|
|
|
|
التسجيل | إسترجاع كلمة المرور | تفعيل العضوية | طلب كود تفعيل العضوية | إتصل بنا
07-01-2008, 04:18 PM
|
#1 |
 
|
The Red Carpet 8^alpachino^
هاه نخش في الشحصية على طول؟؟ <<<< يمديكم على المقدمة المتعوب عليها؟
فيس يدق وولف مع كتفه ويقوله تكفا تكفا حط لي عشر نجوم زي ما حطيت لي في موضوعي حق البويز ذاك خلني استانس واحل بكرا زين بالاختبار  قبل لا اتكلم عن الشخصية <<< مسوية فيها بتفاجئهم ابي اقولكم ليه فكرت فيه بالذات "بينما كنت اتعشى في احد المطاعم ولما خلصت ودخلت دورة المياه_الله يكرمكم_ اغسل يدي لما طلعت الا واحد رجال قرب مني <<كني اسمع احد يقول وش ذا الي تفقش علينا؟؟  قال: -هلا تبطي -هاه؟؟؟؟ ^وش عرفه باسمي بالمنتدى^؟؟؟ -اقول هلا -نعم يا عم؟؟؟؟ -سمعنا انك حاجزة الريد كاربت -ايه وخير يا طير -تكلمي عني انا -نعم؟؟؟ آآآقول سقها بس,,ومن تكون ؟؟؟؟ - انا الباتشينو -اييييييش -ايه ايه انا الباتشينو بس متنكر حتى شوفي شوفي ويشيل الشماغ الا والله آل هو هو  -اييييه انا الا الا ابي اسوي عنك انا احب الشيبان ماني احب اللي من طقة اشتون كوتشر ابد ابد -طيب خذي هالمعلومات عني وحطيها بالخنبقة -ايه بس تعال انت شلون عرفت اني في خنبقة -كلي تراب وحطي المعلومات وانتي ساكته -سم سمَّ الله بدنك (المعلومات الصخصيه) في عام 1940 يوم 25 من شهر ابريل ولد لمندوب التأمينات بهالم بمنهاتن السيد سالفاتور والسيدة روز ولد اتفقوا على تسميته الفريد جيمس (ولأن محد يقرب لهم بهالاسم محد طلب السماوة) لما بلغ آل من العمر سنتين تهاوشوا امه وابوه وكعادة الحريم يقعدون يقولون طلقني طلقني واذا سوا اللي تبي وطلقها تقعد تقول يا خاين العشرة وتعوشر عليه المهم ان مدام روز اصرت ان ولدها يبقى معها قالها سالف خذيه منيب ميت عليه اللي يسمع يقول بيطلع الفتى سيزيف ولا هاملت على غفلة<< ابوه ما عنده نظرة ملائكية ابد تربى آل عند جدانه وامه في برونكس جدانه كانوا من اصول ايطاليه اما ابوه الهايت الضايع فسوا له مطعم في كاليفورنيا طبعا كان الباتشينو يحب التمثيل في مسرح المدرسه لكنه ما كان ينوي احتراف التمثيل لكن لما كان عمره 14 سنه درس في ثانوية تعلم الفنون التمثيلية على يد المدرس lee strasgerg لكنه تركها لأن درجاته كانت سيئة ما عدا اللغة الانجليزية ترك الثانوية لما كان عمره 17 ربيعاً في هالفترة سجن الباتشينو بتهمة حيازة السلاح بدون ترخيص<<الله واكبر حتى لاري كينق سجنوه  بعدها مر الباتشينو بضائقة مالية حس انها راح تبعده عن عالم الفن والتمثيل لذلك اصبح يعمل اعمال شاقة ويقحط على عمره عشان يجمع القروش وياكل من مطاعم الهوت دوق السيئ بدلا من الفالوذج بالكافيار وعصير الاكادونيا لكن احساسه خاب وجاه فرج ربي ونال جائزة اوبي عن المسرحية اللي ألفها بنفسه : THE INDIAN WANTS THE BRONX في عام 1968 كان اول ظهور له على التلفزيون من خلال مسلسل : N.Y.P.D في عام 1972 كان اول فيلم له بعنوان: ME,NATALIE عام 1972 كانت القنبلة التي ادخلته عالم الاضواء والشهره من خلال تمثيل دور مايكل زعيم المافيا للمخرج فرانسيس كوبولا وهو فيلم:العراب THE GODFATHER في الجزء الاول شارك معه الممثل مارلون براندو رشح لجائزة الاوسكار لكنه ما فاز (مارلون):  في عام 1974 مثل الجزء الثاني من الفيلم بمشاركه الممثل المشهور روبرت دينيرو  في عام 1983 مثل فيلم سكارفيس الخطير بدور توني مونتانا رجل من كوبا يصبح زعيم للمخدرات عام 1985 مثل فيلم REVOLUTION لكن طاح وجهه وفشل لين ما انتكس ورجع يمثل مسرجيات بعدها بفتره رجع لعالم التمثيل من خلال فيلم:SEA OF LOVE هـَـهّـااااااي <<<ترا ذي ما اقولها الا اذا الشي خطير جييينا للمهمممممم سنة 1990 هذي السنه الي لازم تحطون تحتها ستمية خط احمر ليييش؟ لانها السنة اللي مثل فيها الباتشينو الجزء الثالث من THE GODFATHER وهي نفس السنه اللي رأت فيها  تبطي عظم النورولاني وجه خير عليه هالمره فاز بجائزة اوسكار عن فيلم SCENT OF WOMAN مثل في فترة التسعينات العديد من الافلام 2000 وما بعدهاااا<<<طرا توي ستوري (وولف خايف يقول لا تطلبه بس هالكرتون) مثل فيلم 88 دقيقة عرض عليه تمثيل الجزء الرابع من العراب لكنه رفض وحجته ان صوته تغير وقد بلغ من الكبر عتياً (المعلومات الصخصية مرة ثانيه) الباتشينو عنده بنت اكبر مني بسنه وتوأم ولدوا عام 2001 بس بدون زواج<<والله لو يسمعني اخوي الصغير ان ما يفكني اليين اعلمه شلون يعني حجته ان الدنيا تمشي بسرعه وهو عنده مشاغل كثير وعشان كذا لازم يصير كل شي حامي حامي اما الزواج يبي له فضاوة والعهدة عليه طبعا زي كل الممثلين مر بعلاقات عاطفيه كثيرة (الجوائز اللي حاز عليها) - عام 1069 جائزة توني لفلم ME.NATALIE - عام 1974 جائزة القولدن قلوب عن فلم SEPICO - عام 1977 جائزة توني عن فيلم THE BASIC TRAINING OF PAVLO HUMMEL - عام 1993 الاوسكار عن فيلم SCENT OF WOMAN وغيرها الكثيير من الجوائز (الصور والبوسترات   هذي الصورة كان الباشينو مع موافق موافق مصر انه يوري ال اباطه وال يرفض بشده وموافق يقول الا الا بوريك شف شف وكانت هذي ردة فعل ال:       ___________________خلصنا______________________ واللي عنده معلومات زيادة لا يبخل علينا تراي على ذا الموضوع خلصت دلة قهوة كاملة وصحن سكري لين ما حسيت ان بيجيني السكر فالله الله بالردود تااي ما تفشلني تبطي عظم+قازة=أنا التعديل الأخير تم بواسطة تبطي عظم ; 07-01-2008 الساعة 04:24 PM. |
|
    
|
|
07-01-2008, 05:51 PM
|
#2 |
 
|
رد: The Red Carpet 8^alpachino^
اذا اشوف ابداع من كذا
انكتم واقول مثبت وعشان ما يخرب الموضوع بقول راجعلك اعدل هالرد  |
|
|
|
|
09-01-2008, 01:05 AM
|
#3 |
 
|
رد: The Red Carpet 8^alpachino^
الله الله
موضوووع روعة عن شخصية هوليوودية رااائعه وفنااانه  *** طبعن أنا شفت أفلام كثيرة لآل باتشينو لكن فلمين علقوا في بالي الأول SCENT OF WOMAN لأن عجبني فكرة الفلم..عن واحد أعمى وكيذا وأكثر لقطة عجبتني فهالفلم...المشهد اللي رقص فيه آل باتشينو مع البنت رقصة التانقو وكانكم نسيتوا اللقطة دووكم الرابط >>>*** الفلم الثاني اللي عجبني Heat صراحة كان فلم خووووورااااااافي أكثر فلم عجبني لآل ... وان شاء الله بيسوون له جزء ثاني السنه هذي *** تبطي مشكووورة ماقصرتي عـ الموضوع ودووك هالوردة يابعدي  |
|
|
|
|
09-01-2008, 09:35 AM
|
#4 | |||||||||||||||
|
|
رد: The Red Carpet 8^alpachino^
اما عاد ما شفتي TheGodFather? الجزء الأول؟ احلى فلم بالتاريخ حسب تصويت الجمهور في كل مكانواعتبره من احلى الافلام الي شفتها صراحة وما امل منه ابد .. مخليه بالايبود واشبكة على سماعات السيارة واذا جيت اسافر الشرقية ولا أشيقر شغلته ما ادري عن نفسي الا انا وصلت  |
|||||||||||||||
|
|
|
|||||||||||||||
|
09-01-2008, 01:26 PM
|
#5 |
|
|
رد: The Red Carpet 8^alpachino^
جاااااااااااااااايه من المدرسه مبكر واااسع صدري
____________________________________ بنودة اول شي مشكووووووره على الرد الحلو حبيبتي بس انا عندي العراب هو احلا شي يختي حتى تأثيرات الصوت يخلي القلب كذا يقرقع تسلمين مره ثانيه تفضلي  |
|
|
|
|
09-01-2008, 01:30 PM
|
#6 |
|
|
رد: The Red Carpet 8^alpachino^
وولف مشكور على الرد
ههههه اول موضوع لي بالسينما على ام السعف والليف وثاني موضوع مثبت سبحان الله وولف صح the godfather وبسسسس فعلا فلم يكتب في التاريخ ____________ وولف انت من اشيقر ؟ بنت عمك من ثرمداء  <<<تهيضت تبي تروح للديرة اليوم قبل بكراوولف مشكور يالغالي على الرد |
|
|
|
|
10-01-2008, 01:43 AM
|
#7 | ||||||||||||||||||||||||||||||||||||
|
|
رد: The Red Carpet 8^alpachino^
عاد تصدقووون اني على كثر مااسمع عنه ماقد فكرت اشوفه مدري احس الفلم كئيب..وخبري به كله انتقام وقتل وقتييل بس عقب حكيكم شكلي براجع نفسي واشوفه ***
يعني أول شي صادق وحدة وجاب منها بنت...بعدين رجع يتزوجها... واسمها جان تيرانت وزوجته الثانية هي اللي جاب منها التوأم.. واسمها بيفرلي دانجيلو |
||||||||||||||||||||||||||||||||||||
|
|
|
||||||||||||||||||||||||||||||||||||
|
11-01-2008, 12:09 AM
|
#8 |
|
|
رد: The Red Carpet 8^alpachino^
بنوده
انا قريت في hello وفي بعض المواقع انه ماتزوج بس كذا جاب عياله من صديقات له لكن عموما مشكووووره على تصحيح المعلومه ومنكم نتعلم ونستفيد |
|
|
|
|
16-01-2008, 11:53 PM
|
#9 |
 
|
رد: The Red Carpet 8^alpachino^
تبطّي عظّم .. الله يبعد يديآتتس عن النآر  والله يعطّيتس العآفيه .. |
|
|
|
16-01-2008, 11:55 PM
|
#10 |
|
|
رد: The Red Carpet 8^alpachino^
كفاني تعرفين وش بقول لك يكفي اسمك موجود تسلمين يا قلبي على الرد |
|
|
|
|
24-01-2008, 10:36 PM
|
#11 |
 
|
رد: The Red Carpet 8^alpachino^
تبطي ابدعتي بصراحه ممثل يتمتع بأفلام رائعه وشخصيه رائعه عنده كرزمه بالتمثيل وكركتر حلو عرفتي تختارين انا ماشفتله بصراحه كل افلامه شفتله فلم SCENT OF WOMAN مره كان حلو الفلم والقصه روعه يعني انه اعمى وكذا شفته الفلم يمكن 4 مرات يختي تحسين انه يشوف يخوف يعرف كل شي وشفته فلم فلم مستحيل انساه من كثر ماعجبني انا كنت بصفه بالفلم وكنت عارفه ان ذاك هو المجرم حتى لو انه بسجن بس ماتوقعت ابدا تكون ذي شر |
