وتخريب الموضوع وقتله ما نبي الله يرضى لي عليكم
اذا حنا نبي سعة صدوركم انتم تمنو لنا سعة صدورنا بدون شتشته وتخريب للمواضيع وبعيد عن الهواشات

8 / يمنع اللعن أو الشتم بألفاظ بذيئة أو ألفاظ غير محترمة

مع تحيات ادارة / هوم سينما

© 2007 / 2008 حقوق الدستور محفوظة لإدارة موقع ومنتديات الملحق .. ويمنع استخدامها بدون موافقه خطية من إدارة الموقع

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)