ابو عصام وبنته طلعوا .. وش بقى من " باب الحارة 3 " ؟

شليويح بيك · 28-04-2008, 10:04 AM

السلام عليكم

كلنا نعرف المسلسل اللي حصل جماهيريه عاليه ومتابعه متميزه طوال رمضان الفائت واللي قبله على قناة MBC
المسلسل يتكلم عن طبيعه الحياة السورية القديمه

كان الشخصية المميزه بالجزء الاول هو شخصية الادعشري

في الجزء الثاني غاب الادعشري ومات الزعيم

ابدع بالجزء الثاني ابو عصام " عباس النوري "

صرحت قناة MBC انها بتنقل باب الحارة حصريا وقبل الكل كعادتها هي ودعايتها اللي كل 5 دقايق المشكلة القادمة للملسلسل انه صارت هوشه بين ابو عصام والمخرج بسام الملا .. وانسحب ابو عصام من باب الحارة 3

طبعا بعد ماسألت عباس النوري وش السبب قال :

اقتباس

اسباب إلغاء شخصيته في أحداث الجزء الثالث تعود إلى أن مخرج العمل تحول إلى منتج فاختلفت معايير تعامله مع الفنانين، يؤكد المخرج بسام الملا أن عباس النوري بطل الجزء الأول والثاني يريد تفصيل سيناريو المسلسل على قياسه.

وفوزية " ليلى سمّـور " زوجة ابو بدر الدلخ .. انسحبت لانه تقول راتبكم مايسد .. ابي زود " ياشين الطمع "

جميلة " تاج حيدر" قالت .. وش حيثهم يتركون المسلسل بعد .. انا بعد مابي امثل .. ماجاز لي النص ودوري فيه مايناسبني ماقتنعت بووه ..

خيريه " ديمه قندلفت " تركت المسلسل .. بعد تصريحاتها الصحفية واللي تقول انه ماجاز له باب الحارة والصورة اللي يرسمه عن المرأه الشرقيه .. عليها تصريفه مدري وش تبي ! .. يقولون بالجرايد انه السبب مادي $$ .. وتبي زود قرووش وانه خلاف بين المنتج وبينها على الامور المادية .. بس تصريفتها مهب لم جاده ابدا !

لقاء مع عباس النوري و سامر المصري بالـ MBC

عباس النوري وسامر المصر ببرنامج العّراب

وش رايكم انتم ؟ .. هل انسحاب هالاسماء الكبيرة واللي له وزنه بالمسلسل " فيس يناظر ابو عصام وجميلة ولا الباقين بقريح " .. بيطيح من شعبية ومن قوة باب الحارة ؟

انا عن نفسي اتوقع فشله

وخروا عني !! · 28-04-2008, 10:41 AM

والله احس ان السنه ذي حماسها اكثر من السنه الجايه

بس المشكله على قولتك خروج الاسماء الكبيره واللي لها وزنها من المسلسل اتوقع انه راح يصيب المسلسل بالـ ملل ...

وبدايه الجزء الثالث بـ جنازه ابو عصام .. اتوقع انه راح يسبب موجه غضب جماهيريه وذلك بعد النجاح الملحوظ والبارز في الجزء الثاني من قبل ابو عصام ..

اتمنى ان الاشاعات اللي طالعه تكون كاذبه ... وترجع اسره مسلسل باب الحاره كما هي ..

شلحلح يعطيك الف عافيه على الموضوع

نشوفك على خير

v e r s a c e · 28-04-2008, 11:42 AM

كلنا بنقول .. وش نبي بالمسلسل بدون جميله وأبو عصام !!؟

بس بنتابعه !!

عاد نشوف وش بيسوي المخرج وكيف راح ينهي شخصية أبو عصام في المسلسل

.
.

يعطيك العافيه عقيييييد

وخروا عني !! · 28-04-2008, 11:44 AM

اقتباس

عاد نشوف وش بيسوي المخرج وكيف راح ينهي شخصية أبو عصام في المسلسل

بينهيها بـ جنازه بـ أول المسلسل

Panda · 28-04-2008, 12:06 PM

وعليكم السلام والرحمة...

والله أنا منب من متابعي المسلسل..
لكن عندي فكرة بسيطة جدن عنه
ومحد يقدر ينكر الجماهيرية الكبيرة له ..

***

ماشاء الله أشوف عقب نجاح المسلسل قاموا الممثلين يطمعون يبون فلوس زيادة
هو بصراحة من حق الممثل انه يطالب بزيادة أجره..خصوصن اذا كان العمل ناجح
فكونهم رفضوا يزيدون أجورهم...أعتقد هذا طمع من المنتج دام المسلسل ناجح وتبي تنرد له أرباح وشوله يبخل على الممثلين ولا يعطيهم حقوقهم

***

وكون أبو عصام وبنته بيطلعون من المسلسل...مااعتقد هالشي راح يأثر..
يعني مثل ماصار للأعشري لما طلع...
الشي الوحيد اللي بيأثر على المسلسل..."القصة أو النص"
يعني اذا نجحوا بكتابة قصة أفضل وأقوى من الجزئين السابقين..هالشي راح يضمن نجاح المسلسل..بغظ النظر عن مين انسحب ومين بقا

شليويح

موافق عليها · 28-04-2008, 01:31 PM

الحين حنا ماتباعنا باب الحاره الا عشان الادعشري (بسام كوسا) يعني الصدز الجزء الثاني ماجاز لي حسيت فيه مطمه للاحداث غير طبيعي وان مافيه نكهه الادعشري اللي كان بطل الجزء الاول يعني احس ان المسلسل خربان من يوم ماطلع من الادعشري وشي طبيعي ان الابطال ذولا يطلعون تدرون ليه لان اتوقع ان الجزء الثاني ماكان زي الجزء الاول بقوته عشان كييذا قالوا الزكرت حقين المسلسل خل نزبن بدال مانسوي جزء ثالث ويصير كارثه ولا يعجب الجمهور همن يروح كل اللي بنيناه ولا

كيف التحليل

وخروا عني !! · 28-04-2008, 01:40 PM

اقتباس

يعني مثل ماصار للأعشري لما طلع...

الادعشري قصدك

كلامك صحيح بندهـ .. يمكن ما يخترب المسلسل لو ان الكاتب عرف كيف يضبط الجزء الثالث ويطلعه زي حلاوه الجزء الاول والثاني ...

وبعدين لا يبخل عليهم بأجرهم

الله ابوه

kwe7h · 28-04-2008, 02:41 PM

بعـاااد جميـلة بتـروح

شـكله بيصيـر بايـخ ومخيـس

طيب عرفنـا كيـف بيصـرفون أبـو عصـام,
طيب جميـلة ويـن تنـتـصرف , تعـرس وتهـاجر مثـلا

اقتباس

بعد تصريحاتها الصحفية واللي تقول انه ماجاز له باب الحارة والصورة اللي يرسمه عن المرأه الشرقيه

الفقيـها بس

.

آخر كلام · 28-04-2008, 03:47 PM

وعليكم السلام

اقتباس

رمضان الفائت

خقيت على الفائت

اقتباس

تفصيل سيناريو المسلسل على قياسه

وش تبي سوري وماشاف خير بقلعته هو قرعته

اقتباس

وفوزية " ليلى سمّـور " زوجة ابو بدر الدلخ .. انسحبت لانه تقول راتبكم مايسد .. ابي زود " ياشين الطمع

مصدقه ذي انها تمثل وشو دورها

اقتباس

جميلة " تاج حيدر" قالت .. وش حيثهم يتركون المسلسل بعد .. انا بعد مابي امثل .. ماجاز لي النص ودوري فيه مايناسبني ماقتنعت بووه ..

على طاري جميله طلعت اشاعه انها متوفيه

بعدين بيجي اللي احلى منهن زوجة العقيد روعه جمانه مراد

بالنسبه لنجاحه يعتمد مثل ماقالو اللي قبلي طلع الادعشري ونجح بعدين انت ووشدراك
يمكن خروج ابو عصام و جميله خيره يعني ينجح اكثر

ماتدري

يعطيك العافيه شليويح

مهيب عاقله · 28-04-2008, 04:09 PM

و عليكم السلام و الرحمه
اصلا المسلسل اذا تعددت اجزائه يفقد قيمته .. يصير ماصل .. التمطيط ذا شين .. والله لو انه بريسون بريك
بندهـ
صح كل شي يعتمد ع القصه و النص .. بس فيه ناس ما تااابعو المسلسل اساسا الا عشان الممثلين
بالعكس اكثر نجاح المسلسل من الممثلين ! لو مو هذولي الابطال كان موب شي المسلسل .. لكن هم ممثلين كباار و تجمعوا في مسلسل و مخرج اكبر منهم !!
زي الافلام اول سؤال نسأله قبل ما نناظر الفلم ( من بطل الفلم ؟ )
نفس الشي ( باب الحاره )
امي ما تابعته الا عشان ابو عصام يوم بدا الجزء الثاني تقول انه صار خكري ,, وصارت تحب ابو شهاب خخخخخخخخخخ
و انا ما تبعته الا عشان معتــز و ابو شهاب
و اخواني ما تابعوه الا عشان جميله
و ابوي كان متابع الجزء الاول عشان الأدعشـــــري

و الاحسن انهم يوقفون قبل ما تتغير صورة المسلسل عند الناس الله اعلم وش بيغدي الجزء الثالث غير ان الممثلين اكيد انهم ملّــوا يبون شي جديد

شلحلح يعطيك العافيه ع الموضوع اللـّـؤطه

همسه // اهم شي فريال لو تروح من المسلسل طلع مال امه دااااعي من جد

ابو عصام وبنته طلعوا .. وش بقى من " باب الحارة 3 " ؟

هوم سينما