|
|
|
|
التسجيل | إسترجاع كلمة المرور | تفعيل العضوية | طلب كود تفعيل العضوية | إتصل بنا
01-05-2008, 04:27 PM
|
#1 |
 
 |
{..♥ .. Grey's Anatomy
Grey's Anatomy ------------------   اخترت اتكلم عن هالمسلسل لأنه من المسلسلات المفضلة بالنسبة لي بصراحة مسلسل قوي ورائع وكل أبو شي ومن كثر ماهو ناجح...حتى الرئيس السابق بيل كلنتون يتابعه  يقول انه من البرامج اللي مستحيل يفوتها ودايم يفضي نفسه عشان يشوفه ***  نوع المسلسل ~ : كوميدي , درامي , وأهم شي رومانسي *** المخرجين ~ : قام باخراج الفلم 17 مخرج مختلف لكن أكثر مخرج قام بالاخراج هو Rob Corn حيث انه اخرج 8 حلقات منه *** كتاب المسلسل ~ : قام بكتابة المسلسل 14 كاتب لكن أشهر كاتبة هي Shonda Rhimes فهي اللي اخترعت فكرة المسلسل وقامت بتأليف 77 حلقة منه *** مواسمه ~ : نزل من المسلسل ثلاث مواسم كااملاات الموسم الأول يحتوي على 9 حلقات الموسم الثاني يحتوي 27 حلقة الموسم الثالث يحتوي على 25 حلقة الرابع.. نزل منه 12 حلقة.. ومن المتوقع انه يكمل 16 هذا والله أعلم *** الجوائز ~ : فاز مرتين بالـ Golden Globes وفاز أيضا بـ26 جائزة مختلفة (مثل BMI Film & TV Awards و Emmy Awards و GLAAD Media Awards وغيرها....) ورشح 69 مرة يعني هالمسلسل مااااايلعب *** قصته (أو فكرة عامة عنه) ~ : أحادث المسلسل كلها تتمحور في مستشفى (سياتل قريس) اللي يقوم بتعليم وتدريب طلاب الطب والجراحة.. وأبطال المسلسل خمس طلاب..ثلاث بنات وولدين..وكلهم يعملون تحت اشراف د. بيلي وبالاضافة للجراحين الخبراء العاملين في المستشفى (بعرف بشخصياتهم تحت )هالمسلسل منوع..يجمع الرومانسية بالدراما بالكوميديا.. وفي المستشفى راح نشوف تطور حياة كل شخص..سواء على الصعيد الشخصي أو المهني.. وبحكم انهم طلاب..راح يواجهون تجارب جديدة عليهم..هذا غير الحالات الغريبة اللي تجيهم للمستشفى.. يعني تقريبا هذي الفكرة العامة عن المسلسل..لكن كل حلقة وكل موسم له قصته الخاصة.. وهالمسلسل أعتربه خفييف ..يعني تشوف لك أربع خمس حلقات ورا بعض بدون لا تحس *** الأبطال ~ :  Ellen Pompeo بدور Dr. Meredith Grey هذي تقريبا هي الشخصية الرئيسية في المسلسل.. أول ماالتحقت ببرنامج التدريب..كان الكل يحكي عنها ويقولون انها دخلت الطب بالواسطة لأن أمها من أشهر الجراحين في أمريكا.. لكن أمها في المستشفى لأنها اصيبت بمرض الزهايم لكن محد يدري عن هالشي إلا ميريدث..وكل من سألها عن أمها قالت لهم انها مفرغه نفسها عشان تألف كتاب أول ماانتقلت ميريدث لمدينه سياتل..راحت لبار..وسكرت وتعرفت على واحد ونامت معه المهم لما راحت المستشفى اكتشفت انه واحد من الدكاترة المشرفين عليهم هناك..فصارت تتجنبه ولا تبي أحد يدري عن علاقتهم لأن هالشي ممنوع.. لكن الدكتور شيبيرد كان مصمم انه يطور علاقته معها...وكان ينشب فيها عشان تطلع معه  Sandra Oh بدور Dr. Cristina Yang هذي عاد البنت الدافوورة  ..وهي أفضل صديقة لمريديثأهم شي عندها تشارك في أي جراحة مهما كانت..ولا تحب تفوت على نفسها أي فرصة.. شخصيتها غريبة...يعني جدية ودايم تبين ان ماعندها احساس أعجبت بالدكتور بورك وحبوا بعض  .. Katherine Heigl بدور Dr. Isobel 'Izzie' Stevens هذي قبل لا تدخل الطب..كانت عارضة ازياء فلما دروا عنها باقي الطلاب استهتروا بقدراتها  ..واعتبروها شكل بدون مضمون لكنها اثبتت عكس هالشي وأظهرت قدراتها كجراحة شاطرة ..مشكلتها انها عاطفية وهالشي مايصلح مع الجراحين ..فصارت تتورط بمشاكل مع المرضى..بسبب رحمتها لهم.. Justin Chambers بدور Dr. Alex Karev هذا عاد الطالب المزلب مستهتر وماعنده أي اهتمام بشعور الآخرين ..وهالشي خلا كلن يكرههدايم يظهر للناس ان ماعنده احساس.. لكن ايزي تعرفت عليه أكثر.وكان كلن مستغرب من هالشي لكنها كانت تقولهم اذا عرفتوه زين بتحبونه.. لكن في عدة مواقف راح تظهر لنا شخصية أليكس الانسانية  T.R. Knight بدور Dr. George O'Malley وذا السبهه طيب وعلى نياته..حتى انه خجووول جدا ودايم يتلعثم في الكلام من بداية المسلسل يبدا يعجب بميريديث..لكنه ماتجرأ يقولها شي..والبنت مهب لمه ولا درت عنه لكن مع ذلك يعتبر ولد شاطر وذكي وخلال المسلسل تفاجأة بشخصية القوية..خصوصن تحت ضغط وبشجاعته يقدر ينقذ الموقف  Chandra Wilson بدور Dr. Miranda Bailey الدكتورة بيلي..أو مثل مايسمونها الطلاب بالنازية .. بحكم انها صارمة ولا عندها لف ودوران..الشغل شغل.. والطلاب دايم يخافون منها حتى انها دايم تقولهم اذا كنت نايمة ياويل اللي يقومني إلا في حالة وحدةاذا كان المريض على وشك الموت  James Pickens Jr بدور Dr. Richard Webber الدكتور ويبر.. هذا هو رئيس الجرحين.. والمسؤول عن كل شي يصير في المستشفى.. شخصية قيادية ناجحة...وحكيم جدا..ويحب شغله لدرجة انه مايحب يرجع البيت وهالشي هو اللي سبب مشاكل بينه وبين زوجتة.. كل الدكاترة والطلاب والعاملين في المستشفى يحبونه ويحترمونه  Patrick Dempsey بدور Dr. Derek Shepherd هذا هو شيبيرد جراح مخ وأعصاب.. وهو اللي عشق ميريدث.. انسان وسيم وشخصيته جذاابه ..يعتبر من أفضل الجراحين في مجاله .. لدرجة انه أحيانن يقوم بالمعجزات مع انه غني وكيذا..إلا انه عايش في مقطورة (يعني سيارة وبيت في آن واحد ) Isaiah Washington بدور Dr. Preston Burke هذا جراح القلب الوسيم صراحة شخصيتة شي و رزه ودايم طموحه عالي وحاط في باله انه هو اللي راح يكون رئيس الجراحين القادم.. دقيق في شغله..ودايم يحاول يفصل حياته الشخصية عن العمل وهو أول واحد حاول يشجع جورج أومالي وحسسه انه طالب شاطر .. Kate Walsh بدور Dr. Addison Montgomery طبيبة النساء والولادة..وهي زوجة الدكتور شيبارد..ماطلعت إلا في آخر حلقة من الموسم الاول وكملت معهم الموسم الثاني والثالث.. أول كانت عايشة مع زوجها في نيويورك..لكن لما خانت زوجها مع أعز أصدقائة تركها زوجها وراح يشتغل في مدينة سياتل فلحقت زوجها لسياتل بطلب من رئيس الجراحين لأن عنده مهمة لها.. هو صحيح انها خاينه وكلش بس بصراحة انسانه محترمه .. Sara Ramirez بدور Dr. Callie Torres هذي متخصصة في العظام..وبنت غنية وما شاركت في المسلسل إلا على الموسم الثالث غنية وذكية..بس الكل كان متضايق من علاقتها مع جورج ..حتى هي تتضايق من كون أصدقاءة يأثرون على علاقته معها .. Eric Dane بدور Dr. Mark Sloan الدكتور سلون متخصص في الجراحة التجميلية.. وهو صديق الدكتور شيبارد السابق..وهو اللي الدكتورة أديسون خانت زوجها معه التحق بالمستشفى في نص الموسم الثاني.. بصراحة انسان وصخ وحقير وأنااني  طول فترة تواجده في المستشفى محد من الطلاب استفاد منه..لأن ماكان يحاول يعلمهم أصلن..ويستغل الطلاب في انهم يسوون له أشائة الشخصية  ..يعني يرسلهم يشترون له قهوة..أو يرسلهم يطلعون ملابسة من اللوندري *** صور متفرقة من المسلسل ~ : أنا ركزت هنا على أول حلقتين من المسلسل بس.. عشان مااخرب على اللي مابعد شافه  هذي تقريبا أول لقطة في المسلسل جابوا مرديث مع واحد التقت فيه في بار..ونامت معه على طول من غير حتى ماتعرف اسمه  وهنا كل الطلاب دخلوا المستشفى وكان الدكتور ويبر رئيس الجراحين يعرفهم على أقسام المستشفى ..  طبعن تم تقسيم الطلاب...كل مجموعة كان مسؤول عنهم دكتور مقيم ميريدث..وليزي ..ويانق ..وأومالي صارت الدكتورة بيلي هي اللي مسؤوله عنهم.. وطبعن من أول يوم ركضتهم وراها وبدوا الشغل  هذي أول مريضة يستلمونها طلابنا وكان فيها صرع...  وهنا لما ميريدث كانت تبي ترجع المريضة لغرفتها.. بس بحكم انها جديدة في المستشفى ولا كانت تدل..ضيعت هي والمريضة فجلسوا ساعة يدورون في كل الأسياب  هنا أو ماشافت ميريدث الدكتور شيبيرد في المستشفى.. وتوها تدري ان اللي شافته في البار أمس هو نفسه الدكتور اللي معهم ..فانصدمت..وزي ماتشوفون في الصورة كانت طايرة بوهتها  في اليوم الثاني..جت الدكتورة بيلي وجابت معها أليكس.. وقالت للطلاب تراه بيصير معنا في المجموعة.. فسلم عليهم..وكانوا حاقدين عليه مايبونه ..لأنه من أول يوم سب ميريدث وقال عنها ممرضة << عندهم ذي سبه  ميريدث كانت ساكنة في بيت أمها..وطبعن البيت فيه غرف زايدة.. فعشان كذا علقت اعلان في المستشفى انها تبي ثنين يعيشون معها..وحطت الشروط اللي تبيها..  من نزلت ميريدث اعلان الغرف..طبوا عليها الطلاب.. كل واحد يبي هو اللي يسكن معها ..وهذي وحدة من الطلاب تحاول تقنع ميريدث..(وترا مالها دور ماعليكم منها ) وهنا جورج اومالي وايزي يقنعون ميريدث انهم يبون يسكنون معها.. بس البنت راافضة..وتقول مابي اشوفكم في المستشفى وفي البيت بعد  وهذولي من الطلاب الديكورات اللي مالهم دور في المسلسل حاولون مع ميريدث توافق يسكنون معها..بس رفضت بعد وسحبت عليهم وراحت  عاد هنا ميريدث قالت لأومالي وايزي انها خلاص موافقه انهم يسكنون معها.. فطاروا من الفرحة وقاموا يرقصون يعني (ميريدث , أومالي , ايزي ) صاروا يسكنون مع بعض  في آخر اليوم كان جورج أومالي طفشااان وحايمة كبدة.. فجا للطلاب وقالهم..بالله من اللي يحس انه مايدري وش السالفة؟ فكلهم رفعوا يديهم  المصعد ما المصعد وماادراك ما المصعد طول المسلسل راح يشهد مصعدنا أحدااث مهمة  فهو من الأماكن الأساسية في المستشفى أهم النقاشات .. أهم المواجهات.. أهم الاعترافات.. حتى انهم قد سوو فيه عملية جراحية فالمصعد له قيمة ساكولوجية لكل اللي في المستشفى *** مقاطع يويتوب ~ : حاولت هنا أجيب مقاطع تعرفكم على المسلسل وشخصياته ..بحيث ان اللي ماتابع المسلسل وحاب يتعرف عليه أكثر ..هالمقاطع راح تساعده مقتطفات من المسلسل.. وراح تسمعون في الخلفية أغنية "Chasing Cars" اللي سنعناها على نهاية الموسم الثاني هذي لقطة من mad TV يقلدون شخصيات المسلسل بطريقة فكاهية  صور فوتوقرافية مختلفة لأبطال المسلسل سواء في فوتوشوتز أو في حفلات او غيره أحسهم مبسوطين مررره حتى ان ودي اطب اصور معهم هذي مقابلة مع الكاتبة اللي اخترعت فكرة المسلسل تتكلم فيه عن فكرتها وشرحت الشخصيات وكيذا حتى جابوا فيه مقابلة بسيطة مع الأبطال هذي مقابلة بعد مع الكاست.. يتكلمون فيه أكثر عن شخصياتهم وعلاقتهم معها هذي مقابلة مع بطلة المسلسل ايلين في برنامج the late show مدة المقطع 9 دقائق تقريبا.. *** للتحميل ~ : الموسم الأول  الترجمة الموسم الثاني  greys_anatomy_season2.zip - 0.12MB الترجمة تلقونها مع رابط التورنت الموسم الثالث الترجمة الموسم الرابع  الترجمة وبس ان شاء الله يكون موضوعي البسيط حاز على رضاكم  وفي النهاية أحب أشكر أقدع بت & Game of Love يعني بصراحة مدري وش كنت بسوي بدونهم ولولاهم ماطلع الموضوع بهالشكل التعديل الأخير تم بواسطة Panda ; 06-05-2008 الساعة 12:09 AM. سبب آخر: تعديل روابط التحميل,, |
|
    
|
|
01-05-2008, 04:30 PM
|
#2 |
|
|
رد: {..♥ .. Grey's Anatomy
 هذي صور AVATARS لقيتها وحبيت اجيبها لكل المعجبين بهالمسلسل     *    *    *    *    *   *    *    *    *    *    *    *    |
|
|
|
|
01-05-2008, 07:04 PM
|
#3 |
 
|
رد: {..♥ .. Grey's Anatomy
واااااااضح انك خااااقه عليك لحد الثماااااااله
من شفت بيك مي ولوف مي وانا داريه  انا ماشفته بس مضيعه جربوعها مدحته لي .. انا شفت المصري منه خخخخ .. فيه شخصيات شرحتيها هنا مقلدينها هناك  اذا شفت دعايته اكره ذا الفلبينه ام عيون صغار ماحبيتها مدري ليه  اشكرك بنده واشكر كل من ساهم في تقديم هذا العمل العملاق الذي ينم عن كذا يعني  بحمله بس مدري متى << وانتي دايم كذا !  |
|
|
|
|
01-05-2008, 09:37 PM
|
#4 |
 
 |
رد: {..♥ .. Grey's Anatomy
إيه إيه حتى ـآ إنآ كنت أشوف .:. لحظآت حرجة .:. آلتقليد ..
آلمسلسل كآن مآعليه بس نهآيته مره مره سخيفــــــــه  .. و إن شآء آلله إبي أحمل هذآ بإذن آلله بس بعد مآوشسمه آللي بآلي بآلتس نوودهـ وقسمً شغل مإنتك ويعني مرهـ شيء  وحتى نشكر قدووعه ع آلوشسمه إلي هي سآعدتس فيه ويوم قلتي قصه أو فكره وذآ نزلت بسرعه يعنني إني ترآني مرهـ بحمله  فـ إذا إلي ذآ ذكريني أحمله ترآني مرهـ تحمست له ويآويلتس هـآ ؟  مآآتقولين لي ترى منيب محملته ترى وعلى فكرة آلصور آللي .:. بآلرد آلثآني .:. خقه  خذو ذي لكل آللي سآهموآ بآلموضوع [  ] .. |
|
|
|
|
01-05-2008, 10:28 PM
|
#5 | ||||||||||||||||||||||||||||||||||||
|
رد: {..♥ .. Grey's Anatomy
أجـل اللي حطـوها ام بي سي مب الأخيـرة ؟ ماشـفتها بس قالـوا إنها الحـلقة الأخيـرة , اشـوا صـراحة مسـلسل بـطل , صح إني ماتـابعتـه كله بس شفـت كثيـيـر منـه , يالبيـه يا أني أكـرهها بـعد , مو لشـي بس يـمكن لأنها تـزوجت ديـريـك 
أحبـتس ياشيـخة اليـوم ان شاءالله بيـجيني الهـاردسك وبـبدأ أحمـله , بنـده - أقدع بت - Game of Love تسـلمون قـد كثيـر <-- تقاسـموها  |
||||||||||||||||||||||||||||||||||||
|
|
|
||||||||||||||||||||||||||||||||||||
|
02-05-2008, 08:50 AM
|
#6 |
 
 |
رد: {..♥ .. Grey's Anatomy
مسلسل درامي حلوو
ضح اني ما اتابعه ولا اتحمس اني اتابعه . . بس يعجبني اذا شفت حلقه ولا شي منه اشوفه دايم ع اكشن مدري فور وعلى السيريس احداثه حلوه بس مو تايبي << براااااا بس موضوع متعوب عليه بنوده اهنيـك ودوتس  |
|
|
|
|
02-05-2008, 09:38 AM
|
#7 | |||||||||||||||||||||||||||||||||
|
|
رد: {..♥ .. Grey's Anatomy
بياعة العلوك ياااا هلاااا والله ببياعتنا نورتي وآنستي
هههههههههههههههه ايه والله خاقة هذا اعتبره المسلسل الثاني بالنسبة لي طبعا بعد دسبريت هاوس وايفز لأنه لا يعلى عليه
قصدك لحظات حرجة؟؟؟ لا هذولي ماقلدوا هذا !! قلدوا مسلسل أمريكي ثاني اسمه ER ولا ذا غير
| |||||||||||||||||||||||||||||||||
