مسابقة أفضل تقرير عن فلم [ موضوع التسجيل ]

السلام عليكم ورحمة الله وبركاته


يا هلا والله بكل السنمائيين والسنمائيات..عشاق الفن والعشق والهوا
عندي لكم مسابقة جميلة ظريفة
مسابقة عن أفضل تقرير عن فلم ... وهذي فرصة للجميع عشان يورونا ابداعهم

هذا راح يكون موضوع التسجيل...يعني اللي يبي يسجل يرد على هالموضوع..
وعقب أنا بجمعكم واحطكم في مجموعات...كل ثنين سوا

شروط المسابقة:

1- لازم يكون التقرير عن فلم سينمائي
2- لغة الفلم مو مهمة (انقليزي- فرنسي - مصري - هندي...الخ )
3- تارخ الفلم مفتوح..تبي تسوي عن جديد قديم..على راحتك
4- قبل لا تسوي التقرير..ارسل لي عـ الخاص وقلي وش هو فلمك (ماله داعي تنزلون تقارير وفي النهاية تصيرون مسوين عن فلم واحد )
5- (تم تعديل هذا الشرط) المسابقة راح تكون فردية..وكلن مسؤول عن نفسه
6- التقرير في موضوع مستقل..وتكتب مع العنون { تابع للمسابقة }

***

وبالتوفيق للجميع
واللي عنده أي سؤال أو استفسار أنا جاهزة

اهلاااااااااان اهلن بنده
وهـ يا زين هالمسابقة ويا زين اللي مسويتها
يكفي انك انتي اللي منزله الموضوع مهوب الاشهب وولف

سجليني عندك .. وحطيني مع احدن يشتغل مهوب يسحب
لاني مشيغيل هاليومين شوي .. مالها داعي اشيلها كلها على راسي

بندهـ , جبتيها على الجرح ..

سجـلي , وحدهـ نفرهـ مشاركـة , الله لا يعوق بـ شر ..


مولاحظة صغيرهـ , للي بيصير صقيقي في التقرير ..

ترا أنا تخصصي أفلام أمريكية فقط لا غير ..

انا احب الافلام الهنديه سجلي اسمي

لاهنتي

دام انها مجموعات وابوهق اللي بيصير معي اجل واحد تسجيل وصلحوه

نوده ماينفع اصير معك

بنوووووووووووووووووووووده


سجليني لحالي وان شالله افوز وابيض وجهك

ياحبيلك يابنده انتي ومسابقاتك
سجليني

صباح " الورد "

بنوده .. فكرة المسابقة روعه وراح تحرك القسم بقووه ,,

وأنا من وجهة نظري أن كل واحد بالحاله عشان تكثر المواضيع وتزداد المنافسه تشويقاً .. //

عموماً سجليني معك قلباً وقالباً ,‘


والله لا يحرمنا من إبداعك .. //

MasK

^
منوّر

نوده قداااااااااااام يالعنبو ورا ان شاء الله نبيّض الوجه

بنـدهـ عساك ع القوة .. وان شاء الله نطلع بفعالية فيها الحماس .. وبعيد عن المناقر والمغاير في بعض .. ويا ليت يصير التحميل ع الملحق ( ملحق تحميل الصور والملفات ) لـ ان اتوقع ( ذهب الملحق ) يبي يرحب بمواضيع كثيرة من هـ الفعالية واهم شي سعة الصدر .. ومن عندي رتبتين بخصائصها لـ * افضل تقرير * وافضل عضو يرد ع مواضيع الفعالية <-- اكيد رتبة بخصائصها يا تكروني اجل مسمى بس .

اقتباس: وأنا من وجهة نظري أن كل واحد بالحاله عشان تكثر المواضيع وتزداد المنافسه تشويقاً .. //

ماسك كلامك ع العين و ع الراس وانا مع ماسك بـ كلامه .. والراي عندتس يا بنـدهـ .. وودي اشارك بس خبركم ميح افلام ( ايقونتن لبستن نظارات شمسية ولبس الكوبوي وتناظر المشاركين من بعيد وتقول الله يستر كل واحد فيهم اطلق من الثاني ) <-- الا ع طاري كل واحد اطلق من الثاني .. ترا ماسك مبدع و يخوف بـ الافلام انتبهو منه وشدو حيلكم لا يغلبكم .
موفقين يا رب .

pringles
ستاربكس
A M A L
موافق عليها
blue
alzenh_vaslInah
M A S K
مهيب عاقله

يالله حيهم أجميعيييين من أولكم لآخركم
والله يوزرات مبدعه وتبشر بفعالية ناجحة

وولكم بالأعضاء الجديدين ماسك سمعت عنك وشفت ابداعك بعيوني
بس لا تريح مره لازم تشد الحيل ترا كل ربعنا مبدعين هااه
وبالنسبة لأقتراحك (اللي تبناه سطير ) ألا وهو ان المسابقة تكون فردية..
والله أنا كنت حاطتها في الشروط أول شي..بس غيرتها على آخر لحظة..
وان شاء الله برجع احطها...لأن فعلا لما تكون فردية راح نشوف ابداع كل شخص..
مب واحد يتعب والثاني ياخذها بالساهل
وبكذا بعد راح يكون لكل شخص حرية الاختيار التام للغة لفلم أونوعه
يعني محد بينجبر يسوي شي..

ومن ها هنا أعلن ان المسابقة صارت فردية ..يعني يله من ألحين اللي سجلوا اركضوا دورا فلم تتكلمون عنه...وارسلولي وش هو فلمكم..عشان مايصير أكثر من تقرير عن فلم واحد ..
وبالتوفيق للجميع

***

واللي عنده أي اعتراض على التغيير في المسابقة..يتفضل مشكوراً

إعـــلان



موعد التسجيل راح ينتهي الاثنين المقبل 24 / مارس...

موعد إنزال المواضيع يبدأ مجرد انتهاء موعد التسجيل..يعني الاثنين المقبل

مدة انزال المواضيع تبدأ من الاثنين 24 / مارس .. وتنتهي 3 / أبريل 2008

والله ولي التوفيق