قوانين قسم شخابيط..حياك

السلام عليكم

1: القسم يختص بتصاميم الفوتوشوب-الفلاش-سويش-ثري دي-فور دي-التصوير الاحترافي+ الفن التشكيلي...اي موضوع يكون ماله علاقه بما ذكر سابقا راح يتم نقله لطفاية الملحق...ولازم تتكلم لنا عن التصميم شوي وش سويت فيه وايش الصور المستخدمه؟؟...

2:لاتستخدم صوره مخله بالآداب ...اختار صور حلوه وزي الناس...وخذ وقتك في التصميم يعني لا تحط لنا صوره وتكتب عليها كلمتين وتقول لنا هذا تصميم..تراه بيروح للطفايه على طول

3:لاترد بـ ((تصميم جميل))..((يعطيك العافيه))...((يسلمو))...خل هالردود لك...تبي تزيد عدد مشاركاتك روح زيدها في بيتكم...هنا نبي ردود سنعه..تخيّل تصمم وتتعب همن تجي وتشوف زي هالردود..ماتتحطم؟؟

4:اذا جيت بتنتقد..انتقد نقد بناء..مو تقعد تسب وتلعن وتقول ذا نقد!!

5:الشتشته ممنوعه منعا باتا...واللي يبي يشتت ياويله مني...

6:التصاميم المسروقه ممنوعه...وحتى المنقوله...نبي تصاميم من مجهودكم..

7:طلبات التوقيع ممنوعه برضو...اللي يبي يطلب يروح لأي واحد في الرسايل الخاصه والا يكلّم اي واحد معه في المسن...لكن تنزل موضوع تطلب توقيع ممنووووووووووع....وبرضو ممنوعه مواضيع استعراض التواقيع + الالعاب

8:لاتحطون اغاني في التصاميم والا في مواضيعكم...لكن موسيقى كلاسيكيه والا رومنسيه معليش مسموح

9: لاتنزل موضوعين ورى بعض...خل موضوعك الاول ياخذ حقه من الردود همن نزل الثاني

10-تحميل التصاميم على مركز تحميل الملحق

بس هذا اللي عندي الحين

يعطيكم الف عافيه وبالتوفيق

خلونا نشوف ابداعاتكم